Ineqarnermut nakkutilliisussamik paarlatsissarsiorneq

Barselsvikari Nakkutilliinermik Ingerlatsivimmi perorsaanikkut suliatigut nakkutilliisoq

Februar/marts 2026-imiit december januar 2027-imut.

Meeqqat ulloq unnuarlu angerlarsimaffinni inissinneqartut pitsaasumik sinaakkuteqarnissaannut qulakkeerinneqataarusuppit?

Illit soqutiginnikkuit, perorsaanikkut isumaginninnikkullu suliatigut nakkutilliisutut atorfimmut inuttaqanngitsumut ujartorpatsigit. Atorfimmi annertuumik angalanertaqartarpoq, Kalaallit Nunaat tamakkerlugu ulloq unnuarlu angerlarsimaffiit nakkutigineqarmata.

Atorfimmi piumasaqaataavoq illit tulliuttut pikkoriffigissagitit/pikkoriffigissallugit ilikkarusukkitit:

• Misissueqqissaarneq (nakkutilliinissaq sioqqullugu allagaatit Nakkutilliinermik Ingerlatsivimmut nassiunneqartut)

• Ulloq unnuarlu angerlarsimaffinni aqutsisunik sulisunillu apersuineq

• Meeqqanik attaveqarneq apersuinerlu

• Inunnut akulerunnani alapernaassinnaaneq

• Qallunaatut kalaallisullu erseqqissuliorsinnaaneq

Uagut pilluta

Nakkutilliinermik Ingerlatsivik Isumaginninnermut, Suliffeqarnermut Nunamullu Namminermut Naalakkersuisoqarfimmi immikkoortortaqarfiuvoq nammineq ingerlasoq, kommunit isumaginninnermik inatsisini malittarisassanik eqqortitsinersut oqaloqatigiinneq tunngavigalugu nakkutilliisartoq.

Nakkutilliinermik Ingerlatsiviup ilanngullugu nakkutigisassarai Kalaallit Nunaat tamakkerlugu ulloq unnuarlu angerlarsimaffiit ingerlatsinermut, aningaasaqarnermut perorsaanermullu tun-ngatillugu nakkutilliinissaq. Nakkutilliinermi inatsisit atuuttut naapertorlugit ulloq unnuarlu angerlarsimaffiit pisussaaffimminnik tunniussinissaminnut eqquutitsitsinersut, najoqqutassat tamanut tunngasut aamma iliuusissatut pilersaarutit tigussaasut kiisalu najugaqartunut tamanut pilersaarutit misissorneqartarlutik.

Suliassaqarfik tamannarpiaavoq Nakkutilliinermik Ingerlatsiviup perorsaanikkut imaluunniit isumaginninnikkut suliamut tunngasunik tunuliaqutaqartumik nammineersinnaasumik, inerisimasumik misilittagalimmillu inuttassarsiuinera.

Nakkutilliinermik Ingerlatsivik immikkoortortami/nakkutilliinermik pisortaqarpoq nakkutilliisullu sisamat.

Atorfik pillugu (illit pingaarnertut suliassatit)

Kalaallit Nunaanni ulloq unnuarlu angerlarsimaffinnik nakkutilliisassaatit. Taamaattumik atorfimmi annertugaatsiartumik angalasoqartarpoq. Nakkutilliisutut illit peqatigalutit nakkutilliisumik qanimut suleqateqassaatit taamaattumillu aamma angalaqatigisassallutit. Nakkutilliinerit kingorna immikkut nakkutilliinermut nalunaarusiamik suliaqartoqartarpoq.

Nakkutilliinermik Ingerlatsivimmi piffissaq suliffiusoq sapaatip akunneranut nalunaaquttap akunneri 40-upput, illoqarfinnili allani nakkutilliinermut atatillugu qaangiuttoorneq naatsorsuutigineqarsinnaalluni.

Takorloorparput

• Inunnik isumaginninnermi siunnersortitut ilinniagaqarsimasutit naleqquttunillu allagartartaarfiusumik ilinniagaqaqqissimasutit, soorlu cand.soc-imik imaluunniit ilinniaqqiffiusumik assingusinnaasumik

• Perorsaanermut/isumaginninnermut tunngasumik suliassaqarfimmi siammasissumik attuumassuteqartumillu sulinermik misilittagaqarnissat aamma ulloq unnuarlu angerlarsimaffinni misilittagaqarnissat kissaatiginarluni

• Meeqqanik inersimasunillu attaveqarnissamut pikkorissuseqartutit

• Nakkutilliinermut atatillugu inunnik nutaanik naapitaqartarneq iluaqutitut isiginnittutit

• Inunnut akulerunngikkaluarluni alapernaassinnaasoq misissueqqissaarsinnaasorlu

• Oqalunnermi allattariarsornermilu ersarissuliorsinnaasutit

• Aaqqissuulluakkamik nammineerlutillu sulisinnaasutit

• Pitsaassuseq appartinnagu piffissaliussanik ukkataqarsinnaasutit.

Ilinnut neqeroorutigisinnaavagut

• Suliffeqarfik aalajangiisinnaassuseqarnermik namminerlu sulisinnaassusermik pingaartitsisoq, ulluinnarni illit sulinissannut nammineerlutit sunniuteqaqataaffiginissaanut pitsaasumik periarfissalik

• Kalaallit Nunaanni annertuumik angalasarnissat, angalanerni sapaatip akunnera ataaseq sinnerlugu angalasinnaallutit

• Atorfik akisussaaffeqarfiusoq, allanngorarsinnaasoq, unammilligassaqarlunilu pissanganartunik misigisaqarfiusoq, suliamut inummullu ineriartuutaasinnaasunik periarfissaqartitsisoq.

Atorfiniffissaq

1.februar 2026 imaluunniit tamatuma kinguninngua.

Paasissutissat sukumiinerusut:

Atorfik pillugu annertunerusumik paasisaqarusukkuit Nakakkutilliinermik Ingerlatsivimmi pisortaq Susanne Frandsen oqarasuaat +299 346693 atorlugu attaveqarfigisinnaavat, imaluunniit e-mailikkut ugguuna: sufr@nanoq.gl attaveqarsinnaavutit.

Akissarsiatigut atorfininnermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini attatiinnassavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk