Ingerlatsinermut pisortaq

Tusass A/S Nunatsinni teknologi- aamma attaveqaasiornermik, tamatumalu saniatigut allakkerinermi assartuinermilu ataqatigiissaarisunik suliaqartunik suliffeqarfimmi aqutsisuusutut ingerlatsinermut pisortassarsiorpoq.

Siulittaasunut attaveqarnikkut suliffeqarfimmi ulluinnarni aqutsinissaq ineriartortitsinissarlu qitiusumik akisussaaffigilissavat. Tamatumanilu qitiusumik suliassattaaq ilagaat suliffeqarfik niuernikkut siuariarsinnaanissaa qulakkiissallugu, taamatullu Tusassi suliffeqarfittut siunissami teknikkikkut silarsuaanni ineriartortuarnissaa qulakkiissallugu.

Atorfik sutigut tamatigut ajornarsinnaasunik akisussaaffimmillu annertuumik tigusisussaanermik naapiffissaqartarmat taamatullu inuiaqatigiinni nunatsinnilu sunniisinnaanissamik periarfissiimmat, Tusassip inuiaqatigiinni akisussaaffeqarnera pitsaasumik ikorfartorluarneqarsinnaanissaanut nukittorsarneqarnissaanullu atatillugu, aqutsisumik ersarissumik, ataatsimoortitsisumik aammalu tatiginnissilersitsisinnaassusilimmik, taamatullu suleqataarusussuseqartitsisinnaassuseqartumik, politikkikkut paasinnissinnaassusilimmik aammalu naliliilluarsinnaassusilimmik ujartuivugut.

Naatsorsuutigineqarpoq uku ilisimasaqarluarfigissagitit – imaluunniit sukkasuumik ilisimasaqarfigillualersinnaassagitit:

• Inuiaqatigiinni pisut aammalu politikkikkut periutsit

• Inuiaqatigiinni ineriartornermi Tusassip inissisimavia

• Attaveqaasersuinermi- aamma allakkerivimmi malittarisassat tunngavissiaasut

• Attaveqaasersuinermi- aamma allakkerinermi ineriartorneq

Atorfinittussaq suliatigut inuttullu immikkuullarissuseqassaaq, tutsuiginartumik maniguttumik aqutsisinnaalluni, taamatuttaaq aqutsisinnaanermut, niuernikkut teknikkikkullu paasisaqarluarsimasuulluni. Naatsorsuutigineqarpoq Nuummi najugaqareersimanissat imaluunniit Nuummut nuullutit najugaqalernissat.

QINNUTEQARTUSSAQ

Misilittagaqartuuvutit, aaqqissuussamik sulisinnaallutit aamma niuernikkut aqutsisinnaassuseqarlutit tassuunatigullu attaveqaasiornikkut suliffeqarfinnit allanit - attaveqaasersuinermik suliniutilinneersinnaavoq, uppernarsaatinik peqarlutit. Niuernermut paasisaqarluarnerit, teknologikkut ilisimasanik aamma aaqqissuussaasumik aalakkaattumik nalilersuisinnaassuseqarnerit ataatsimut atorsinnaalluarpatit, sulilersitsiumanermillu mutiusumik aqutsisinnaassuseqarlutit. Suliassani ajornakusoornarsinnaasuni, politikkikkullu aammalu allaffissornikkut aaqqissukkanit sammiveqarsinnaasunik suliaqarnissat ajornartinngilat, takorluukkanillu tigussaasunik piviusunngortitsisinnaassuseqarlutit.

Naatsorsuutigaarput:

Aqutsinermut niuernermilu misilittagaqartutit

• Aqutsisunit qaffasissumi inissisimasunit angusarissaarsimanermut uppernarsaatinik peqartutit

• Aqutsisutut qaffasissumik inissisimasutut periusissialerinermi, ingerlatsinermi aamma ineriartortitsinermik misilittagalik

• Aningaasatigut aqutsinermik aammalu aningaaserinermut annertuumik ilisimasalik

• Nunanit tamalaanit misilittagaqarsimaneq iluaqutaasinnaavoq

• Teknologiitigut digitalitigullu ineriartortitsinermut soqutigisalik

Piginnaasatit

• Attaveqaqatigiissinnaanermut piginnaasaqarluartoq, inoqatinut attaveqallaqqissuuneq

• Aqutsisoq siumut isiginnissinnaassusilik, ersarissoq iliuuseqarumatoorlu

• Ilaatitsisoq tatiginninnermillu pilersitsisuusartoq tamatumalu saniatigut aalajangiisinnaassusilik

• Inuiaqatigiinni iliuusissatut anguniagaasut niuernerlu oqimaaqatigiisillugit sulisinnaassusilik

Oqaatsit ilinniarsimanerlu

• Tusassimi Kalallisut, qallunaatut tuluttullu oqaatsit atorneqarput. Taamaammat oqaatsitigut piginnaasaqarluarnissat naatsorsuutaalluni

• Attuumassutilimmik kandidatitut ilinniagaqarsimaneq

TUSASSIP NEQEROORUTIGAA

Nunatta teknologitigut attaveqaasersuinikkullu suliffeqarfiit annersaanni aqutsinerup saniatigut suliffeqarfimmi angusaqarusuttumi, suliatigut ilisimasaqarluartut akornganni, ataatsimuussuseqarnermik pingaartitsisumi aammalu inuiaqatigiinni pisariaqartitani pilersuisussaatitaanermut suliaqarnermi pingaartitsisuni ilaalissaatit.

Atorfimmi nammineq aalajangiisinnaassuseqarfiusumi, suliatigut ineriartorfiusumi aammalu pisortatigoortumik ingerlaarfiunngitsumi inissisimalissaatit.

QINNUTEQARNEQ

Suliffeqarfimmi Tusassimi sulisut annerpaamik isumalluutaapput, assigiinngissuserlu naleqartinneqarluni. Taamaammat qinnuteqartut assigiinngitsut qinnuteqarnissaminnut tikilluaqqusaapput, suiaassuseq, ukiut, sumiuuneq allalluunniit soqutaatinnagit.

Momentum Consultingi Tusass inuttassarsiuinerani ikiuuttarpoq, taamaammallu qinnuteqaat, CV, allallu uppernarsaatit attuumassutillit ilanngullugit, Momentum Consultingimi suleqataasumut Annbritt Tummasdóttir Andersen-imut, Easy Apply LinkedIn-imiittoq aqqutigalugu nassiunneqarsinnaapput. Atorfimmut tunngatillugu paasisaqarnerorusukkuit Annbritt oqarasuaatitigut +45 2483 1412 imaluunniit mail an@momentumconsulting.dk aqqutigalugu attavigisinnaavat.

Qinnuteqaat nassiuguk

Qinnuteqaatit ingerlaavartumik suliarineqassapput qinnuteqarnissamullu ulloq killerititaasoq tassaavoq 9. janaur 2026.