Ippiarsummut Peqqissaanermi assistentimik pissarsiorpoq

Kommuneqarfik Sermersooq Utoqqarnut isumassuiffimmut Ippiarsummut Peqqissaanermi assistentimik nakorsaasersuisinnaasumik aamma suliatigut ineriartortitsinermik ukkassisinnaasumik ataatsimik pissarsiorpoq

Utoqqarnut isumassuiffimmik Ippiarsuk peqqissaanermi asistentimik ataatsimik pissarsiorpoq

Atorfik piffissaq tamakkerlugu suliffiuvoq, sapaatip akunneranut 40 tiimit, ulluunerani suliffiulluni kiisalu akunnerit naaneri allortarlugit suliffiulluni.

Ippiarsuk: Ippiarsuk utoqqarnik paaqqinniffiuvoq najugaqartunut 34-nut inissaqartoq aamma ulluunerani sammisaqartitsiffiulluni 35-nut inissaqartitsisoq. Ineqartut immikkoortortanut pingasunut agguarneqarsimapput, immikkoortortani tamaginni ineqartut 11-11-12-iullutik. Ippiarsummi sulisut ukuupput: Peqqissaasoq, Peqqissaanermi assistentit, Peqqissaanermi ikiortit, Isumaginninnermi ikiortit ilinniarsimanngitsullu. Immikkoortortatta pingasuusut saniatigut illu Sammisassaqartitsiveqarpoq, Igaffik, Errorsisarfik, Allaffik, pedeli biilertorlu. Ippiarsummi sulisut 70-init amerlanerulaarpugut. Immikkoortortatta pingasuusut saniatigut aamma immikkoortortaqarpugut Pakkutaq, taanna Inuit innarluutillit tarnimikkullu napparsimasunut suliassaqarfiup ataaniippoq..

-Suleqatitaarilerpatsigit? Maani Ippiarsummi ulluinnarni suliatigut qaffassaaqataarusuppit toqqissisimanermillu pilersitseqataarusullutit?

Atuuffimmut pingaarutilimmut peqqissaanermi assistentimik tunniusimasumik suliatigullu ilisimasaqarluartumik pissarsiorpugut. Nakorsaatilerinermut akisussaaffeqassaatit aamma suleqatinnut suliatigut siunersiuisassaatit ilitsersuisuullutillu. Illit atuuffiit toqqaannartumik suliatigut aamma paaqqutarinninnerup pitsaassusaanik pitsanngorsaassaaq – Ippiarsullu innuttaasunut sulisunullu pitsaanerulersissallugu.

Siunissami suliassarilerumaakkatit ilaatigut makkuussapput:

∙Nakorsaatinik annertussusiliinermut aamma nakorsaatinik aqutsinermut akisussaasuuneq

∙Katsorsaaneq malinnaaviginninnerlu pillugit peqqissaasunik nakorsanillu suleqateqarneq

∙Ilinniartitsineq suleqatinillu suliatigut siunersiueqatigiinneq – ass. nakorsaatit, malinnaaviginninneq uppernarsaaneq pillugit

∙Suliat pillugit ataatsimiinnerni aamma suleriutsinik ineriartortitsinermut peqataaneq

∙Innuttaasup pisariaqartitai aamma inuunerata pitsaassusaa qitiutillugu ulluinnarni paaqqutarinninnermi peqataaneq

Ujartorpatsigit illit:

∙Peqqissaanermi assistentitut ilinniarsimasoq aamma nakorsaatilerinermi misilittagalik

∙Tamakkiisumik takunnissinnaasoq, akisussaaqataasoq aamma aaqqissuussaasumik sulisinnaasoq

∙Ilinniartitserusuttoq aamma sulisut suliatigut ineriartorneranni tapersersuerusuttoq

∙Alapernaatsoq, eqqarsaatiginneqqissaartoq assigiinngitsunillu suleqateqallaqqittoq.

∙Akuersaartumik attaveqartartoq aamma suliffimmi avatangiisimut pitsaasumik ataqqinnittumillu peqataasoq.

Ippiarsummi naleqartitat tassaapput:

Isumassuineq, ataqqinninneq, toqqissisimaneq, tatiginninneq, inuunerup pitsaassusaa aamma tusarnaarluarneq.

Innuttaasoq qitiutillugu sulivugut aamma pitsaasumik attaveqarnikkut, tatiginninnikkut akisussaaqatigiinnikkullu suliffimmi avatangiiseq pitsaasoq pilersinneqartarpoq.

Una atorfik ilinnut pitsaassutsimik, ineriartortitsinermik inuppalaarnermillu pingaartitsisumut – aamma suliatigut inuttullu allannguerusuttumut tulluuppoq.

Naatsorsuutigaarput:

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Annertunerusumik paasisaqarusukkuit:Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq, Peter Lund Eriksen, oqarasuaat +299 36 61 74 imaluunniit e-mail: pelr@sermersooq.gl

Pineqaatissinneqarsimannginnermut uppernarsaat:Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Qinnuteqaat:

Qinnuteqaat qulequtserlugu Atorfiup ilisarnaataa 567 -mik, ilinniagaqarsi manermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juunip 25.-at, 2025

Atorfik una qinnuteqarfigiuk