Inuiaqatigiinni Isumannaallisaanermut Aqutsisoqarfik upalungaarsimanermut tunngasunik immikkut ilisimasaqartumik Nuummi atorfinittussamik sulisussarsiorpoq

Kalaallit Nunaanni Savalimmiunilu inuiaqatigiinni isumannaallisaanermik pitsanngorsaaqataallutit sulerusuppit? Upalungaarsimaneq pillugu ilisimasaqarpit aammalu Kalaallit Nunaanni Savalimmiunilu pissutsit navianaataasut aammalu Nunani Avannarlerni Issittumilu isumannaallisaanermut politikkimut tunngatillugu pisortaqarfinnik siunnersuinermik suliaqarusullutit? Taava immaqa illit ujartorpatsigit.

SAMSIK Kalaallit Nunaanni Savalimmiunilu upalungaarsimaniarneq pillugu siunnersuisarnerit pitsanngorsarniarlugit sulisussarsiorpoq, suliassat Kalaallit Nunaanni Savalimmiunilu pisortaqarfiit qanimut suleqatigalugit suliarineqassapput. Atorfik ukiuni marlunni inuttalerneqassaaq SAMSIK-illu Siunnersuinermut allaffeqarfiani, Pinngortitamut Avatangiisinullu Immikkoortortaqarfiup iluani Avatangiisinut Upalungaarsimanermullu immikkoortortaqarfiup ataani Nuummiittumi inissisimalluni.

Suliassat

Siunnersortitut SAMSIK-ip Kalaallit Nunaanni Savalimmiunilu upalungaarsimanerup iluani pisortaqarfinnut ikiuutissaatut. Sulinermi Naalagaaffeqatigiinnerup iluani akiuussinnaassuseq tatitussuserlu pitsanngorsarniarneqassaaq. Sulinermi attaveqarneq, ataqatigiissaarineq attaveqaatinillu pilersitsineq pingaarnertut suliarineqassapput.

Ilaatigut suliassarissavatit:

• Kalaallit Nunaanni Savalimmiunilu pisortaqarfiit SAMSIK-illu akornanni attaveqataassaatit

• Upalungaarsimaneq pillugu siammasissumik siunnersuisassaatit, tassunga ilanngullugu navianaataasinnaasunik periusissianillu suliaqarneq

• Sumiiffinni siooranarsinnaasut navianaatillu tunngavigalugit upalungaarsimaniarnermut pilersaarutit ajornartoornermilu aqutsineq pillugit siunnersuineq

• Suliaqartut ajornartoortoqarnerani iliuuseqarsinnaanissaat anguniarlugu sungiusarnernik inerisaaneq, pilersaarusiorneq, ingerlatsineq nalilersuinerlu

• Kalaallit Nunaanni savalimmiunilu pisortaqarfinni aammalu Nunani avannarlerni Danskit pisortaqarfiiniittut qanimut suleqatigalugit ingerlatsisunut siammasissunut attaveqaammik pilersitsineq attassinerlu

• Upalungaarsimanerup iluani sumiiffinnut naleqquttumik piginnaasassanik pilersitsineq inerisaanerlu

• Ataatsimiinnernik, workshoppinik saqqummiinernillu pilersaarusiorneq ingerlatsinerlu – aammalu ersarissumik tutsuiginartumillu sammisanik imaannaanngitsunik ingerlatitseqqiineq

Kinaavit?

Upaluungaarsimanerup iluani ilisimasaqarluartumik aammalu isumannaallisaanerup, siunnersuinerup suleqatigiinnerullu iluani sulerusuttumik suleqatissatsinnik ujartuivugut. Naapertuuttumik ilinniarsimassaatit soorlu inuiaqatigiilerinermi ilisimatusarneq, ajunaarnersuaqarnermi navianaateqarnermiluunniit aqutsinerup imaluunniit allatut soorlu politeeqarnerup, upalungaarsimanerup illersornissaqarfiullu iluani ilinniarsimasuuvutit – imaassinnaavoq aamma siunnersortitut, isumannaallisaanikkut upalungaarsimanerullu iluani akisussaasutut inissisimanikussaatit imaluunniit pisortaqarfimmi, suliffeqarfimmi kattuffimmiluunniit sillimaniarnerup upalungaarsimanerullu iluani suliaqartuusumi sullissisuusimallutit.

Pingaartipparput:

• Upalungaarsimaniarnermut pilersaarusiornermik misilittagaqarnissat aammalu upalungaarsimanerup iluani suliassaqarfiit akimorlugit ingerlatsinermut aammalu nuna tamakkerlugu ajornartoortoqartillugu suleriutsinut soqutigisaqarnissat

• Suliassanut tunngatillugu iliuuseqarusussuseqassasutit namminersorlutit sulerusussasutit aammalu SAMSIK-imi upalungaarsimanerup iluani ilisimaneqarluartut iluanni qaffasissumik siunnersuerusussuseqassasutit

• Suleqatiginnissinnaassasutit aammalu kinguneqarluartumik suleqateqarsinnaassasutit

• Akisussaassuseqassasutit, iliuuseqarsinnaassasutit nammineerlutillu aalajangiisinnaassasutit

• Ilisimasat paasinartunngorlugit ingerlateqqissinnaassagitit

• Aaqqissuussamik sulisinnaassasutit aammalu suliat naammassinissaannut suliarisinnaassagitit

• Siunnersuinerup, ataqatigiissaarinerup imaluunniit suliniutinik ingerlatsinerup iluani misilittagaqarnissat, nunani avannarlerni aaqqissuussaanikkut politikkitigullu inissisimanermut ilisimasaqarneq iluaqutaasinnaavoq piumasaqataananili.

Tamatuma saniatigut pingaartipparput Kalaallit Nunaanni Savalimmiunilu pisortaqarfiit inissisimaffii, akisussaaffii ataqatigiinnerilu paasisaqarfiginissaat ilinnut pisariitsuussasoq – aammalu inatsisit naapertuuttut paasisinnaassagitit aammalu inatsisit sinaakkutillu atuuttut suleqatigut peqatigalugit atuutilersikkumaaritit.

Neqeroorutigisinnaasarput 

Siunnersuisoqatigiiffimmut nutaatut pilersinneqartumut peqataalissaatit, tassani pisortaqarfiit suliffeqarfiillu inuiaqatigiinni isumannaallisaanermut tunngatillugu suliaannut inerisarnissaannut qanoq suleriuseqassanersugut ilusilersuiffigeqataanissaanut periarfissaqassaatit. Tamatumalu saniatigut Kunngeqarfik tamakkerlugu ajunaarnersuaqarnerani piareersarnermik suliaqarnissamut aammalu sumiiffinni assigiinngitsuni ajornartorsiornermik aqutsineq pillugu ilisimasanik pilersitsisinnaassallutit.

Uagutsinni periarfissat:

• Suliffeqarfik suliassaqarfik pillugu annertuumik avatangiisilik, sulisullu suliaminnut aallussisut

• Sulinermi avatangiisit pitsaasut, tassani atugarissaarneq suliallu illugiisillugit aallunneqarput

• Isumannaallisaanerup iluani siammasissumik ilisimasatigut ineriartornissamut periarfissaq

• Atorfik immikkuullarissoq akisussaaffeqarlunilu suleqatigiiffiusussaq, suliatit ersittumik sunniuteqarsinnaassapput

Kikkuuvugut?

Inuiaqatigiinni Isumannaallisaanermut Aqutsisoqarfik (SAMSIK) suliassaqarfinni upalungaarsimanerup iluani pilersaarusiornerup, pilersuiniarnerup, attaveqaasersuutit mianernartut, attaveqaatit, cyberimi paasissutissanilu isumannaallisaanerup, nuna tamakkerlugu isumannaallisaanermi kiisalu Nationale Operative Stab (NOST)-imi suliaqartarpugut. Inuiaqatigiinni navianaataasinnaasut pillugit pisortaqarfiit suiffeqarfiit innuttaasullu siunnersortarpagut.

Aqutsisoqarfik Inuiaqatigiinni Isumannaallisaanermut Upalungaarsimanermullu Ministeriaqarfiup ataaniippoq, tassaniippullu sulisut 200-t missaanniittut.

Akissarsiat sulinermilu atugassarititaasut

Piginnaasat misilittakkallu aallaavigalugit akissaatit inissinneqassapput. Akissarsiat atorneqarnermiluunniit atugassarititaasut Kalaallit Nunaanni naalagaaffiup sulisorisaannut isumaqatigiissutit atuuttut, naalagaaffimmiluunniit sulisut sulinerminni isumaqatigiissutaat atuuttut malillugit inissinneqassapput.

Atorfinitsinneqarnissannut naatsorsuutigineqarpoq isumannaallisaanermut akuerineqarsinnaanissat, akuersissut ISERTUUSSAT-nut qaffasissuseqassaaq, atorfeqarnerlu tamakkerlugu isumannaallisaanermut akuersissut attanneqassalluni.

Ukiut marluk atorfik inuttalerneqassaaq, Nuummilu Pinngortitamut Avatangiisinullu Naalakkersuisoqarfimmi allaffeqassallutit.

Piffissaq suliffigisassaq isumaqatigiissummi atuuttumi allassimasut malillugit inissinneqassaaq.

Atorfeqarnerup nalaani Savalimmiunut Danmarkimullu angalasarnissaq naatsorsuutigineqassaaq.

Sulinermut atatillugu Nuummi inissaqartitsisoqassaaq.

Soqutiginnippit?

Ingerlaavartumik oqaloqatiginninnissamut aggersaasassaagut, taamaattumik qinnuteqaatit piaartumik nassiuguk.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.