Ippiarsummi kiffartuussinermut tunngasuni immikkoortortami aqutsisoq

Kommuneqarfik Sermersooq Ippiarsuk tunniusimasumik aalajaatsumillu kiffartuussinermut tunngasuni aqutsisussarsiorpoq.

Utoqqaat illuat 43-nik najugaqartoqarpoq. Immikkoortortaq puiguttortunik inissarineqarpoq, najugaqartunut 23-nut inissalik marlunnik immikkoortortalik. (Tamatuma saniatigut immikkoortortaqarfeqarpoq innarluutilinnut inuusunnerusunut qulinut inissaqartumik, taannalu illorsuup iluaniippoq suleqatigineqarlunilu)

Ippiarsuk aamma innuttaasunut angerlarsimaffinniittunut innersuunneqartunut sammisassaqartitsisarpoq.

Ippiarsummiipput immikkoortortaqarfeeqqat arfinillit. Utoqqarnut immikkoortortaqarfiit marluk, puiguttortunut immikkoortortaqarfik, igaffik, errorsisarfik/eqqiaasut, allaffik taavalu sammisassaqartitsivik, tassaniipput katillugit sulisut 70-it missaanniittut.

Ippiarsummi kiffartuussinermut tunngasuni immikkoortortami aqutsisutut illup iluani suleqatigisat peqatigalugit utoqqarnik paaqqutarinniffimmi kiffartuussinermut tunngasut pitsaassusaannik qulakkeerinissaq siuttuuffigissavat. Ippiarsuk assigiinngitsorpassuarnik suliassaqarfiuvoq, taamaattumillu naleqqussarnissamut piareersimaffigisaavoq, Kiffartuussinermut tunngasuni aqutsisutut suliassat siammasimmata. Angerlarsimaffiuvoq utoqqaat angerlarsimaffigisarisaat, taamaattumik illit aqutsisutut ersarissuunissat ajunngitsumillu aqutsinikkut siuttuunissat, uummateqarfigalugulu suliassatigut pikkoriffigissagitit pingaaruteqarpoq, taamaalilluni isumannaassutsikkut pitsaalluinnartumiinnissamut qulakkiissallutigu.

Utoqqarnut suliassaqarfimmi tamani ineriartortitsinissamut tunngasunik ingerlatsivugut, ilaatigut aqutsisutut kiisalu sulisunut tamanut inuttut ineriartortitsinermik taaneqartartoq ilanngullugu. Ippiarsuk utoqqarnik paaqqutarinniffiuvoq illorsuaq angisooq pissanganartorlu, tassanilu immitsinnut inissaqartittuuvugut, najugaqartoq qitiutillugu sulilluta aamma tatiginassuseq, qanilaassuseq, isumassuineq, toqqissisimaneq, tusarnaarneq naleqartinneqarlutik inuunermilu pitsaassuseq takuneqarlunilu malugineqarpoq.

Kommunip utoqqarnut politikkia aallaavigalugu innuttaaqativut utoqqaat sullinneqartarput, taanna uani, kommunillu maleruagassiai allat ilanngullugit allagartat uppernarsaatit ilanngullugit takusinnaavatit:

https://sermersooq.gl/da/politik-indflydelse/politikker-strategier/

Ujarparput:

∙Aqutsisoq attuumassutilimmik ilinniagalik aamma/imaluunniit aqutsisuunermut pikkoriffilik pisiniarnermut toqqorsivimmullu tunngasunik allaffissornermi misilittagalik, taakkununnga ilanngullugu qarasaasialerinermik ilisimasaqarluarneq

∙Isumannaassutsinut tunngasunik suliassanik misilittagaqartoq, soorlu ikuallattoornissamut sillimaniarneq ikuallattoornissamullu isumannaallisaaneq

∙Ajornanngippat eqqiaanerup iluani misilittagaqartoq, tassunga ilanngullugu pitsaassutsimik qulakkeerinninneq

∙Utoqqarnut tunngassutilinnut nalinginnaasunik sulianik misilittagaqarnissat, piumasaqaataanngilarli

∙Kiffartuussinermut tunngasuni aqutsisutut Ippiarsummi sulisutit aqutsisullu sinneri suleqatigilluarnissaat pingaartippatit

∙Sulisunut tamanut ersarissunik ilitsersuutinik najoqqutassanik malittarisassanillu pisariaqartitsineq malillugu suliaqarsinnaasutit sulisunillu tamanik ilitsersuinermik qulakkeerisinnaasutit

∙Suleqatikkuminartuuvutit aamma allannguinissamut ineriartortitsinissamullu piumassuseqarlutit, kiisalu sullivinni avatangiisinik pitsaasunik pilersitsisinnaavutit

∙Nutaaliorsinnaassuseqassaatit nuannersumillu eqqarsarsinnaassaatit kiisalu anguniagaqarlutit

∙Pisuni ajornartoornerni malinnaasinnaavutit

∙Missingersuutinik aningaasaqarnermillu tamanik isiginnissinnaasutit kiisalu missingersuutinik malinnissinnaasutit

∙Tamatigoortuusutit suliffimmullu tunniusimasutit

∙Sulisussarsiornernik, atorfinitsitsinernik soraarsitsinernillu qulakkeerinnissinnaasutit, isumaqatigiissutit malinneqartarnissaannik qulakkeerinnissinnaasutit

∙Piginnaassutsit allaaserinninnissamik, kiisalu vagteqartarnermik aamma feriamik pilersaarusiornermik suliaqarsinnaavutit

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Neqeroorutigivagut:

∙Innuttaasut utoqqaat angerlarsimaffianni inuunerannut iluaqutaasussamik isumannaatsuunissaannullu Ippiarsummi Kiffartuussinermut tunngasuni nukittorsaanissamut ineriartortitsinissamullu periarfissat.

∙Ulluinnaat assigiinngitsut

∙Aqutsisoqatinik siunersioqatigiinnissamut periarfissaqarluarneq

∙Ippiarsummi aqutsisumik qanimut suleqateqarneq siunersioqateqarnerlu

∙Inuttut ilinniakkatigullu inerisarnissamut periarfissagissaarneq

∙Sulisunik kajumissuseqarluartunik pikkorissunillu suleqateqarnissamut periarfissaqarneq

∙Ippiarsummi aqutsisumut toqqaannartumik qaninnertut aqutsisoq

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Forstanderiugallartoq Peter Lund Eriksen, oqarasuaat +299 36 71 74 imaluunniit e-mail: pelr@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1250-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: decembarip 16.-at, 2025

Atorfik una qinnuteqarfigiuk