Indkøbschef til udbud og kontraktstyring i Økonomi og Indkøb i Det Grønlandske Sundhedsvæsen

Kalaallit Nunaanni Peqqinnissaqarfimmi Aningaasaqarnermi Pisiortorfimmilu neqeroortitsinernut isumaqatigiissutinillu aqutsinermut pisiortortarnernut pisortaq

Kalaallit Nunaanni Peqqinnissaqarfik aningaasaqarnerup, aamma pisiortornerni periusissiap nutaaliap iluini assut allanngoriartorfimmiippoq. Pisiortornernut, aamma pilersuisartunut suleqatigiinnissamut isumaqatigiissutinik pitsaasunik toqqammavissanik paatsuugassaanngitsunik inissiinissanik Peqqinnissaqarfik kissaateqarpoq.

Neqeroortitsinernik aqutsinernik, suliniutinik siulersuinerni, aamma isumaqatigiissutinik aqutsinerit iluini nukittuunik piginnaasalimmik Pisiortornermut immikkoortoqarfimmut allaffimmi pisortaq misilittagaqarlunilu tamatigoortoq inuttassarsiugaraarput. Inissisimaffimmi suliniutit paasiuminaatsut aqunnerini qitiusutut ilaaffeqalissaatit, suliffiup iluani avataanilu suleqatigisanik sunniuteqarluartumik ataqatigiissitsineq qularnaassavat, kiisalu isumaqatigiissutit neqeroortitsinermillu ingerlassat pikkoriffigalugit anguniagaqarfigalugillu isumagisassallugit. Taamaattumik atorfimmi tassani pisortatut inissisimaffimmik inissinnissamut qunuffeqanngitsuusutit ujarpatsigit. Atorfimmut qinnuteqarnissannut tunngavigisatit amerlasuutut iluseqarsinnaapput, suliassamilli kivitsisinnaanissannut ilinniagaqarnerit tungaatigut, aamma/imaluunniit misilittagaqarnerit tungaatigut tunngaveqartuunissat naatsorsuutigaarput. Atorfimmi nammineq aaqqiissutinnik ingerlattakkannillu suliaqarnissannut assut periarfissaqassaatit, Aningaasaqarnermut Pisiortornermullu Immikkoortoqarfimmit suleqatinni tapersersorneqarlutillu sulianut tunngasutigut isumasioqateqartassallutit.

Suliassat pingaarnerit tassaajumaarput:

• Neqeroortitsinernik ataqatigiissaarinerit: Neqeroortitsinermik ingerlatanik aqutsillunilu ataqatigiissaarinerit, ilanngullugit neqeroortitsinermi atortussanik suliaqarnerit, neqeroorutaasunik nalilersuinerit, aamma isumaqatigiissutinik atsiuisarnerit
• Suliniutinik aqutsineq: Pisiortornermik suliassaqarfiup iluani ineriartortitsinermik suliniutinik aqutsinerit
• Isumaqatigiissutinik aqutsinerit: Isumaqatigiissutinik tamaaneereersunik sunniuteqarluartumik aaqqissuussillunilu aserfallatsaaliuinernut akisussaaffeqarfik, taamaalisukkullu isumaqatigiissutinik nutaanik piffissamik eqquisumik atsiuinissanut ingerlattakkanik pitsaanerpaanngorsaanermik nutaalianngortitsinermillu suliaqartassaatit. Tassunga ilaapput piffissaq eqqorlugu malitseqartitsinerup qularnaarnera, neqeroortitsinissamut pisariaqartitanik suussusersinerit, aamma isumaqatigiissutinik nutarsaanernik ataqatigiissaarinerit
• Suliffiup avataani suleqatigisanik ataqatigiissaarinerit: Suliffiup avataani pilersuisartunik suleqatigisartakkanillu attaveqarfissanik pilersitsinerit, aserfallatsaaliuinerillu, kiisalu sunniuteqarluartumik suleqatigiinnerup qularnaarnissaa, aamma suliniutini anguniakkanik tikitaqartarnissat
• Sulisorisanik aqutsineq: Pisiortornermut immikkoortoqarfimmi pisortaqarfiup sinneranik suleqateqarluni sulisunik arfinilinnik tapersersuisutut, sulianullu tunngasutut nukittuumik aqutsinerup qulakkeernissaa.

Ima ittuunissat naatsorsuutigaarput:

• Suliffiup avataani illua’tungerisanik suliaqartarnermik sungiussisimasoq, aammalu attaveqaqatigiinnikkut nukittuunik piginnaasalik
• Imminut najoqqutassaqartitsisoq, aamma suliassat iluarsiiviginissaannut misissueqqissaarisutut tikitaqartartoq
• Suleqatigiinni ingerlatsisartuusoq, aammalu soqutigisaqaqatigiinnik arlalinnik ataatsimoortitsilluni ataqatigiissitsisinnaasoq
• Namminersuutigisaminik suliaqartarnermik sungiussisimasoq, aammalu suliniutigisanut akisussaaffinnik tigusinnittartoq
• Ajornanngippat suliniutinik aqutsisutut aserujaatsumik misilittagalik, pineqarsinnaalluni Prince II, aammalu siuarsarnermik, inernerisatut pilersuutigisanik qulakkeerinnissinnaasoq.

Qinnuteqaat

Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.

Sulilerfissaq: Isumaqatigiissut malillugu

Qinnuteqarfissaq kingulleq: Ull.3. november 2025

Qinnuteqartunik oqaloqateqarnerit ataavartumik ingerlanneqassapput 

Attavissaq/at: Atorfik/iit pillugu/it paasissutissat: Aningaasaqarnermut pisortakkut, Maria Rasmussenikkut pissarsiarineqarsinnaapput, ukunatigut: oq. 248948 aamma mailikkut: MRSS@PEQQIK.GL

Ineqarneq

Inissiamik innersuussisoqarsinnaanngilaq.

Innuttaassuseq

Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.

Akissarsiat atorfininnermilu atugassarititaasut

Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut

pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq

Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.

Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.

Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit. 

Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen

Kalaallit Nunaanni Peqqinnissaqarfik suliffittut pujortarfiunngilaq.

Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.

Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.

Atorfik una qinnuteqarfigiuk