Inuit Ataqatigiit Allatseqarfimmi pisortassarsiorput

Kalaallit nunaata naalakkersuinikkut siunissaanik ilusileeqataarusuppit?

Inuit Ataqatigiit allatseqarfimmi pisortassarsiorpugut sullisserusuttumik, tamatigoortumik, tikilluaqqusisumik suleqatikkuminartumillu.

Atorfik partiimi qitiuvoq politikikkullu aqutsisunik qanittumi sulinissamik, partiillu inuiaqatigiillu ineriartornerannut sulinikkut ilapittuinissamut immikkuullarissumik periarfissiivoq. Allatseqarfiup pisortaanut partiip allatseqarfiani ulluinnarni pisortaassaatit, partiillu, inuit qinigaasa immikkoortortaqarfiillu akornanni pissusissamisoortumik ataqatigiissitsisuussaatit. Inuit Ataqatigiinni Ulluinnarni Aqutsisut qullersarissavatit, ataqatigiinnermillu ineriartornermik partiillu sulinerata siuariartorneranik qulakkeerinninnermi pingaarutilimmik inissisimassaatit.

Inuit Ataqatigiit pillugit

Inuit Ataqatigiit 1976-mi pilersinneqarput ullumikkullu Naalakkersuisuni, Inatsisartuni, kommunini nunaqarfinnilu aqutsisuni sakkortuumik aallaaveqarlutik nunatsinni politikikkut partiini annersaapput.

Partiip inuiaqatigiit tamat oqartussaaqataanerannik toqqammaveqartut, naligiissut piujuartitsisullu inuit pisinnaatitaaffiinik, ataatsimoornermik kalaallillu ineriartornerannik aallussisut sulissutigaat.

Allatseqarfik Nuummit aallaaveqarpoq sulisunillu tunniusimasunik assigiinngitsunik piginnaanilinnik inuttaqarluni.

Suliassatit pingaarnerit

Allatseqarfiup pisortaatut allatseqarfiup sulinerani aqutsineq, ataqatigiissaarineq ineriartortitsinerlu akisussaaffigissavatit.

Ilaatigut makku akisussaaffigissavatit:

• Allatseqarfimmik sulisuinillu ulluinnarni aqutsineq (siunnersorti ilinniartullu ikiortit)

• Suliassanik ataqatigiissaarineq suliallu ingerlanneqarnerisa qaffasissumik pitsaassuseqarnerannik qulakkeerinninneq

• Partiip politikikkut aqutsisuinik inunnillu qinikkanik sullissineq siunnersuinerlu

• Nuna tamakkerlugu ataatsimiinnernik, ataatsimeersuarnernik politikikkullu ataatsimiinnernik pilersaarusiorneq ingerlatsinerlu

• Ingerlatsinermik nalunaarusianik suliarinninneq missingersuutinillu malitseqartitsineq

• Partiip immikkoortortallu akornanni attaveqatigiilluarnermik qulakkeerinninneq

• Partiip attaveqarneranik, SoMemik, nittartakkakkut quppernermik nutaarsiassanillu pingaarnertut akisussaasuuneq

• Ulluinnarni aqutsisut aalajangigaannik malitseqartitsineq

• Politikikkut ineriartornermik malinnaaneq suliniutinillu ilapittuuteqarneq

Taamattaaq partiip malittarisassaasa aaqqissuussaanikkullu ingerlanneqarnerata malinneqarnissaasa qulakkeernissaannut akisussaassaatit.

Pilerigaatsigit illit,  

• Naleqquttumik assersuutigalugu inuiaqatigiilerinermi ilisimatusarnermik, politologimi, allaffissornermi, inatsisilerinermi aningaasaqarnikkulluunniit ingerlaqqiffiusumik ilinniagaqartoq

• Politikikkut paasinnittaaseqartoq Kalaallillu Nunaanni inuiaqatigiinni pissutsinik ilisimaarinnittoq

• Aqutsinermik, pilersaarutinik aqutsinermik allaffissornikkulluunniit misilittagalik

• Aaqqissussaasumik namminersorluni sulisoq

• Ataatsimut isiginnittumik eqqarsartartoq iliuuseqallaqqissorlu

• Suleqatigiissinnaassusilik allanillu kajumilersitsisartoq

• Erseqqissumik piginnaaneqarluartumik assigiinngitsuni attaveqartartoq 

• Kalaallisut oqaaseqartoq allassinnaasorlu, ajornanngippallu aamma qallunaatut tuluttullu

Makku misilittagaqarfigigukkit iluaqutaassaaq:

• Politikikkut suliaqarneq suliffeqarfinnilu politikikkut siulersorneqartuni sulineq

• Attaveqarneq, branding qineqqusaarnerilluunniit

• Kattuffimmik ineriartortitsineq soqutigisanillu passussineq

Neqeroorutigaavut

• Pisortatut suliffik pissanganartoq inuiaqatigiinnullu pingaarutilik

• Kalaallit Nunaanni politikikkut partiit annersaata ineriartorneranut ilusileeqataanissamut periarfissaq

• Suliffik tamatigoortoq annertuumik namminersorlunilu sunniuteqarfiusoq

• Sulinermi avatangiisit tunniusimasut politikikkullu ineriartortitsisut

• Ilinniakkatigut inuttullu ineriartornissamut periarfissiisoq

Qinnuteqaat attavissarlu

Atorfik pillugu apeqqutissaqaruit uunga attaveqarnissamut tikilluaqqusaavutit:

Nivi Heilmann Efraimsen, Aaqqissuussaanermi siulittaasup tullia

oqarasuaat: +299 295879

Ineqarneq

Atorfimmut atatillugu inissaqartitsisoqanngilaq. 

Qinnuteqaat

Qinnuteqaat ilinniagaqarneq inuussutissarsiornikkullu misilittakkanik paasissutissanik ilaqartinneqartoq Inuit Ataqatigiinnit kingusinnerpaamik ulloq 1. august 2026 tigoreerneqarsimassaaq. Qinnuteqaatip e-mailikkut ia@ia.gl nassiunneqarnissaa inussiarnersumik qinnutigineqarpoq

Nittartakkakkut quppernermi www.ia.gl Inuit Ataqatigiit pillugit paasissutissanik pissarsisinnaavutit

Saaffiginninnerit tamarmik isertuunneqassapput.

📧 ia@ia.gl

Qinnuteqaatit ingerlaavartumik suliarineqassapput.