Fakta
Atorfiup suussusaa: Pinngortitaleriffik Miluumasunut Timmissanullu Immikkoortortaqarfimmi nunami uumassusillit ataqatigiinnerannik ilisimatusartussamik pissarsiorpoq
Suliffeqarfik: Pinngortitaleriffik
Qinnuteqarfissamut killigititaq: apriilip 20-at
Attavissaq: Fernando Ugarte, feug@natur.gl , imaluunniit Mathilde Le Moullec malm@natur.gl +299 361200
Pinngortitaleriffik Miluumasunut Timmissanullu Immikkoortortaqarfimmi nunami uumassusillit ataqatigiinnerannik ilisimatusartussamik 1.maj 2026-milu atorfinittussamik sulisussarsiorpoq.
Pinngortitaleriffik Nuummiittoq Namminersorlutik Oqartussat ataanni suliffeqarfiuvoq ilisimatusarfiusoq sumulluunniit attuumassuteqanngitsoq. Kalaallit Nunaanni eqqaanilu pisuussutit uumassusillit piujuaannartitsineq tunngavigalugu atorneqarnissaat, avatangiisit aamma uumassusillit assigiinngisitaarnerisa illersorneqarnissaat pillugu ingerlaavartumik malinnaaffiginninnermik, ilisimatusarnermik aamma ilisimatuussutsikkut tunngaveqarluni siunnersuinermik suliaqarpoq.
Miluumasunut Timmissanullu Immikkoortortaqarfimmi suliassat pingaarnerit tassaapput timmissat uumasullu miluumasut piniarneqarsinnaasut pillugit siunnersuineq ingerlaavartumillu malinnaaffiginninneq.
Asimi sulinermi nunami uumassusillit ataqatigiinnerannik kisitsisitigut paasissutissat suliarinissaat pitsaassusaasalu qulakkeernissaat kiisalu aqutsineq atorfinittussap pingaarnertut suliassarai. Taakku saniatigut atorfinittussaq ilisimatusarluni suliaqarnermi suleqataasassaq. Piareersaanermi aqutsinermilu ataqatigiissaarineq, asimi sulinerup piviusunngortinneqarnera, misissuiffimmi misissuinerit, kisitsisitigut paasissutissat aaqqissuussaasumik suliarineqarnerat siunnersuinerlu suliassanut ilaapput. Ilisimatusarluni sulineq pillugu Kalaallit Nunaanni inuiaqatigiinnut paasissutissiisarnermi tapertaasarnissaq atorfinittussap suliassaasa pingaarutillit ilagaat.
Atorfinittussaq kandidatimik pinngortitalerinermik ingerlaqqiffiusumik assigisaanilluunniit ilinniaqarsimanissaa kissaatigineqarpoq. Ungasissumi aamma issittumi pisariusunik suliaqarnermi isumannaatsumik angalanermut sulinermullu piginnaasaqarnissaq pingaaruteqarpoq. Namminersorluni eqqarsarsinnaaneq, nammineerluni iliuuseqarsinnaaneq kisimiillunilu sulinermik eqimattanilu suleqatigiilluni sulinermik piginnaasaqartariaqarpoq.
Piginnaasani misilittakkanilu salliutinneqartut uku ilaapput:
Kisitsisitigut paasissutissanik suliaqarnermik ilisimasaqarneq
Piareersaanermik aqutsinermillu aamma issittumi asimi sulinermik misilittagaqarneq
Asimi sulinermi naasoqassutsimik nunamilu uumasunik miluumasunik ingerlaavartumik malinnaaffiginninnermik misilittagaqarneq
Misissuiffimmi sulinermik misilittagaqarneq
Misileraalluni ilusilersuinermik (study design) paasisimasaqarneq
Sullinniakkanut assigiinngitsunut oqaloqateqarnissamik paasissutissiinissamillu piginnaasaqarneq
Kalaallisut oqaatsinik aamma Kalaallit Nunaanni inuiaqatigiinnik ilisimasaqarnissaq annertuumik iluaqutaassaq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Nuummi atorfeqassaaq. Assersuutigalugu asimi sulinermut ataatsimiinnernullu atatillugu angalangaatsiartarnissaq naatsorsuutigineqartariaqarpoq.
1. maj 2026 kingusinnerusukkulluunniit atorfinitsitsisoqassaaq.
Sapaatip-akunneranut sulineq nalunaaquttap akunnerini 40-nik sivisussuseqarpoq.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Paasissutissat annertunerusut
Atorfik pillugu paasissutissat erseqqinnerusut pillugit saaffissaq: Immikkoortumi pisortaq Fernando Ugarte, feug@natur.gl , imaluunniit ilisimatusartoq Mathilde Le Moullec malm@natur.gl +299 361200.
Qinnuteqarnissamut killigititaq: 20. april 2026
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
