Ingerlatsinermi siunnersorti

Inuleriviup saaffiginnittarfianut ingerlatsinermi siunnersortissarsiorpugut

Inulerivimmi tarnip pissusiinik ilisimasalinnik, tarnikkut katsorsaasunik, allattoqarfimmik saaffiginnittarfimmillu suleqateqarfiusumik isumaqarluartumik suliffittaarusuppit?

Inulerivik – Nuna tamakkerlugu Katsorsaavik Siunnersuisarfillu katsorsaavimmi immikkoortortaqarfiit akornanni ataqatigiissitsisinnaasumik suliatigut pikkorissumik tunniusimasumillu ingerlatsinermi siunnersortissarsiorpoq. Piffissaliunneqartut eqqortissinnaavigit, qaffasissumik pitsaassusilimmik tunniussisinnaavit aamma suliffeqarfimmi sulisunik tamanik sullissilluarsinnaavit? Taava immaqa suleqatitaarissavatsigit.

Inulerivik pillugu
Meeqqanut, inuusuttunut inersimasunullu tarnikkut atugarliortunut Inulerivik tarnikkut katsorsaanissamut neqerooruteqartarpoq. Tamatuma saniatigut inersimasut meeqqanut inuusuttunullu nakuusertartut imaluunniit kinguaassiuutitigut innarliisumik pissusilersortartut taakkuluunniit pillugit eqqarsaateqartartut Inulerivimmiit aalajangersimasumik ikiorneqarnissaminnut neqeroorfigineqartarput.

Katsorsaavik Kalaallit Nunaat tamakkerlugu kommunimi isumaginninnermik sulialinnik qanimut suleqateqartarpoq nunalu tamakkerlugu katsorsaanermik pinaveersaartitsinermillu suliaqarnermi qitiusumik inissisimalluni.

Atorfik pillugu
Inuleriviup ingerlatsinerani sukkasuumik eqaatsumillu sulinissamik pingaartitsiffiusumi allaffissornermi piginnaasaqarluartumik sullissilluartumillu suleqatissarsiorpugut.

Namminersorlutit sulisinnaassaatit eqeersimaarlutillu sulisinnaassaatit kiisalu katsorsaavimmi sulisut tapertaasunik suliassanik annertuunik annikitsunillu suliaqarnissamut kajumissuseqassaatit aamma immikkoortortaqarfinni assigiinngitsuni ulluinnarni unammilligassat aaqqinnissaannut tapersiisassaatit.

Atorfik nuannarisinnaajumallugu ilinniartikkuminartuussaatit, aaqqissuussaasumik sulisassaatit, naammagittartuussaatit, allannguutinut piareersimassaatit aamma suleqateqarsinnaassuseqarluarlutillu attaveqateqarsinnaassuseqarluassaatit.

Ilaatigut suliassarissavatit:

• Allattoqarfimmi suliassat, tassunga ilanngullugit oqarasuaatikkut sianertunik, e-mailinik allaffigeqatigiinnernillu suliaqarneq

• Katsorsaaviup avammut sullissisorissavaatit aamma saaffiginnissutinik tigusaqartassaatit kiisalu innuttaasunik ikiuisassallutit

• Allagaatit tigussaasut digitaliusullu aaqqissuusaasumik torersumillu allagaataasivimmiitinnissaannik qulakkeerinnissaatit

• Sullitanut attaveqarneq aamma katsorsaaviup atuisullu akornanni attaveqatigiilluarnissamut tapersiissaatit

• Allaffissornikkut suliassat suliarissavatit, tassunga ilanngullugit ataatsimiinnernik aaqqissuussinernillu pilersaarusiornerit

• Suliffimmi avatangiisit innuttaasunut sulisunullu pitsaasuunissaannut tapersiissaatit

• Ulluinnarni sulinermi apeqqutinut tunngatillugu aqutsisunik sulisunillu ilitsersuissaatit avataanilu suleqatigisartakkanut attaveqartassallutit

• Sulinngitsoortoqarneranut nalunaarsuutinik, oqarasuaatit normuinut allattorsimaffimmik nassiussinermilu attavissanik nutarterisassaatit

• Pequtinik, qarasaasialerinermi atortunik ulluinnarnilu ingerlatsinermi nioqqutissanik inniminniisassaatit kiisalu pequtinut allattorsimaffik nutartertassavat

• Scannerisassaatit uppernarsaatillu nalunaarsussallugit

• Suliffik atorneqarluarsinnaaniassammat, eqqiluitsuuniassammat immikkoortortaqarfiillu pisariaqartitaat naammassineqarsinnaaniassammata Inuleriviup illuutaasa pisiniarfigisartakkanit eqqortunit suliarineqartarnissaat qulakkiissavat.

• Illuutit ingerlanneqarnerannut suleqataassaatit, tassunga ilanngullugit eqqiaasoqarnissaanut pilersaarusiornerit, pitsaassutsimik qulakkeerinninneq eqqiaanerup malitseqartitsiffigisarnera

• Ilanngussat IRIS-imut allattassavatit

• Akunnermusianut qaammammusianullu tunngasunik suliaqassaatit

• Suliassanik assigiinngitsunik allanik suliaqartassaatit

  
  Naatsorsuutigaarput illit:

• Naleqquttumik ilinniagaqartutit kiisalu kalaallisut qallunaatullu oqalunnikkut allannikkullu piginnaasaqarluartutit

• Sullissilluartuusutit, namminersorsinnaasutit, pisussaassutsimik eqquutsitsisuusutit, ikiuiumatuujusutit aalaakkaasumillu suliartortartuusutit

• Qarasaasiatigut piginnaasaqarluartutit paasissutissanullu nalunaarsuutinik suliaqarsinnaasutit, onlinekkut inniminniisarfinnik suliaqarsinnaasutit kiisalu ataatsimiigiaqqusissutinik suliaqarsinnaasutit aamma inissiamik nutsernissamullu inniminniisinnaasutit

• Suliassarpassuaqaraluarlutit eqqissisimaannarsinnaasutit eqaatsumillu sulisinnaasutit kiisalu inussiarnersuusutit – aamma ulapaarfiusumi

  
  Neqeroorutigaavut

• Suliffeqarfimmi suliassarpassuaqarluni assigiinngisitaartunillu suliassaqarluni qitiusumik atuuffeqarneq, tassani suliatit pingaartinneqarlutillu piginnaasatit pisariaqartinneqarput

• Suliffik aalaakkaasoq nuannersunik sulisulik atugarissaarnermillu qitiutitsiffiusoq

• Meeqqanik inuusuttunillu isumaginninnermut suliassaqarfimmi politikkikkut suliniutinik pingaarutilinnik paasisimasaqarneq

• Aqutsisoq illit suliamut piginnaasannik tutsuiginnittoq, piviusorsiortumik piumasaqaateqartartoq illillu ineriartornissannik pingaarnersiuisoq

• Suliffik persuarsiorfiunngitsoq ataqqinniffiusorlu – aamma ulapaarnermi

  
  Atorfik Saaffiginnittarfimmi inissisimavoq, tassani Inulerivimmi ingerlatsinermik, suleriaatsinik aamma suliffiup iluani avataanilu attaveqatigiinnermik pitsanngorsaanissaq sulissutigineqartarpoq. Saaffiginnittarfimmi sulisut peqatigalugit assigiinngitsunik suliaqartunut akisussaaffeqalissaatit.
  
  Tallimanngornermi ulloq 26. juuni 2026 nal. 12.00 qinnuteqarnissamut killigitinneqarpoq.
  Ataasinngornermi ulloq 29. juuni aamma marlunngornermi ulloq 30. juuni 2026 atorfinitsitsinissaq pillugu oqaloqatiginninnissarput naatsorsuutigaarput.
  Ulloq 1. august 2026 atorfinittoqarnissaa naatsorsuutigineqarpoq.
  
  Paasissutissat allat
  Atorfik pillugu paasisaqarnerorusukkuit apeqqutissaqaruilluunniit immikkoortortaqarfimmi aqutsisup Thora Ludvigsenip thrl@nanoq.gl-mut imaluunniit tlf: +299 34 68 51-mut attaviginissaanut tikilluaqqusaavutit
  
  Kalaallit Nunaat aamma Namminersorlutik Oqartussat pillugu paasissutissat sukumiinerusut pillugit paasisaqarusukkuit Inuleriviup nittartagaa www.inulerivik.gl takuuk
  
  Aningaasarsiatigut atorfinitsitaanermilu atugassarititaasut
  Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
  Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.
  
  Najugaq
  Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
  
  Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
  E-mail-ikkut qinnuteqaatinik tigusineq ajorpugut.