Inatsisartut ombudsmandiat inatsisilerinermi sullissinermik suli-aqartussamik sulisussarsiorpoq

Inatsisartut ombudsmandiat inatsisilerinermi sullissinermik suliaqartussamik sulisussarsiorpoq

Inatsisilerituutut sullissinermik suliaqartussamik pissarsiorpugut (fuldmægtigitut imaluunniit immikkut siunnersortitut) augustip aallaqqaataani 2026-mi isumaqatigiissuteqarnikkulluunniit atorfinittussamik.

Namminersorlutik Oqartussat Nunatsinnilu kommunit inatsisiliornermik atuuttumik malinninnerannik nakkutiginnittussatut ombudsmandi toqqarneqartarpoq.

Innuttaasunit naammagittaalliutinik annertunerusumik suliaqartarpugut. Tamatuma saniatigut aamma nammineerluta suliniuteqarnikkut misissuiffigisassanik suliaqartarpugut, soorlu assersuutigalugit sammisat naammagittaalliutit imaluunniit tusagassiutini sammineqartut immikkut aallaavigalugit, soorluttaaq kommuninut angalanerit paaqqinnittarfinnullu nakkutilliiartornerit aamma ingerlanneqartartut. Tamanna isornartorsiuisoqarneranik imaluunniit oqartussat aalajangiinerminnik suleriaatsimilluunniit nalilersueqqinnissaannik peqquneqarnerannik kinguneqarsinnaavoq, suliami ombudsmandimit oqaaseqaatigineqartut tunngavigalugit.

Sulianik suliarinninneq inatsisilerinermut pisortaq inatsisilerituullu sullissinermik suliaqartut allat suleqatigalugit ingerlanneqassapput. Sulianik suliarinnittut ataasiakkaat sulinertik annertuutigut namminneq pilersaarusiorsinnaavaat suliakkiissutigineqartullu naammassineqarnissaasa tungaanut malinnaavigisinnaallugit.

Tamatuma saniatigut sulianik suliarinnittut suliassani allani allaffissornikkut suliassani allani annikinnerusuni peqataasarput.

Atorfimmut piginnaasassat

Qinnuteqartuusutit naatsorsuuteqarfigivatsigit:

· Inuiaqatigiilerinermi ilinniarluarsimasuuvutit inatsisilerituutut imaluunniit inatsisilerinermi bacheloriuvutit atuagarsornikkut piginnaasaqarluarlutit, allattariarsornikkullu oqaaseqatigiiliullaqqissuullutit. Inatsisilerinermi bacheloriuguit, naatsorsuuteqarfigivatsigit ukiualuit ingerlaneranni kanditatitut ilinniakkamik naammasinnissasutit, isumaqatigiissuteqarnikkullu tamatumani periarfissannik ikorfartuiumaarpugut.

· Pisortat pillugit inatsiseqarnermik immikkut soqutigisaqartuuvutit ingerlatsinerlu pillugu inatsiseqarneq pullaviginerorusullugu.

· Inatsisilerinikkut ajornartorsiutinik pisariusunik assigiinngiiaartunillu paasinnillaqqissuuvutit

· Akisussaassuteqartuuvutit suliassatillu namminersuullugit suliarisinnaallugit

· Attuumassutilimmik misilittagaqareerputit, soorlu assersuutigalugu qitiusumik allaffeqarfissuarmit, eqqartuussivinnit, kommuninit imaluunniit eqqartuussissuserisutut suliaqarfimmit. Ilinniakkaminnik naammasserlaat aamma ilaatinneqarsinnaapput.

Suliffeqarfik qanoq ittuua

Suliffipput mikisunnguuvoq, maannakkut sulisorineqartut tassaallutik ombudsmandi, inatsisilerinermi pisortaq nutserisullu pisortaat. Taakkua saniatigut inatsisilerituutut sullissinermik suliaqartut arfiniliupput, nutserisoq allatsilu.

Suliffik pitsaasoq sulinermilu pitsaasumik avatangiiseqartoq, suliassallu tamarmiusut naammassiniarneranni ikioqatigiiffiusoq neqeroorutigaarput.

Pingaartumillu ilinniakkaminnik naammasserlaanut neqeroorutigaarput inatsisilerinikkut pitsaasumik, patajaatsumik tamatigoortumillu ilinniartitsinissaq, tamannalu inatsisileri-tuutut kingusinnerusukkut sulinermi qaffakkiartornissamut iluaqutigilluarsinnaassavat.

Piffissaq suliffiusoq sapaatit akunnerannut nalunaaquttap akunnerinik 40-nik sivisus-suseqarpoq. Qaangiuttoorluni sulineq nalinginnaasuunngilaq. Piffissat suliartorfiusartut soraarfiusartullu nikerartinneqarsinnaapput pissutsillu allatigut aamma eqaatsuullutik.

Sulisunut inissiamik inissaqartitsivugut, malitarisassat atuuttut malillugit akilersor-neqartussamik. Atorfinikkiartorlutit angalanerit pisattavillu assartornerat akilissavagut. Ukiut pingasut atorfeqartitaareerlutit soraaruit angalanermut pequtillu assartornerinut aningaasartuutinik akiliunneqassaatit.

Akissarsiat atorfinitsitsinermilu atugassarititaasut

Akissarsiat atorfinitsitsinermilu atugassarititaasut Inatsisartut Siulittaasoqarfiata DJØF-illu isumaqatigiissuteqarnerisigut aalajangersarneqartarput. Tunngaviusumik akissarsiat tapillu Kalaallit Nunaanni qitiusumik allaffeqarfissuarmi fuldmægtigit akissarsiaannut naapertuupput. Taakkua saniatigut ukiut qassit sulisimaneq tunngavigalugu soraar-nerussutisiaqaataasussamik tapeqarpoq qaammammut 3.758,82 kr.-inik. Pigin-naasaqassuseq aallaavigalugu tapit isumaqatigiinniutigineqarnissaannut periarfis-

saqarportaaq.

Suliffimmit allamit sulinngiffeqarallarsinnaanermut periarfissaqarpoq

Naalagaaffimmi tjenestemandit AC-llu isumaqatigiissutaat arlallit tunngavigalugit atorfeqartitaasut Namminersorlutik Oqartussat ataanni atorfinitsinneqarnermut atatilugu akissarsiaqaratik sulinngiffeqarallarsinnaatitaapput. Sulinngiffeqarallarsinnaatitaaneq pil-lugu aalajangersakkani katisimaguit aapparisat inooqatigisallu pineqartunut aamma ilaatinneqarput.

Aamma eqqumaffigineqassaaq Namminersorlutik Oqartussat ataanni atorfinitsin-neqarnermut atatillugu, sulinngiffeqarallarnissamik qinnuteqaatit akuersaarneqar-tarnissaat Qallunaat Nunaanni Indenrigsministeriaqarfiup kommuninut nunallu im-mikkoortuinut inassuteqaatigisimammagu.

Namminersorlutik Oqartussani kommunimiluunniit atorfeqaruit ukiut suliffigisimasavit amerlassusaannik katersat uatsinni atorfinitsinneqarninni pigiinnassavatit.

Qinnuteqaat

Qinnuteqaat CV-mik, bacheloritut kandidatitullu soraarummeernermut uppernar-saammik, matumani karakterit allattorsimaffii ilanngullugit, allagaatinillu allanik tamatumunnga tunngassuteqartunik ilaqartillugu nassiunneqassaaq e-mailikkut uunga job@ombudsmand.gl.

Qinnuteqaatit kingusinnerpaamik 18. maj 2026-mi tigoreersimassavarput. Qinnuteqartunik oqaloqatiginninnerit ingerlaavartumik pinissaat naatsorsuutigaarput. Qinnuteqartunik oqaloqatiginninnerit aallaavittut nammineq takunnikkut ingerlan-neqassapput, pissutsilli aallaavigalugit attaveqaatit atorlugit ingerlanneqarsinnaallutik. Oqaloqatigineqarnerit arlaliusinnaapput.

Atorfik, nalinginnaasumillu Kalaallit Nunaanni najugaqarneq pillugu paasissutissat pillugit, inatsisilerinermi pisortaq Lars-Christian Sinkbæk oqarasiuaatikkut +299 32 78 10 attavigineqarsinnaavoq piffissami nal. 10-14, pingasunngornikkut saaffiginnittunut matoqqasarpugut (eqqaamallugu Qallunaat Nunaanniit sianeruit, Qallunaat Nunaat nalunaaquttap akunneri pingasunik nunatsinniit siulliummat).

Tusarfiginissat qilanaaraarput.

Nittartagarput www.ombudsmand.gl atuarlugu paasisaqarnerusinnaavutit.