IPPS-imik ujarlerpoq: Inuit pisinnaatitaaffii pillugit siunnersuisoqatigiit attaveqatigiinnermut sulisutut marlunnik oqaasilimmik imaluunniit siunnersortimik ujarlerput

Kalaallit Nunaanni inuit pisinnaatitaaffii pitsanngorsaaqataavigerusuppigit?

IPPS - Inuit Pisinnaatitaaffii pillugit Siunnersuisoqatigiit attaveqatigiinermik suliaqartussamik imaluunniit siunnersortimik marlunnik oqaalisimmik kalaallisut/danskisut ujartuipput, misissueqqissaarnernut, allagaqaasiornernut inerisaanermullu tunngatillugu aalajangersimasumik suliaqarnerit aqqutigalugit Kalaallit Nunaanni inuit pisinnaatitaaffiinik siuarsaaqataajumasumik illersuiumasumillu.

Atorfinittussamik ujartuivugut kalaallisut/danskisullu marlunnik oqaasilimmik paasissutissiillaqqissumik aamma suleqateqallaqqissumik, allattoqarfimmi anginngitsumi suliassanik assut assigiinngiiaartunik suliaqarfiusumi – tunaartaqarluni misissueqqissaarnermiit iliuuseqarnikkut suliaqarnermut sulisartussamik.

Atorfik pillugu

Allattoqarfimmi qitiusumik suliaqartut akornanniilissaatit assigiinngitsunillu suliaqartassallutit, inuit pisinnaatitaaffii, politikki inuiaqatigiillu suliaqarfigisassallugit.

Suliatit ilaatigut ukuussapput:

• Attaveqaqatigiinneq aaqqissugaasoq pilersaarlugulu ineriartortillugu, matumani nittartakkami aamma inuit attaveqaqatigiittarfiini imarisassat – kalaallisut paasissutissiinermik pingaarnertut aallutarineqartussamik

• Inuit pisinnaatitaaffiinik attaveqaatigigigut avammut kiinersinnaaneq inatsisinik sulisaatsimilu atuutsitsilernissaq siunertaralugu  misissueqqissaarnerni missingiutiliorneq, tusarniaassutinut akissutini aammalu nalunaarutini  suleqataaneq

• Kalaallit Nunaanni inuit pisinnaatitaaffiini pissutsit nakkutiginerini peqataassaatit, aammalu sumiiffiit pitsanngorsaavigineqartariaqartut sumiissusersillugit

• ingerlatitseqqinnissamut ineriartornissamullu suliniutit suleqatigisat suleqatigalugit

• Siunnersuisoqatigiit allattaaffiginerani suleqataaneq, matumani siunnersuisoqatigiit ataatsiminiississaannut piareersaaneq ataatsimiisitsinerlu.

• Innuttaasunit suleqatigisaniillu saaffiginnissutit suliaralugit

• Annikitsumik nutserineq

Kalaallit Nunaanni inuit pisinnaatitaaffii pillugit suliaqassaatit, aammattaaq nunaqavissut pisinnaatitaaffii pillugit apeqqutit nunallu tamalaat akornanni malitat pillugit suliaqassallutit.

Illit pillutit

Takorloorparput illit:

• Kalaallisut danskisullu marluinnik oqaasilik

• Naleqquttumik attaveqaqatigiinikkut assigisaaniluunniit ilinniagaqarsimasoq

• Allannikkut oqaatsikkullu pitsaasumik paasissutissiisinnaassuseqartutit

• Politikkip, ingerlatsinerup inuillu pisinnaatitaaffiisa sunniivigeqatigiinnerinut paasisimasaqartutit

• Namminersorluni sulinissamut suleqatigiiaanilu ikitsunnguini qanimut suleqatigiinnermut sulisinnaassuseqartutit

Kalaallit Nunaanni inuit pisinnaatitaaffii ilisimasaqarfigigukkit imaluunniit soqutigisarigukkit iluaqutaassaaq.

Uagut pilluta

IPPS - Inuit Pisinnaatitaaffii pillugit Siunnersuisoqatigiit arlaannaannulluunniit attuumassuteqaratik aaqqissugaanerupput, Kalaallit Nunaanni inuit pisinnaatitaaffiisa atuutsinneqalernissaannut ilisimasat annertusassallugit suliaqarfiusut.

Siunnersuisoqatigiit 13-inik ilaasortaqarput allattoqarfimmit sullinneqarlutik, ataatsimullu suliassagut ilaatigut tassaapput:

·       inuiaqatigiinni inuit pisinnaatitaaffii aallaavigalugit ajornartorsiutit suussusersillugillu sumiissusersillugit, 

·       pisortat oqartussaqarfii namminersorlutillu ingerlatsisut siunnersorlugit,

·       kiisalu inuiaqatigiit akornanni inuit pisinnaatitaaffii pillugit ilisimasanik kajumissutsimillu annertusaaqataaneq.

Uagutsinni atorfittaarnermi Kalaallit Nunaanni inuit pisinnaatitaaffii pillugit sunniuteqaqataanissamut periarfisaqalissaatit allannguutinullu aalajangersimasunut suliaqaqataallutit.

Neqeroorutigaavut

·       Kalaallit Nunaanni inuit pisinnaatitaaffii qulequtseeqataaffiginissaanut periarfissaq immikkuullarissoq

·       Qitiusumik politikkikkut inuiaqatigiinnilu ingerlaariaatsinut suliaqarnissamut periarfissaqarneq

·       Suliffimmi avatangiisit eqaatsut annertuumik namminersorfiusut

·       Suliatigut ineriartornissamut annertunerusumillu attaveqaqateqalernermut periarfissaqarluarneq , Kalaallit Nunaanni nunanilu tamalaani

·       Atorfik inuit pisinnaatitaaffiinut suliassaqarfimmi malinnaavigiinnavissinnaasat, nutaanik ilikkagaqarfigisinnaasat attaveqaqateqalerfigisinnaasallu.

Atorfininnissamut pissutsit

Atorfik piffissaq tamakkerlugu suliffiuvoq Nuummiillunilu. Atorfininnermut pissutsit Namminersorlutik Oqartussat isumaqatigiissutaat aamma kattuffik isumaqatiginninniarsinnaatitaasoq naapertorlugit atuupput.

Atorfik qinnutigiuk

Qinnuteqaatit, suliffigisimasat allattorsimaffii (CV) pappilissallu naleqquttut kingusinnerpaamik juuni 25-panni 2026 nassiutikkit uunga, sofia@ipps.gl

Ingerlaavartumik atorfinitsitsinissamut oqaloqatiginnittarnissarput naatsorsuutigaarput.

Paasissutissat allat:

Atorfik pillugu apeqqutissaqaruit allattoqarfimmi pisortaq, Sofia Rossen, e-mailimi uani attavigisinnaavat: sofia@ipps.gl

Suliagut pillugit sukumiinerusumik ugguuna atuarit, www.ipps.gl