Inerisaanermut ingerlatsivimmut pisortaq ALLAGARSIUTEQQITAQ

Kommune Kujalleq pikkorissumik siunissamut takorluuisinnaassuseqarluartumik aamma Kalaallit Nunaata siunissaanut allannguerusussuseqartumik aqutsisussarsiorpoq. Atorfiniffissaq februaarip ulluisa aallaqqaataa 2026 isumaqatigiissuteqarnikkulluunniit atorfinittussamik. 

Isumaqatigiissuteqarnikkut piaartumik atorfinitsitsisoqassaaq

Kujataani inuusuttunut, meeqqanut, innuttaasunullu ineriatortitseqataarusullutillu pitsaanerusumik atugassaqartitserusuppit? Taamaassappat illiussaaq atorfissaqartitarput! 

Kommune Kujalleq pilersaarusiorluarsinnaasumik tunniusimalluartumillu kommunip qitiunerpaamik suliassaqarfigisaata ilaanut ingerlatsivimmi pisortassarsiorpoq.

Pingaaruteqartumik inissisimassaatit, suliassaqarfinnut sunniuteqaqataassaatit kommunillu siunissaanut ersarissumik allanngueqataanissannik immikkuullarissumik periarfissinneqassallutit. Kommunip allaffissornikkut qullersaqarfianut ilaalissaatit, ataqatigiinermik pitsaasutsimillu pilersitsisoqarnissaanik akisussaaqataalissaatit kiisalu kommuni tamakkerlugu innuttaasunut allaffissornikkullu ineriartortitsinissannik periarfissinneqarlutit.

Kommune Kujalleq pillugu

Kommune Kujalleq Kalaallit Nunaanni kommunini kujallersaavoq - Kujataanni pinngortitaq, kulturi, ataatsimuussuseqarluarnerlu ingiaqatigisinneqartuupput. Nammanneqarsinnaasumik ineriartortisinissaq, atugarissaarnerunissaq, kommunimilu innuttaasut innuunerminni pitsaanerusumik atugaqarnissaat kommunimi ilungersorluta anguniartarparput. 

Kommunitta immikkuullarissuusup kusaqisumik pinngortitaqarnini ilisimaneqassutigaa - qaqqat peqqarniisinnaasut kusanaqisut, pinngortitaq qorsooqqissoq naasoqarfiulluartorlu – kangerluit nassuiaruminaatsut, ileqqutoqqat malillugit kulturi uummarissoq taamaakkaluartorli Kujataani nutaaliaasumi inooriaaseq qangalu ileqqutoqqat ataatsimoortinneqarlutik. Kujataa taassaavoq qanilaarfiusoq, ataatsimoorfiulluartoq, suliffiup nalaanni sunngiffimmilu misigisassarsiorfiulluartoq.

Atorfik pillugu

Ingerlatsivimmi pisortatut pingaarnertut akisussaaffigisassatit:

· Atuarfiit aamma Misi

· Ulluunerani paaqqinnittarfiit

· Qaqortumi, Nanortalimm Narsamilu Majoriat

· Sunngiffimmut, kultureqarnermut pitsaaliuinermullu ingerlatsivik 

Kommunip qullersaqafiinut ilaalissaatit kommunimilu pisortaaneq qaninnertut pisortarissallugu. Siuliani taaneqartuni sulianik aqutsisut aamma aqutsisut qaninnerpaatut aqutsisorissavatit.

Suliassaqarfimmi akisussaaffigineqartut:

Atuarfiit pingasut aamma nunaqarfinni atuarfiit arfineq-sisamat.

· Meeqqeriviit 11-t 

· Majoriat pingasut

· Kultureqarnerup sunngiffimmilu susassaqarnerup uummaarissuutinnissaa

Pingaarnertut suliassarissavatit:

· Sulianik aqutsisut suleqatigalugit ingerlatsivimmik aqutsineq, ataqatigiissaarineq ineriartortitsinerlu.

· Ulluinnarni ingerlatsinerup pitsaassusaanik ataqatigiinneranilu qulakkeerinninneq

· Suliassaqarfimmut missingersuusiorneq, aningaasatigut aqutsineq malitseqartitsinerlu.

· Politikkikkut ataatsimiititalianut kiffartuusineq politikkikkullu aalajangikkat piviusunngortinneqarnnissaanik qulakkeerinninneq

· Kommunip siunissamut isigaluni ineriartortinneqarneranut peqataaneq akimullu suleqateqarneq

Aqutsisussarsiorpugut imaattunik piginnaasalimmik: 

· Atorfiup isumaginissaanut attuumassuteqartumik ilinniagaqartoq.

· Aqutsinermik misilittagalik, nutaamik allatullu eqqarsarsinnaassusilik 

· Sulisunut siunnerfiliorsinnaasoq, kajumissaarisinnaasoq maligassiuisinnaasorlu

· Aaqqissuusaassumik tamakkiisumillu isiginnittumik suliaqarsinnaasoq 

· Suleqat nukittooq, tatiginninnermik pilersitsisinnaasoq suliassaqarfiillu akimorlugit suliassaqarfinnut tamanut iluaqataalluartussamik suleqatigiinnermik pilersitsisinnnaasoq

· inuiaqatigiinnut, innuttaasunut, kultureqarnermullu akuleriilluarusuttoq kiisalu kommunitsinnut peqataarusuttoq

Neqeroorutigaavut:

• Aqutsisutut atorfik siunniuteqartitsilluartoq, isumaqarluartoq unammillernartorlu
• Sulianik ilisimasaqarluartunik suleqatigiilluartullu akornanni avatangiiseqarneq
• Nunatta kusanaarnersaat ilaani pinngortitami misigisaqarnissamut sunngiffinnilu neqerooruteqarfiulluartumik najugaqarnissamut suliffeqarnissamullu periarfissaqarneq

Akissarsiatigut atorfeqarnermilu atugassarititaasut

Atorfinitsitaanermi pineqartup kattuffiata isumaqatiginninniarsinnaatitaasup akornanni isumaqatigiissutit atorfininnerup nalaani atuuttut malinneqassapput. Malittarisassat atuuttut malillugit inissaqartitsisoqarsinaavoq. Kommunip atornititsinermut atatillugu angalanermut pisattallu assartornerinut aningaasartuutit akilissavai.

Qinnuteqaat

Qinnuteqaat makkuninnga imaqassaaq:

• Piumassuseqarpalaartumik qinnuteqaat
• CV inuunermit taasassat
• Ilinniarnermut uppernarsaatip assilinera
• Sulisitsisunit oqaaseqaataat naleqquttut
• Pinerluuteqarsimannginnermut uppernarsaat

Paasissutissat sukumiinerusut Pisortaanerugallartoq Hans Jørgen Mørch hjmo@kujalleq.gl

Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit Kingusinnerpaamik kommunimut tunniunneqariisapput kingusinnerpaamik decemberip arfineq aappaat 2025 nittartagarput aqqutigalugu.

MALUGIUK: Qinnuteqaatit pappilissatigut e-mailikkulluunniit tiguneq ajorpagut, qinnuteqaatit PDF-fil-inngorlugu nittartagaq aqqutigalugu nassiunniunneqassapput..

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna 2018-imi januaarip aallaqqaataaniit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”

Atorfik una qinnuteqarfigiuk