Inuussutissarsiummik siunnersorti sulisussarsiorpoq personale & jura-mut namminersorlutik oqartussat

Qitiusumik allaffeqarfimmik taakkualu immikkoortortaqarfiinik kiffartuussinitsinni suleqataarusussuseqarpit? Sulisunut siunnersortit inatsisilerituullu suleqatigiilluartuuvugut, qitiusumik allaffeqarfimmi peqqinnissaqarfimmilu sulisunik aqutsinermik suliaqartartuuvugut. Maanna ataatsimik sulisoqarnermut siunnersortissarsiorpugut, sulisoqatigiinni Kalaalliit Nunaanni Qitiusumik Allaffeqarfimmi sullissisunut ilaasussanik.

Kalaallit Nunaanni Namminersorlutik Oqartussat taakkulu ataanni immikkoortortat tamaasa aamma peqqinnissaqarfimmi sulisut pillugit sulianik suliarinnittarpugut, ilaatigut atorfinitsitsinermi isumaqatigiissusiortarluta. Taakkua saniatigut aqutsisut isumaqatigiissutit isumaqatigiissutillu pillugit siunnersorlugillu aqqutissiuuttarpavut.

Sulisut Inatsisilerisullu allaffianni sulisunut siunnersortit 13-it, sulisunut inatsisilerituut pingasut kiisalu allaffimmi pisortat marluk sulipput.

Suliassatit pingaarnerit Sulisunut siunnersorti ataaseq ujartorparput, immikkoortortami suliassanik assigiinngitsut suliarinnittartussaq. Immikkoortortaq massakkoqqissaaq inerisarneqaleruttorpoq; peqqinnissaqarfimmi sulisut aamma qitiusumik allaffeqarfimmi sulisut sinnerinik suliaqartartut ataqatigiinnerunissaat sulissutigivarput. Taamaalilluni atorfik aqqutigalugu sunneeqataasinnaaneq aamma suleqatigiit suleriaasiinik inerisaanissaq periarfissiissapput.

Suliassat pingaarnerit makkuussapput:

• Atorfinitsitsinermi sulisumut tunngasunik suliaqarneq, matumani pingaartumik atorfinitsitsinermi isumaqatigiissusiorneq allakkianillu assigiinngitsunik suliaqarneq ilanngullugit

• Akissarsianik, tapinik soraarnernillu allattuinerit

• Tjenestemandit soraarnerussutisiassaannut tunngasunik suliaqarneq

• Tjenestemandit pillugit inatsisit aamma atorfeqartitsinermi inatsisit pillugit malittarisassat allat pillugit siunnersuineq nassuiaassinerlu

• Isumaqatigiissutit nassuiarneri

Ilitsersuusiorneq, immersugassanik suliaqarneq atortullu tamanut saqqummiunnerinik aamma suliaqartassaatit.

Suleriaatsinik, ingerlatsinernik il.il. pisariillisarnerinik soqutigisaqaruit pikkoriffeqarlutillu, sulinermut taakku iluaqutaassapput.

Suleqatissarsiorpugut:

• Bacheloritut, professionsbacheloritut imaluunniit allaffimmiutut ilinniagalik

• Assingusumik atorfeqarsimaneq iluaqutaassaaq, aammali ilinniakkannik naammasserlaajusinnaavutit

• Suleqatiginnillaqqissuuvutit, isumasioqateqallaqqissuullutit aamma ilisimasannik suleqatitit avitseqatigillaqqillugit.

• Unamminartumik suliaqarnissamut naammassinninnissamullu tunuarsimaanngitsoq

• Oqaluttariarsornermi allattariarsornermilu qaffasissumik pitsaasumillu saqqummiisinnaasoq

• Kisitsisinik paasinnillaqqissuunerit inatsisinik/ aningaasaqarnermik paasinnillaqqissuuguit iluaqutaassapput

• Kalaallit Nunaanni inuiaqatigiinni pissutsit kulturilu ilisimasaqarfigigukkit iluaqutaassapput aamma kalaallisut oqaatsit atorsinnaagukkit iluaqutaalluinnarsinnaalluni

• Silatusaartoq, kiffartuusserusussusilik inussiarnersorlu

Suliffeqarfittut neqeroorutigisinnaavagut suliffik sulisunik pimoorussisunik sulisulik aamma qanimut attaveqaqatigiiffiusoq, suliat aallaavigalugit isumasioqatigiiffiusartoq immikkoortortaqarfimmilu pisortanut qanimut oqaloqatigiiffiusartoq kiisalu inuttut ilinniakkatigullu ineriartorfissaqartoq.

Qinnuteqartoq eqqortunik uppernarsarneqarsinnaasunik piginnaaneqartoq, immikkut siunnersortitut imaluunniit siunnersortit pisortaattut/siunnersortaanertut atorfinitsinneqarsinnaavoq.

Uatsinnut tunngasut Immikkoortortaq Aningaasaqarnermut Sulisoqarnermullu aqutsisoqarfiup ataaniippoq, taanna Aningaasaqarnermut Naalakkersuisoqarfiup ataaniilluni, taamaalillunilu Naalakkersuisut allaffeqarfiannut ilaalluni.

Aningaasaqarnermut Sulisoqarnermullu aqutsiveqarfik uagullu naleqartitavut pillugit uani itinerusumik atuarsinnaavutit: www.asa.gl Paasissutissat amerlanerusut Atorfik pillugu paasisaqarusukkuit, allaffimmi pisortaq Inuk Uukkaaq Lundblad mailikkut ugguuna: iuld@nanoq.gl imaluunniit oqarasuaatip normuatigut ugguuna +299 34 66 07 attaveqarfigissallugu tikilluaqquneqarputit.

Qinnuteqaat

Qinnuteqarnissamut piffissaliussaq ulloq 11.maj 2026. Oqaloqatiginninnerit sapaatip akunnerini 20-imi -21-milu pissasut naatsorsuutigineqarput

Aningaasaqarnermut Sulisoqarnermullu Aqutsisoqarfik pillugu Aningaasaqarnermut Sulisoqarnermullu Aqutsisoqarfik, ulluinnarni ASA-mik taagorneqartoq, Kalaallit Nunaanni Namminersorlutik Oqartussat ataatsimoorussamik kiffartuussinermut sullissivigaat. ASA-p Namminersorlutik Oqartussat naatsorsuutaat, qitiusumik pisiortortarneq, isumaqatigiissutinut tunngasut, akissarsianut sulisunullu tunngasut, nutserisoqarneq kiisalu illuutinik ingerlatsineq aserfallatsaaliuinerlu ilaatigut akisussaaffigai.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.