Isumaginninnermi Aqutsisoqarfik ilinniartunik sulisussarsiorpoq kommune kujallermi meeqqanut inuusuttuaqqanullu susassaqarfimmi allanngueqataarusussuseqartumik (10-20 tiimit sap akunneranut - ungasianiit sullissineq))

Isumaginninnermi siunnersortitut ilinniartuuit aammalu pisortaqarfimmi sulinermik misilittagaqarusuppit? Ilinniarnerpit saniatigut eqaatsumik ikiortitut suliffeqarusuppit? angerlarsimaffinniillu sulisinnaaneq periarfissaavoq, ilutigalugulu meeqqat inuusuttuaqqallu inuuniarnermikkut sunnertiasut ilikkangaqarfigalugit? Taava una ilinniarnerpit saniatigut ikiortitut ilinnut tulluuppoq!

Atorfik pillugu

Isumaginninnermi Aqutsisoqarfik ilinniartumik tunniusimasumik arlalinnilluunniit, kommunit ilaat tapersersorneqarnissaanut Meeqqaanut inunnullu innarluutilinnut Ingerlatsivimmut, pissarsiorput. Ingerlatsivik tapersersussavat aamma meeqqat inuusuttuaqqallu ernumanartumiittut sullinneqarneranni peqataalerlutit, suliassat uku soorlu:

• Get Organized-imi sulianik aaqqissuineq aamma aallagaatinik aaqqissuussineq.

• Suliani naalisaalluni paasinartunik aamma paasiuminartunik eqikkaaneq.

• Suliani suliassani oqinnerusunik suliaqarneq: soorlu malitseqartitsinerit, journalini allattugaatit aamma naleqquttuni suleqatigisani ataqatigiissaarineq

Atorfik aallavigalugu sapaatip akunneranut 10 - 20 tiimiupput, suliffiillu ilinniarnernut naleqqussarsinnaavat aamma allat pisussaaffitit eqqarsaatigalugit - taamaattumik sulinerit unnulerneraniusinnaavoq weekendtiniluunniit, taamaakkaluartorli tiimimut akigitaq taamaaginnassaaq, qaqugukkut suligaluaruit.

Sulinermik aallartinnermi ilinniartitsisoqassaaq, aallartisarnerlu pissaaq ulluinnarni sulinerup nalaani. Taamatuttaarlu ulluinnarni sulinerup naliginnaasup nalaani immikkoortortaqarfimmi ataatsimiittoqartassaaq, malititsinerillu ingerlanneqartassallutik. Atorfinitsinneqarnissamut piumasaqaataavoq ilinniartinneqarnissarnut peqataanissamut periarfissaqassasutit, ulluinnarnilu 8-16 akornanni 1-2 tiimit ataatsimiinnissamut isumaqatigiinnissamut periarfissaqassallutittaaq.

Ilinniarnermi misilitsinnernut sulinngiffeqarnernulluunniit atatillugu, periarfissaavoq annikinnerusunik annertunerusunilluunniit tiimeqarnissamut isumaqatigiittoqarsinnaaneq.

Pingaarnertut suliassatit:

• Suliat misissorneri allagaatillu aaqqissuunneri. 

• Suliat ersarissumik toqqaqqissaartumillu eqikkarneqarnissaat

• Suliat naammassinikut aaqqissorneqarneri.

• Suliat suliarineqarneranut, attaveqatigiinnermilu nakkutiginnilluni ilitsersuinermi ikiuineq, aamma uppernarsaatini attuumassuteqartuni

• Suliat ingerlaavartumik ingerlanissaasa qulakkeernissaat, ullormut sulineq ingerlatsivimmi tapersersornissaa.

Kinaavit?

Illit tassaavutit:

• Inunnik isumaginnittunngorniaq imaluunniit ilinniarnermut attuumassutilimmut soorlu assersuutigalugu inatsisilerinermut allatsinnikoq.

• Akisussaasumik aamma aaqqissuussaasumik suleriuseqarputit

• Allalluarsinnaassuseqartutit

• Ilinniartikkuminartoq alapernaatsoq, allannguisinnaanermik kissaateqarneq

• Immikkuualuttunik pikkoriffilik aamma oqimaaqatigiissaarillaqqitsoq

• Kalaallit Nunaanni inunnik isumaginninnermut ilisimasalik 

• Meeqqat tapersersorneqarnissaannut Inatsisartut inatsisaat ilisimasaqarfigigukku iluaqutaassaaq.

• Qarasaasiatigut atortorissaarutinik ilisimasalik, ungasianiit suliffigisassaq qarasaasiatigut ingerlanneqartassammat. Kommune Kujallermi qarasaasiaq Get Organized atorlugu sulianik ingerlatsisarput. taannalu ilisimasaqarfigigukku iluaqutaassaaq.

• Marluinnik oqaasilik kalaallisut aamma nuna avannarliit oqaasiinik ilisimasaqaruit iluaqutaassaaq. 

Taamaattumik uagut toqqassavatsigut

• Meeqqat inuusutullu atugarliortut toqqaannartumik isumaginninnikkut suleriaatsini tapertaagit.

• Ineriartorneq qitiutillugu suliffeqarfimmi ulapaarfiusumi aamma sulinermi suliassatigut avatangiisilik attuumassusilimmik ilisimasaqarfigileruk

• Suliffik ilinniarnerlu sulinngiffeqarfillu ataatsikkoortillugit periarfissaqartitsineq

Sulianut tunngasut

Atorfinitsitineq aallaaviatigut avataaniik sullissineruvoq Isumaginninnermi Aqutsisoqarfiup sulilernermi atortorissaarutigullu atortunillu ilinniartitsineq isumagissavaat. Kalaallit Nunaanni Naalakkersuisut kattuffiullu allap isumaqatigiinniarsinnaatitaasup akornanni isumaqatigiissut atuuttoq naapertorlugu akissarsiaqartitsisoqarlunilu atorfinitsitsisoqassaaq.

Qinnuteqarnissamut killigititaq: 30.09.2025

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Attavissaq

Apeqqutissaqaruit attavigisinnaavat suliniummi suliaqartartoq Josefine Højbjerg johf@nanoq.gl

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk