Ippiarsuk Sammisassaqartisivimmi aqutsisumik pissarsiorpoq

Atorfimmi suliassat:

Aqutsisutut sulisut suliassanik agguaaffigissavatit, taamaalillutik aktivitetsmål anguniarneqarsinnaassallutik.

Siunertaavoq aktivitetscenteri utoqqarnut, innarluutilinnut najugaqartunullu katersuuffittut atorneqassasoq, tassani suleqatigiinnermi makku ingerlanneqassapput:

∙Piginnaasanik attassiinnarnissamut sungiusarneq

∙Paaqqutarinninneq isumassuinerlu

∙Inooqataanermi sammisassat ataatsimoornerlu

Sulisut suliassaat:

Sulisut makkuninnga suliaqassapput:

∙Sammisassanik pilersaarusiorneq ingerlatsinerlu aallartisassavaat

∙Terapeutit suleqatigiiviat suleqatigalugu sungiusarneq timigissarnerlu pilersaarusiorneq aallartinneqassaaq

∙Utoqqaat sammisassanut peqataasarnissamut kajumissaarneqassapput

∙Innuttaasut pisariaqartitaat kissaatigisaallu aallaavigalugit sammisassat isumalittut pilersinneqassapput

Sammisassaqartitsinermi suliassaqarfik:

Aktivitetscenterimi sammisassat pinaveersaartitsinermi, sungiusarnermi inooqataanermilu imaqassapput, taamaalilluni innuttaasut sivisunerpaamik namminneq angerlarsimaffimminni najugaqaannarsinnaassallutik.

Sulisut makkuninnga aamma suliaqassapput:

∙Innuttaasut pisariaqartitaat kissaatigisaallu aallaavigalugit sammisassaqartitsineq ineriartortinneqassaaq

∙Innuttaasut namminneq piumasatik malillugit sapinngisamik sivisunerpaamik ingerlanissaannut tapersersorneqassapput

∙Kisimiittunngornermik pinaveersaartitsineq

∙Illumi kajumissutsimik ikiortit suleqatigalugit sammisassanik pilersaarusiorneq

∙Sammisassaqartitsinermut atortussanik pisiniarneq aqutsisoq imaluunniit souschef suleqatigalugu

Qinnuteqartut naatsorsuutigineqartut

∙Ilinniarsimassaatit social- og sundhedsassistentitut, pædagogitut, sundhedshjælperitut, socialhjælperitut imaluunniit assingusumik isumaginninnermut tunngasumik ilinniagaqarsimallutit

∙Utoqqarnik sullissinermi praktiskimik misilittagaqarputit aammalu aqutsinermik misilittagaqarlutit

∙Suleqatigiinnermi assigiinngitsunik suliallit akornanni suleqatigiinnermut piginnaasaqarluarputit, kiisalu allannguinissamut ineriartortitsinissamullu piumassuseqarlutit

∙Pilersaarusiorsinnaassuseqarlutillu assassornermik/eqqumiitsuliornermik piginnaasaqarputit soqutigisaqarlutillu

∙Utoqqarnik aammalu innarluutillit (pisinnaasaasa annikillinikut) innuttaasunik sullissinissamut soqutigisaqarputit

∙Ammasuuvutit akisussaassuseqartuullutillu, ataqqinnittuuvutit, eqaatsuuvutit, suleqatikkuminartuullutit, inissaqartitsisuullutit kiisalu nuannaarnermik pitsaasumik peqarlutit

∙Atuisut pisariaqartitaat tunngavigalugit sammisassanik assigiinngitsunik aaqqissuussisinnaallutillu pilersaarusiorsinnaavutit

∙Atuisunut avatangiisinik pitsaasunik kiisalu suleqatit akornanni suleqatigiinnermut pitsaasumik pilersitseqataassaatit

∙Kalaallisut danskisullu oqalussinnaaneq iluaqutaassaaq, kisianni piumasaqaataanngilaq

Neqeroorutigaavut:

Suliffik unammillernartoq, nammineq atorfimmi imarisaanik sunniuteqarnissamut periarfissalik aammalu namminersorluni akisussaaffimmik annertuumillu ingerlatsiviup ineriartortup iluani.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Aqutsisoq Peter Lund Eriksen, oqarasuaat +299 36 61 74, imaluunniit e-mail: pelr@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 252-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: marsip 26.-at, 2026