Inatsisilerinermilu allaffimmi pisortassarsiorneq

Atorfinitsitsisarneq pillugu inatsisit pikkoriffigaagit? Inatsisilerituut ilinniarluarsimasut siuttuuffigisinnaavigit? Ingerlatsinermit inerisaanermut nikerarsinnaavit? Pisortani akissarsianut isumaqatiginninniartarnerit ilisimaarilluarpigit? 

Taakku angersinnaagukkit – Aningaasaqarnermut Sulisoqarnermullu Aqutsisoqarfimmi sulisunut inatsisilerituui akissarsianullu isumaqatiginninniartarnermi siunnersorti inatsisinik ilisimasaqarluartumik allaffimmi pisortassarsiorput.  Atorfik Sulisoqarnermut Inatsisilerinermillu immikkoortortamiippoq. 

Immikkoortortaqarfimmi suliassat ilaatigut tassaapput:

• Namminersorlutik Oqartussanut taakkulu ataanni immikkoortortaqarfinnut suliassat sulisunut tunngasut, siunnersuinerit aqutsisunillu ikorfartuinerit

• Isumaqatiginninniarnerit, inatsisinik paasinninnernik nassuiaanerit atuuttussanngortitsinerillu 

• Inatsisit malillugit atorfinitsitsisarnernik ilinniartitsinerit ilitsersuusiornerillu

• Immikkoortortaqarfiit sulianut attuumassutilinnik suliaqarnerannut ikiuunnerit

Maanna inatsisilerituut sisamat siunnersortillu ataatsip suliassat taakku suliarivaat.  Taakku tamarmik ilinnut attaveqartassapput. 

Allaffimmi pisortatut suliassavit ilaat assersuutigalugu imaassapput: 

• Sulisunut inatsisilerituunut kiisalu isumaqatiginninniarnermi siunnersortimut sulisutut aqutsineq, matumanilu suliassanik agguataarineq, suliarinninneq pingaarnersiuinerlu. 

• Namminersorlutik Oqartussat kommunillu immikkoortortaqarfiini immikkoortortaqarfiullu iluani suleriaatsinik ataqatigiissaarinerit, pitsanngorsaanerit atortorissaarutitigullu ikorfartuinerit

• Immikkoortortaqarfimmut attuumassuteqartunik aqutsisunut ilisimatitsisarnerit

• Immikkoortortami Sulisoqarnermi aamma Inatsisilerinermi sulisunut siunnersortinut pisortaq qanimut suleqatigalugu ataqatigiissaarineq

Ilinniakkatigut imatut tunngaveqarnissat naatsorsuutigaarput:

• Cand.jur/Cand.merc.jur-itut naammassillugu imaluunniit tassunga assigusumik ilinniagalik kisitsisinik paasinnillaqqittoq

• Uppernarsaasikkanik aqutsisutut misilittagaqartutit

• Isumaqatiginninniarnermit misilittagalik kiisalu Aningaasaqarnermut Sulisoqarnermullu Aqutsisoqarfiup suliassaanik ilisimasalik 

• Inatsisit malillugit ataasiakkaanut eqimattanullu atorfinitsitsisarnernik sulisoqarnerlu pillugit inatsisilerinermik ukiuni arlalinni misilittagaqartutit

• Pisortat ingerlatsinerisa iluanni suliaqartarnermik ukiuni arlalinni misilittagaqartutit, Namminersorlutik Oqartussaniusinnaavoq

• Ilinniartitsinermik misilittagaqarneq

Aamma inuttut piginnaasatit uku aamma piumaneruavut:

• Tatiginartoq, ammasoq, kajumissaarisoq

• Suliniuteqallaqqissuusutit, qasujaatsuusutit sulianillu ingerlatsillaqqissuusutit

• Suleqatikkuminartuussaatit atuisullu paasinnittariaasiat aallaavigalugu sullissisinnaassaatit

• Eqaatsumik suleriaasilik aaqqissuussami assigiinngitsunik ilinniagaqarfiusumik kulturikkullu assigiinngitsunik sulisulimmi ulluinnarnilu nikerarfiusumi sulilluarsinnaasoq

• Kalaallit kulturiannik, oqaasiinik inuiaqatigiillu atugaannik ilisimaarinnittoq 

Neqeroorutigivagut:

• Sulisut ilinniarluarsimasut tunniusimasut 

• Sulisunut immikkoortortami aqutsisoqatigiit peqatigalugit isumasiorfiulluarsinnaasut 

• Ilinnut atorfinnut tulluarsakkamik inuttut ineriartortitsineq 

Qinnuteqarnissamut piffissarititaq atorfininnerlu 

Qinnuteqaammik tunniussinissamut killigititaavoq ulloq 30. oktober 2026, nal. 12.00. 

Atorfik pillugu itinerusumik paasisaqarusukkuit Sulisoqarnermut Isumaqatiginninniartarnernullu pisortaq Frederik G. Schmidt attavigisinnaavat, uku aqqutigalugit fsch@nanoq.gl imaluunniit oqarasuaat +299 346681

Atorfininnissaq pissaaq ulloq 1. december 2026 imaluunniit isumaqatigiissuteqarnikkut. 

Atorfeqarnermi atugassarititaasut 

Atorfik akissaateqarfimmi LR 36-p assingani maanna inissisimavoq.  Aningaasarsiat aalajangersimasunik aningaasarsianut ilallit LR 36-mi 1. april 2026-miit qaammammut 57.531 kr.-upput ukiumullu 690.372 kr.- ullutik. 

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemanditut atorfeqareersimaguni nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq. 

Akissarsianut atorfeqartitaanermullu piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput. Naalagaaffimmi tjenestemand-it AC-tut isumaqatigiissutit arlalissuit naapertorlugit atorfillit, ilaatigut DJØF-ip Finansministeriallu akornanni isumaqatigiissutit naapertorlugit, Kalaallit Nunaanni Namminersorlutik Oqartussat ataanni atorfeqarnerminnut atatillugu aningaasarsiat pigiinnarlugit sulinngiffeqarallarsinnaatitaanermut pisinnaatitaaffeqarlutik. Aammattaaq Nunamut namminermut ministeriaqarfiup kommuninut nunallu immikkoortortaanut inassutigisimavaa, Kalaallit Nunaanni Namminersorlutik Oqartussat ataanni atorfinitsitaanerminnut atatillugu akissarsiaqaratik sulinngikkallarnissamut qinnuteqaateqartunut akuersaartumik pissusilersornissaq. Sulinngiffeqarallarnissaq pillugu aalajangersakkat Kalaallit Nunaanni Namminersorlutik Oqartussani inuit atorfinitsinneqartut katissimasaannut /aappaannut aamma atuupput. 

Aallaavittut sapaatip akunneranut sulineq akunnernik 40-nik sivisussuseqarpoq, aamma ukiumut akunnerni 320-ini qaammatillu pingasuugaangata akunnerni 80-ini suliartoqquneqarsinnaaneq atorfininnermut attuumapput, ullullu sulinngiffiusussat annaaneqarsimasut ajunngitsorsiassaqarfiginissaat pillugu aalajangersakkat atuutinngillat. 

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.