Inuussutissarsiutinik ineriartortitsinissamut, aallarnisaasunullu allaffimmi pisortatut atorfik nutaaq

Siuarsaanerup siuarsarneqarnissaanik, aallarnisaanermik, Kalaallit Nunaannilu inuussutissarsiortunut atugassarititaasunik pitsaasunik sinaakkuteqartitsinissamik allaffimmi ukkaqartumi siuttoorusuppit? Suleqatigiinnik tunniusimasunik aqutserusuppit, ilutigisaanillu suliat suliarineqartarnerat aamma pisortat ingerlatsinerat qaffasissumik pitsaassuseqarnissaat qulakkeerusuppiuk?

Inuussutissarsiutinut aamma niuernermut Immikkoortortap ataani inuussutissarsiutinik ineriartortitsinissamut, aallarnisaasunullu allaffimmik ineriartortitsinissamik, aqutsinissamillu sulerusussuseqartumik, ineriartortitsinissamillu ukkataqartumik allaffimmi pisortassarsiorpugut. Allaffimmi ilaatigut inuussutissarsiutinut politikki, kiffartuussinissamik isumaqatigiissutit, aallarnisaasunullu suliniutit suliarineqartarput, sulisullu aamma immikkoortortami aqutsisoqatigiit qanimut suleqatigalugit immikkoortortap ineriartortinneqarnissaani qitiusumik inissisimassallutit.

Allaffimmi suliassat

Inuussutissarsiutillit, kommunillu qanimut suleqatigalugit aallarnisaasarnerup nukittorsarneqarneratigut, pilersitsinerup siuarsarneqarneratigut, suliniutinillu pingaarutilinnik ineriartortortitsinikkut – Kalaallit Nunaanni inuussutissarsiortunut pitsaanerusunik atugassaqartitsinissaq allaffiup sulissutigaa.

Suliaqarfiit ilaatigut tassaapput:

• Inuussutissarsiutinut politikkitigut periusissanik aamma immikkoortunut pilersaarutinik ineriartortitsineq atortuulersitsinerlu – matumani takornariaqarneq, aallarnisaaneq, sermimik aamma imermik avammut tunisineq ilanngullugit

• Namminersorlutik Oqartussat ingerlatseqatigiiffippaaluinik, ilaatigut Visit Greenlandimik, Nalik Venturesimik aamma Great Greenlandimik kiffartuussinissamik isumaqatigiissutissaliorneq, kiffartuussinissamillu isumaqatigiissutinik malittarinninneq

• Kommuninik, inuussutissarsiornermut siunnersuisoqatigiinnik, suliaqarfiit peqatigiiffiinik, aallarnisaasunillu suleqateqarneq

• Politikerinik sullissineq kiisalu aalajangiinissami tunngavissaliornerit, isummernissamullu tunngavissaliornerit

Pisortat sulianik suliaqarnerisa qaffasissumik pitsaassuseqarnissaat, inatsisitigullu isumannaatsuuneq allaffimmi suliassat pingaarnerit ilagaat. Tamanna pillugu pisortat sulianik suliaqartarnerinik misilittagaqarluaruit aamma suliassat suliarineqartarnerat pillugu inatsit ilisimaqarfigilluarukku, ingerlatsinermilu ileqqorissaartuuguit iluaqutaassaaq.

Atorfik pillugu

Immikkoortortami inuiaqatigiinnut annertuumik pingaaruteqartumi akisussaaffeqarlutik, sunniuteqarlutillu qitiusumik, tamatigoortumillu allaffimmi pisortaassaatit. Sulisunik aqutsinissaq, suliatigullu ineriartortitsinissaq pingaarnertut akisussaaffigissavat, soorluttaaq allaffimmik – massakkut suliatigut assigiinngitsunik tunuliaqutaqartunik tallimanik sulisoqartumik – siuariartortumik ineriartortitsillutillu aqutsissasutit.

Allaffimmi pisortatut ulluinnarni:

• Allaffiup suliniuteqarfiinik assigiinngitsunik aqutsissaatit, pingaarnersiuillutillu

• Allaffimmi suliat suliarineqartut pitsaassusiinik, naammassisaqarsinnaassutsimik, inatsisinillu naapertuinissamik qulakkeerissaatit

• Politikerinik sullissinermut, pingaarnertullu siunnerfimmut tapersersuissaatit

• Illup iluani, illullu avataani suleqatigisanut allaffimmi sinniisuussaatit

• Immikkoortortami aqutsisunik, allaffimmilu pisortanik allanik qanimut suleqateqassaatit

Allaffimmi pisortap, immikkoortortaqarfimmi pisortaq qaninnertut attavissaraa.

Illit pillutit

Suleqateqarsinnaalluartumik, aqutsisinnaasumik aamma pisortat ingerlatsinerinik – ajornanngippat pingaartumik sulianik suliaqartarneq pingaartillugu – misilittagaqarluartumik allaffimmi pisortassarsiorpugut.

Kissaatigaqarput:

• Sulianik assigiinngitsunik aqutsinermik imaluunniit ataqatigiissaarinermik misilittagaqartutit

• Pisortat sulianik suliaqartarnerinik misilittagaqarluartutit aamma suliassat suliarineqartarnerat pillugu inatsit ilisimasaqarfigigit

• Inuussutissarsiutinik ineriartortitsineq, pilersitsinerlu ilisimasaqarfigigitit

• Politikkimik paasisimasaqartutit, aalajangiinerillu piviusunngortissinnaagitit

• Attaveqarluarsinnaasutit – oqaluttariarsornikkut, allattariarsornikkullu

• Qallunaatut, tuluttullu piginnaasaqarluartutit – ajornanngippallu kalaallisut

• Attuumassutilimmik ilinniagaqartutit – soorlu cand.scient.adm., cand.merc., cand.jur., cand.oecon. – atorfiulluunniit imarisaanut imaluunniit atorfimmi akisussaaffinnut naleqquttumik misilittagaqarluarlutit suliatigut allamik tunuliaqutaqartutit

• Kalaallit Nunaanni inuiaqatigiinnut tunngasunik, ajornanngippallu kalaallit ataqatigiinnerinut tunngasunik ilisimasaqartutit.

Taassumap saniatigut atorfimmut naleqqutissaatit:

• Suleqatinik kajumissaarisarlutit aqutsisuuguit misigittartoq, tatiginartoq, akuusorlu

• Aaqqissuussaasumik aamma misissuisumik suleriaaseqaruit, ulluinnarnilu ulapaarfimmi tamat isiginnissuseqalersitsisinnaaguit

• Attavinnik pilersitsilluarsinnaaguit, suleqatigiinnerlu aqqutigalugu siuariartornissamik qulakkeerisinnaaguit

• Najukkami tunngaveqaruit, kalaallillu inuiaqatigiivinik ineriartortitsinissami eqeersimaartumik peqataarusussuseqaruit

Inuussutissarsiutinut aamma niuernermut Immikkoortortaq pillugu

Kalaallit Nunaanni piujuartussamik, unammillersinnaasumillu inuussutissarsiornermik ineriartortitsinerup – nunami amma nunat tamalaat akornanni – siuarsarneqarnissaa, Inuussutissarsiutinut aamma niuernermut Immikkoortortap suliaraa. Inatsisitigut, periusissiatigut, suleqateqarnikkullu suliffeqarfinnut pitsaasunik sinaakkuteqartitsinissamut tapertaavugut.

Suliatigut paasisimasaqarneq, tamakkiisumillu paasisimasaqarneq aamma inuussutissarsiutit akimorlugit ingerlatsisut, immikkoortortaq, politikerillu akimorlugit suleqateqarnissaq pingaartipparput.

Ulloq atorfiniffissaq: Atorfininnissaq pissaaq 1. septembari 2025 imaluunniit isumaqatigiissuteqarnikkut.

Annertunerusunik paasisaqarusuppit?

Atorfik pillugu paasissutissanik amerlanerusunik immikkoortortaqarfimmi pisortaq Marte Lona, oqarasuaat +299 34 6568-imut, e-mail: mlon@nanoq.gl-imut saaffiginninnikkut pissarsisoqarsinnaavoq 

Atorfinitsitsinissamut atatillugu ingerlaavartumik oqaloqatiginnittoqartassaaq.

Akissarsiat atorfeqartitaanermilu atugassarititaasut:

Atorfik akissaateqarfimmi LR 36-mi maanna inissisimavoq. 1. april 2025 LR 36-mi akissarsiat imak isumaqagitiissutigineqarnikuupput qaamammut Kr. 54.247 ukiumullu Kr. 650.964

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Aallaaviusumik sapaatip akunnerani suliffiuvoq akunneri 40-t, atorfimi qaanngiuttornermusiaqarsinnaavoq ukiumoortumut akunneri 320 qaanngersimagaani, qaammatinullu pingasunut avillugit 80-t, taammaatoq ulloq sulinngiffiusussaasoq annaagaani ajunngitorsiassaqarfiunngilaq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk