INULERIVIMMI allattoqarfik Nuna Tamakkerlugu Katsorsaavik Siunnersuisarfillu piaartumik. immikkoortortaqarfimmi aqutsisussarsiorpoq

Namminersorlutit sulisinnaavit aamma aaqqissuussaanikkut piginnaasaqarluarpit sullissillaqqillutillu? Inulerivimmi saaffiginnittarfimmi sulisut peqatigalugit allattoqarfimmi suliassanik suliarinnittussamik immikkoortortaqarfimmi aqutsisussarsiorpugut.

Inulerivik pillugu

Meeqqanut, inuusuttunut inersimasunullu sakkortuumik nalaataqarsimasunut tamanut Inulerivik tarnikkut katsorsaanissamut neqerooruteqartarpoq. Tamatuma saniatigut inersimasut meeqqanut inuusuttunullu nakuusertartut imaluunniit kinguaassiuutitigut innarliisumik pissusilersortartut taakkuluunniit pillugit eqqarsaateqartartut Inulerivimmiit aalajangersimasumik ikiorneqarnissaminnut neqeroorfigineqartarput. Inuleriviup nunarput tamakkerlugu kommunini inunnik sullissisut qanimut suleqatigisarpai aamma nuna tamakkerlugu katsorsaanermi pinaveersaartitsinermilu qitiusumik inissisimalluni.

Atorfik pillugu

Immikkoortortaqarfimmi aqutsisoq allattoqarfimmi suliatigut aqutsisutut inissisimassaaq aamma naatsorsuuserinermi suliassanik suliarinninneq eqqarsaatigalugu suliatigut isumalluutitigullu pitsaanerpaamik ingerlanissaata qulakkeernissaanut akisussaaffeqarpoq. Immikkoortortaqarfinni ataasiakkaani missingersuutinut tunngatillugu Inulerivimmi aqutsisup tarnillu pissusiinik ilisimasallit pisortaasa qanimut suleqatiginerisigut akisussaaffigisaq isumagineqassaaq. Tamatuma saniatigut immikkoortortaqarfimmi aqutsisoq Inulerivimmi aqutsisut allat peqatigalugit sapaatit akunnikkaarlugit aqutsisut ataatsimiinneranni peqataasassaaq.

Immikkoortortaqarfimmi aqutsisup saniatigut sulisut marluk allattoqarfimmiipput, aamma immikkoortortaqarfimmi aqutsisup Inulerivimmi aqutsisumut toqqaannartumik attaveqassaaq. Immikkoortortaqarfimmi aqutsisutut saaffiginnittarfimmi qitiusumik inissisimassaatit, tassani allaffimmiut immikkullu siunnersorti peqatigalugit allattoqarfimmi suliassat ataqatigiissarnissaannut aqunnissaannullu akisussaasuussaatit.

Innuttaasut Inulerivimmukartartut saaffiginnittarfimmi sulisunit inussiarnersunit suliamullu pikkorissunit tikilluaqqulluarneqarnissaat pingaaruteqarpoq. Taamaammat ulluinnarni ingerlatsinermik Inulerivimmilu aningaasaqarnermut tunngatillugu suliassanik ataqatigiissaarinissaq pingaarnertut suliassavit ilagissavaat.

Pingaarnertut suliassatit tassaapput

• Aningaasaqarneq pillugu Inulerivimmi aqutsisumik tapersersuineq.
• Tarnip pissusiinik ilisimasallit pisortaasa/allaffimmi pisortat suleqatiginerisigut aningaasat pillugit pilersaarusiorneq.
• Akiliiffigisassat pillugit takussutissamik suliaqarneq.
• Atorfik pillugu allagarsiussamik suliaqarneq, atorfinitsinneqartussanik innersuussaqarneq il.il.
• Angalanermi naatsorsuutinik nakkutilliineq.
• Qaammatit tamaasa ukiumoortumillu naligiissaarinerit.

Naatsorsuutigaarput illit

• Naatsorsuuserinermi attuumassuteqartumik tunuliaqutaqartutit soorlu Inuussutissarsiornermi aningaasaqarnermi BA-tut, HD-tut imaluunniit AU-ØR-itut
• Allatanik regnearkimillu suliarinninnissamut misilittagaqartutit.
• Namminersorlutik Oqartussani aningaasaqarnermut systemimik misilittagaqaruit iluaqutaassaaq.
• Namminersorlutit sulisinnaassuseqartutit suliassanillu agguaasinnaassuseqartutit.

Suleqatitaatta aalaakkaanissaa, peqqissaartuunissaa namminersorlunilu sulisinnaanissaa pingaartipparput. Oqaasertaliilluarsinnaaneq attaveqateqallaqqinneq kiisalu isumagissaarneq pingaartippavut.

Ilinnut neqeroorutigisinnaavarput:

• Inulerivimmi nutaami ineriartungaatsiartussami ilaaneq.
• Suliatigut ilisimasaqarluartunik isumasioqatigisartagassanillu suleqatitaarnissat.
• Suliffik isummat tungaatigut inissaqarluartitsiffiusoq aamma sulisut atugarissaarnissaannik pingaartitsiffiusoq.
• Atorfik suliatigut inuttullu ineriartornissamut periarfissiilluartoq.
• Inulerivimmi ataatsimi Kalaallit Nunaat tamakkerlugu katsorsaavimmi siunnersuisarfimmilu ilaaneq.
• Inuit katsorsarneqarnissamut siunnersorneqarnissamullu pisariaqartitsisut tapersersornerisigut inuiaqatigiinni pitsaasumik sunniuteqarnissamut periarfissaq.
• Suliffimmi atugassarititaasut pitsaasut suliffeqarfimmilu suleqatigiinnissamik qitiutitsiffiusumi suliffik persuarsiorfiunngitsoq.
• Suliatigut ineriartortuarneq aamma pikkorissarnissamut ilinniaqqinnissamullu periarfissaq.
• Imaarsartinnissamut periarfissaq.

Paasissutissat nalinginnaasut

Piffissaq tamakkerlugu (sapaatip akunneranut 40 tiimit) suliffiusassaaq aamma atorfik Nuummi katsorsaavitsinni inissisimavoq. 

Paasissutissat allat

Atorfik pillugu paasisaqarnerorusukkuit Inulerivimmi aqutsisup Naja Lund Kielsenip oqarasuaataanut +299 34 60 54-imut e-mailianulluunniit nalk@nanoq.gl attaviginissaanut tikilluaqqusaavutit.

Ulloq 1. novembari 2025 isumaqatigiissuteqarnikkulluunniit atorfik inuttalerneqarusuppoq.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk