Ineqarnermut, Attaveqaasersuutinut, Isorliunerusunut Upalungaarsimanermullu Naalakkersuisoqarfimmi silaannakkut angallannermut suliassaqarfimmut AC-fuldmægtigi/immikkut siunnersorti

Kalaallit Nunaata angallannikkut periusissatigullu pingaaruteqarnera malunnaatilimmik ineriartorfiani, Kalaallit Nunaanni silaannakkut angallannermik inuiaqatigiinni pisariaqartinneqartumik suliaqarusuppit? Politikerit qanillugit aalajangiinissamullu tunngavissanut, inatsisiliornermut aqqiissutissanullu innuttaasunut, inuussutissarsiortunut aammalu Kalaallit Nunaata ataqatigiissinnaaneranut pingaarutilinnut suleqataallutit sulerusuppit?

Taamaappat Ineqarnermut, Attaveqaasersuutinut, Isorliunerusunut Upalungaarsimanermullu Naalakkersuisoqarfimmi Silaannakkut angallannermut allaffimmi  silaannakkut angallannermut suliassaqarfimmi AC-fuldmægtigitut/immikkut siunnersortitut atorfik immaqa ilinnoortuuvoq.

Politikki, inuiaqatigiit aaqqiissutissallu aalajangersimasut qanillugit

Ineqarnermut, Attaveqaasersuutinut, Isorliunerusunut Upalungaarsimanermullu Naalakkersuisoqarfimmi sulisutut allaffissornermi maskiinaqarfimmi ilaalissaatit, tassani politikkikkut aalajangiinerit tigussaasumik suliniutinngortinneqartarlutik. Naalakkersuisoqarfimmi sulineq isumaqarpoq politikerit patajaatsunik aalajangiinissamut tunngavissaqarnissaq aammalu politikkikkut aalajangiinerit tigussaasumik aaqqiissutissanngortinneqarsinnaanissaat qulakkeertussaavagut.

Naalakkersuisuni politikerit qanillugit sulissaatit aammalu suliassaqarfimmi inuiaqatigiinnut pingaaruteqartorujussuarmi aalajangiinissamut tunngavissanut, ilisimatitsissutinut, inatsisiliorluni suliaqarnermut aammalu misissueqqissaarnernut suleqataassallutit.

Attaveqaasersuutinut suliassaqarfimmi misissueqqissaarnerup, politikkikkut aalajangiinerup suliassanillu suliarinninnermi pissusiviusut imminnut qanittuaraasarput. Taamaattumik illit sulinerit illoqarfinnut, inoqarfinnut, angallannikkut attaveqarnernut aammalu oqartussanik ingerlatsisunillu avataaneersunik suleqateqarnermut toqqaannartumik sunniuteqarsinnaassaaq..

Silaannakkut angallannermut suliassaqarfik ukkataralugu suliassanik tamanik suliarinnittartoq

Silaannakkut angallannermut suliassaqarfimmi suliassat pingaarnertut akisussaaffigilissavatit. Aamma ilaatigut aqqusinertigut angallannermut nalunaarasuartaatinullu suliassaqarfiup iluani kiisalu ilaasunik angallassinermut kiffartuussinissamut isumaqatigiissutinut suliassat suliassanngortartut suliassarilersinnaavatit.

Silaannakkut angallanneq aamma timmisartoqarfiit Kalaallit Nunaata ataqatigiissinneqarsinnaaneranut, nuttarsinnaassutsimut, pilersuinermut, inuussutissarsiornerup ineriartortinneqarneranut aamma nunani tamalaani atassuteqarnernut qitiulluinnarput.

Aaqqiissutissat piumasarineqartut, nunani tamalaani nunamilu namminermi maleruagassanik kiisalu nunami sumiiffinnut, silap pissusaanut angallannermullu tunngasunik sillimaffiginniffiusussat, nunatsinni maani atuuttut qulakkeerniarlugit, Kalaallit Nunaanni silaannakkut angallannermut inatsisit aamma atugassarititaasunut killissaliussat pillugit naalagaaffimmi oqartussat attuumassutillit Silaannakkut angallannermut allaffimmi suleqatigineqarput.

Silaannakkut angallannermut suliassaqarfimmiipput ilaatigut timmisartoqarfiit 13-it aamma qulimiguulinnut mittarfiit 46-t kiisalu Kalaallit Nunaanni silaannakkut angallannermut maleruagassat killissaliussallu nalinginnaasut. Kalaallit Nunaanni timmisartoqarfiit ilusiligaanerat angallannermilu sullissineq, Nuummi, Ilulissani Qaqortumilu nutaanik mittarfiliornermi, annertoorujussuarmik ineriartuleruttorput. 

Silaannakkut angallannermut allaffimmi Kalaallit Nunaanni pisortat timmisartoqarfiit aamma qulimiguulinnut mittarfiit ingerlanneqarnerat pillugu Greenland Airports Regional A/S-imut kiffartuussinissamut isumaqatigiissut aqunneqarpoq. Tamatuma saniatigut allaffik Air Greenland-imut, nunatsinni qulimiguulinnut mittarfinnut timmisartoqarfinnullu tamanut timmisartuussisartumut, qanimut attaveqarpoq.

Kalaallit Nunaanni timmisartoqarfiit pillugit annertunerusut atuarsinnaavatit uani https://kanat.gl/kl-gl/kalaallit-nunaanni-attaveqaasersuutit/mittarfiitaammalu silaannakkut angallannermut maleruagassat pillugit uani https://www.trafikstyrelsen.dk/arbejdsomraader/luftfart. 

Suliassat 

Akisussaaffeqarlutit allanngorartumillu atituumik inissisimaffeqalissaatit. Suliassarni ilaatigut ilaatinneqarsinnaapput:

• innuttaasunit politikeriniillu saaffiginnissutinut akissutissamut missingiutinik allanneq

• aalajangiinissamut tunngavissianut missingiutinik allanneq

• politikerinut ilisimatitsissutinik allanneq

• politikkinik, periusissianik aaqqiissutissanullu siunnersuutinik ineriartortitsineq

• angallannermi, aningaasaqarnermi ingerlatsinermilu ajornartorsiutit pillugit misissueqqissaarnerit, allakkiat nassuiaatillu

• naalakkersuisoqarfinnit allanit inatsisissanut siunnersuutinut aalajangiinissamullu tunngavissianut tusarniaanermut akissuteqaatinik suliaqarneq

• soqutiginnittunik suleqatigisartakkanillu ataatsimeeqateqarnerni naalakkersuisoqarfik sinnerlugu najuunneq

• suliassaqarfimmi anigorniagassanik periarfissanillu nutaanik suussusersiisarneq

• naalagaaffimmi oqartussanik, oqartussanik, ingerlatseqatigiiffinnik soqutiginnittunillu avataaneersunik suleqateqarneq

• suliniutinik aqutsineq ataqatigiissaarinerlu

• suleqatinut ilanngussassanik tunniussisarneq tapersersuisarnerlu

Suliassat allaffimmi pisortaq qanimut oqaloqatigalugu aaqqissuunneqartarput aammalu piginnaasaqarfernut, misilittagarnut suliatigullu ineriartornernut naleqqussarneqartarlutik. Piginnaasaqarfitit apeqqutaatinnagit allatassavit imarisassai tamaasa pillugit allaffimmi pisortaq qanimut oqaloqatigisussaassavat.

Suliassat suut suliarineqartussaanerat apeqqutaalluni, Kalaallit Nunaannut, Danmarkimut nunanullu allanut sulilluni angalanerit pisinnaapput.

Kina ujartorparput?

Illit ujartorpatsigit:

• ilinniagartuutut naleqquttumik ilinniagaqarsimasoq

• inuiaqatigiit ingeriartornerannit, politikkimit akisussaaffimmillu kajumissuseqalersinneqartartoq

• ulluinnarni allanngorarsinnaasuni politikkikkullu aqunneqartuni aaqqissuussaasumik sulisinnaasoq

• ajornartorsiutinik pisariusunik ersarissumik eqqortumillu paasissutissiisinnaasoq

• inatsisilerinerup, aningaasaqarnerup suliassallu suliarineqartussat ataatsimoorfianni sulerusuttoq

• suliassanik nammineerluni aammalu suleqatit qanimut suleqatigalugit sulinermik nuannarisaqartoq

• sukumiisortanik aammalu periusissanut annertunerusunut ataqatigiissillugu takunnissinnaasoq

Kalaallit Nunaannut, pisortat ingerlatsinerannut, assartuussinermut suliassaqarfimmut imaluunniit silaannakkut angallannermut ilisimanninneq iluaqutaassaaq, kisianni piumasaqaataanani. Pingaarnerpaajuvoq misissueqqissaarnermut piginnaasaqarluarnissat, allattariarsullaqqissuunissat, naliliisinnaassuseqarluarnissat aammalu suliassaqarfiup sukumiisumik ilinniarnissaanut piginnaasaqarnissat.

Ilinniarlutit naammasseqqammeruit, sukumiisumik ilinniartinneqarnissat isumagissavarput. Misilittagaqaruit sukkasuumik nammineerlutit akisussaaffeqalissaatit.

Suut pissarsiarissavigit?

Pissarsiarissavatit:

• suliassaqarfimmi inuiaqatigiinnut politikkikkullu pingaarutilerujussuarmik suliffik

• Kalaallit Nunaanni siunissami attaveqaasersuutit pillugit aalajangiinernut paasisimaarinninneq sunniuteqarnerlu

• ulluinnarni Naalakkersuisuni politikerit qanillugit sulineq 

• Kalaallit Nunaannit isigalugu silaannakkut angallannermik, timmisartoqarfinnik aammalu kiffartuussinissamut isumaqatigiissutinik suliaqarnissamut periarfissaqarneq

• aallussilluartunik suleqateqarluni sulianut pikkorissunik avatangiiseqarneq

• sullivimmi sukkasuumik, qaffasissunik anguniagaqarluni suliatigullu ineriartornissamut inissaqarluni sulineq

Uagut pilluta

Silaannakkut angallannermut allaffimmi silaannakkut angallanneq, timmisartoqarfiit, ilaasunik angallassinermut kiffartuussinissamut isumaqatigiissutit, nalunaarasuartaateqarnermut suliassaqarfik aamma aqqusinertigut angallanneq suliarineqarput. Allaffik Attaveqaasersuutinut immikkoortortaqarfimmut ilaavoq, tassaniilluni aamma Imarsiornermut allaffik imarsiorluni angalanermut umiarsualivinnullu akisussaasuusoq. Sulisut katillugit 11-uvugut. 

Allaffimmi suliassat inatsisilerinerup, politikkip, aningaasaqarnerup, pilersaarusiornerup aammalu ataasiakkaatigut ingerlatsinermut tunngasut akornanni ataatsimoortillugit isumagineqarput. Suliassat amerlanertigut pisariusuusarput, politikkikkut mianernarlutik inuiaqatigiinnilu pisariaqartinneqarlutik. Tamatuma sulineq suliatigut unammillernartortaqalersittarpaa pingaaruteqalersittarlugulu.

Sulineq avatangiisini ulapaarfiusuni ingerlanneqartarpoq, tassani akisussaaffik, sulinerup nuannarinera aammalu qaffasissumik pikkorissuseqarneq ataatsimoortillugit ingerlanneqarpoq. Ulluinnarni qiimaneq, suleqatinik isumasioqateqartarneq aammalu sulineq ilaqutariinnilu inuuneq ataqatigiittussaanerisa ataqqineqarnera malunnarpoq.

Suleqatigiit ataatsimooqatigilluarnissaat aammalu sullivimmi inissaqartitsilluarnissaq pingaartippagut. Ukiup ingerlanerani aamma Naalakkersuisoqarfimmi sulisunut peqatigiinnissamut aaqqissuussinerit ingerlanneqartarput, ilanngullugu ilaatigut ukiumoortumik Nuup kangerluanut angalaarneq, suleqatit peqatigalugit Kalaallit Nunaanni pinngortitap misiginissaanut periarfissaqarluni.

Apeqqutissaqarpit?

Attavissaq kst. Kontorchef Casper Cæsar Bendixen
+299 34 52 98✉ casbe@nanoq.gl

PISORTATIGOORTUMIK PISUSSANUT TUNNGASUT

Isumannaallisaanermi akuerineqarsimaneq

Atorfimmut piukkunnartutut isigineqarnissamut malittarisassat atuuttut naapertorlugit isumannaallisaanermi akuerineqarsimanissaq piumasaqaataavoq. Taamaattumik aallarniutaasumik pinerlussimasut nalunaarsuisarfianit pineqaatissinneqarsimannginnermut uppernarsaatip assilineqarnera annillatsinneqarsimasoq ilanngullugu nassiuguk. Taanna najukkami politiitut oqartussaasuni imaluunniit uani piniarneqarsinnaavoq: www.politi.gl/bestil-straffeattest/privat-straffeattest. 

Aningaasarsiat atorfininnermullu tunngasut

Aningaasarsiat atorfininnermilu atugassarititaasut, ilanngullugit atorfininnermi soraarnermilu akiliunneqarluni angalanissamut aamma pisattat nuunnerinut akiliunneqarnissamut pisinnaatitaaneq, atorfininnerup nalaani Namminersorlutik Oqartussat kattuffiullu isumaqatiginninniarsinnaatitaasup pineqartup akornanni isumaqatigiissutit atuuttut naapertorlugit ingerlanneqassapput.

Ineqarneq

Atorfimmut atatillugu inigisassamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnini aqqutigalugu sulisutut ineqareersimaguni sulisutut inissiamik innersuussivigineqarnissamut pisinnaatitaaffik attatiinnarneqassaaq. Sulisutut inigisaq atorfeqarnermut tunngavoq, atorfeqarnerullu uninnerani qimanneqassalluni.

Ulloq atorfiniffiusussaq

Piaartumik imaluunniit isumaqatigiissuteqarneq malillugu.

Piffissaq suliffiusoq
Sapaatip akunneranut nalunaaquttap akunneri 40-t.

Atorfinitsitsinissamut oqaloqateqarnerit ingerlanneqarnissaannut ulluliussaq

Oqaloqateqarnerit ingerlaavartumik ingerlanneqassapput

Qinnuteqaat, CV, ilinniarsimanermut aamma pikkorissarsimanermut uppernarsaatit, pillagaasimannginnermut uppernarsaat kiisalu allakkiat attuumassutillit allat nassiutikkit una toorlugu ”Qinnuteqaat nassiuguk”.

Qinnuteqaatit e-mailikkut nassiunneqartut tiguneq ajorpagut.