Kofoeds Skole Nuuk Nuummi inuusuttunut suliniummut sulisussarsiorpoq

Kalaallit Nunaanni inuusuttut akornanni angerlarsimaffeqannginnermik pinaveersaartitsinermut aamma akiuiniarnermut suliniut, ateqartoq Naput.

Nuummi inuusuttunut suliniummut sulisussamik pimoorussisumik sulisussarsiorpugut.

 Suliniut immikkut aningaasalersugaq inuusuttunut aaqqissuussaanerup avataaniilersimasunut sammisuuvoq. Suliniut 2026-p naanerani naammassissaaq. Taanna suliniut Kofoeds Skole Nuup ataaniippoq.

Aqutsisoq aamma suleqatit marluk suleqatigalugit suleqatigiittut ujartuisassaasi, tassani suliassaq pingaarnerpaaq tassaavoq inuusuttunut siunnersuisarneq, taakkua angerlarsimaffeqanngippata imaluunniit angerlarsimaffeqanngitsunngornissaminnut aarlerinartorsiorpata.

Akaarinnittuuvutit aamma ilakkuminartuullutit, eqqugaasinnaasut angusaqarfiginiakkanut inuuniarnermi aamma tarnikkut assigiinngitsunik unammillernartunut tunngasunik assigiinngitsunik sullissinermut misilittagaqarputit.

Kissaatigaarput isumaginnittutut sulinermik misilittagaqartuusimanissaq aamma sullinniakkanik suleqateqarsinnaasunik tunngaviusumik piumasaqaataasoq ”imminut ikiorsinnaaneq” aallaavigalugu. Sullinniakkavut assigiinngitsunik tarnimikkut aamma inuuniarnerminni unammillernartorsiorput, tassaallutillu inuusuttut 30-t tikillugit ukiullit. Suut tamaasa ataatsimut malinnaaffigisinnaassavatit kiisalu toqqissisimananngitsumik pisuni eqqissisimasinnaaneq qulakkiissavatit.

Suliniut Kofoeds Skole Nuummi allaffeqarlunilu ingerlanneqarpoq, taanna suliffittut imminut ingerlattuuvoq, inunnik inuttut atugarisamikkut eqqugaasinnaasutut inissisimasunik imminnut ikiorsinnaalernissaannut ikiuinissamik neqerooruteqartuusoq. Neqeroorutigaavut piviusumik, ineriartorfiusumik aamma aalakoornartortalinnik imigassartaqanngitsumik inunnut suliffeqanngitsunut aamma eqqorneqarsinnaasunut tamanut attaveqaqateqarneq, taakkua ataatsimoornermut, kikkunik tamanik inissaqartitsisuusoq.

Suliassat ilaatigut makkuupput:

· Ujartuilluni suliaqarneq

· Kajumilersitsinermik kinguneqartumik oqaloqateqartarnerit

· Attuumassuteqaqatigiinnermit tunngaveqartumik suliaqarneq

· Atuartunut pisariaqartitsineq malillugu tapertaasarneq, kiisalu isumaginninnikkut suliatigut tapertaasarneq isumaginninnikkut unammillernartunik tassanngaannaq pisunik aaqqiinissamut

· Inuusuttut atugarisaat aallaavigalugit ikiortarnissaat, tassunga ilanngullugit ilinnialernissaat, suliffittaarnissaat, periarfissaqarpat initaarnissaat

· Inuusuttut akornanni angerlarsimaffeqanngitsunngornissamut pinaveersaartitsineq

· Sullitat pillugit ilisimasanik aamma kisitsisitigut paasissutissanik ingerlatitseqqiisarneq katersuinerlu.

Ilinniakkatigut ilisarnaat – misilittakkat

· Inuusuttunik sullinniakkanik suliaqarnermik misilittagaqarneq

· Inuuniarnermikkut ajornartorsiutinik eqqorneqarsinnaasutut inissisimasunik suliaqarnermik misilittagaqarneq.

· Attaveqaatit SoMe atorlugit sulisinnaaneq 

Ilinniakkatigut ilisarnaat – piginnaasat

· Perorsaasutut, isumaginninnermi siunnersortitut imaluunniit assingusumut tulluartumik ilinniarsimasoq

Inuttut piginnaasat pisariaqartinneqartut

· Iluaqutaassaaq illit kalaallit oqaasiinik kulturiannillu ilisimasaqarluartuuguit

· Sunik tamanik malinnaasinnaassaatit, aaqqissuussaaneq aamma toqqissisimananngitsumik pisuni eqqissisimasinnaaneq

· Nammineerlutit aamma aaqqissuussamik sulisinnaassaatit, kiisalu suliniummi suliatigut ineriartortitsinermi peqataarusuttuussallutit

· Sullinniakkatsinnut, suleqatitsinnut aamma suleqatigisanut suleqateqarluarnissamik tamatumalu attatiinnarnissaanut pikkoriffeqarputit

· Attaveqaqateqarnissamut piginnaaneqarluartuussaatit.

· Attaveqaatit SoMe atorlugit nittarsaassineq aammalu sullissisinnaaneq. 

Neqeroorutigaavut Suliffik suleqatigiilluartut, kissaatigaarpullu inuttut atugarisatigut sullissinermi suleqatigiinnerup pigiinnarnissaa aamma ineriartortinneqarnissaa. Suliniummut aallaaviussaaq Kofoeds Skole Nuuk. Tatiginninneq, suleqatigiinneq aamma suliamik nuannarisaqarneq uagut suliffitsinni pingaartitatta ilagaat.

Paasisaqarnerorusuppit Atorfik pillugu sukumiinerusumik paasisaqarusukkuit forstanderi Charlotte Ludvigsen tlf. + 299) 53 42 47 sianerlutit attaveqarfigissavat, atorfinitsinneqarnermullu apeqqutissaqaruit Kofoeds Skolemi sulisunik aqutsisoq Bente Fasmer tlf.nr. + 45 41 73 32 69 attaveqarfigissavat. Atorfeqartitaanermi atugassarititaasut il.il. Atorfinitsinneqarneq pissaaq aprilip aallaqqaataani 2026 (imalt. Isumaqatigiissuteqarnikkut) sivisussuseqassaarlu 2026-mi decembarip naggataata tungaanut, suliniut naammassissammat. Atorfik sapaatip akunnerannut agguaqatigiissillugu nalunaaquttap akunnerinik 40-nik suliffiuvoq. Naatsorsuutigineqassaaq piffissaq suliffiusoq nikerartarsinnaammat sullinniakkanut attaveqarnermut atatillugu suna pitsaanerunersoq apeqqutaalluni.

Atorfinitsinneqarneq pissaaq Naalakkersuisut aamma AK-p akornanni isumaqatigiissut naapertorlugu Namminersorlutik Oqartussat aamma Kalaallit Nunaanni Kommunit imaluunniit Naalakkersuisut aamma AK-p akornanni Inunnik Isumaginninnermi Siunnersortit aamma sullissisartut Namminersorlutik Oqartussani aamma Kalaallit Nunaanni Kommunini atorfillit pillugit.

Ajoraluartumik atorfinitsinneqarnermut atatillugu inissaqartitsisoqarsinnaanngilaq.

Qinnuteqaateqarneq Qinnuteqaateqarnissamut killiliunneqartoq tassaavoq marlunngorneq martsip 3-iani nal. 10.00 kalaallit nalunaaqutaat malillugu.

Qinnuteqaatit CV-t aamma soraarummeernermut pappilissat ilanngullugit naalagaaffiup e-rekrutteringssystemia aqqutigalugu nassiunneqassaaq – tooruk søg stillingen (atorfik qinnuteqarfigiuk).

Naatsorsuutigaarput atorfinitsitsinissamut atatillugu ingerlaavartumik oqaloqateqartassalluta.