Isumaginninnermut aqutsisoqarfik Aqutsisoqarfiup pisortaata allatsissaanik uummaarissumik sulianut aalajangiivigisassanut peqataasartussamik pissarsiorpoq

Isumaginninnermut Aqutsisoqarfik Meeqqanut, Inuusuttunut Ilaqutariinnullu Naalakkersuisoqarfiup ataaniippoq. Isumaginninnermut Aqutsisoqarfik inatsisitigut, isumaginninnermut tunngasutigut ilisimasanik sulianillu ataqatigiisitsisarpoq. Kommunit nammineq pisariaqartitaat aallaavigalugit sulisunut piginnaanngorsaaqqiinikkut, siunnersuinikkut, ilitsersuusiornikkut atortussiornikkullu ataqatigiisitsisarpugut. Kommunit suleqatigalutigit isumaginninnermut suliassaqarfimmi suliniutinik najukkani pissutsinut atuutsilerneqarnikunit naleqqussarneqarnikunillu tunngaveqarluta ilisimasanik paasissutissanik katersinermik inerisaasarpugut atuutsitsilersitsisarlutalu.

Atorfik

Aqutsisoqarfiup pisortaa AC-fuldmægtigimik allatsissaanik aqutsisoqarfiup pisortartaavanik sullissisussamik suleqateqartussamillu pissarsiorpugut. Atorfik pissanganartoq pingaarutilillu, aalajangiiniarnernut qanittumi inissisimassaatit iliuusissanillu nutaanik ataqatigiissaarinermi peqataasassallutit. Taamaammat sulineq politikkikkut sulianik ingerlatsinernut ilinniakkallu akimorlugit suleqatigiinnermut annertuunik paasisimannilersitsissaaq sulinermilu toqqammavissavit ilusilernissaannut annertuumik periarfissiissalluni.

Suliassat ilaatigut makkuussapput:

• Aqutsisunik sullissineq, ataatsimiinnissanik piareersaaneq malitseqartitsinerlu.

• Ilaatigut allakkianik, aalajangiivigisassanngorlugit saqqummiussassanik, misissueqqissaarnernik sulianillu ingerlatsinissamut pilersaarutinik suliaqarneq pitsaassutsimillu qulakkeerineq,

• Politikkikkut aalajangiussanik piviusunngiortitsinermi tamatumunngalu atatillugu ingerlatani minnerusuni annertunerusunilu pilersaarusiornermi ingerlatsinermilu peqataaneq,

• Politikkinik malitseqartitsineq,

• Nammineerluni sulianik ingerlatsineq.

• Siunertalimmik suliakkiissutigineqartut assigiinngitsut

Naatsorsuutigaarput:

• Naapertuuttumik inuiaqatigiit pillugit ilisimatusarnermi kandidatiunissat,

• Ilusilersuinermik tamakkiisumillu isiginninnermik pikkoriffilik, aamma ulapaarfiup nalaani,

• ajornanngippat suliffeqarfimmit politikkikkut aqutamit ilaatigut Qitiusumik Allaffeqarfimmit imal. kommunimit misilittagaqarnissat,

• Oqaatsit allakkallu atorlugit attaveqatigiinnermi ingerlatitseqqiinermut ersarissunik piginnaaneqarnissat,

• Assigiinngitsunik ilinniagalinnik susassaqaqatinillu suleqateqarnermut pikkorissuunissat,

• Pitsaaliuinermut Isumaginninnermullu Aqutsisoqarfiup sulianik ingerlatsinerani nammineerlutit akisussaaffimmik tigusinissamut kajungerisaqarnissat,

• Ilinniakkat akimorlugit avatangiisini, ataasiakkaat ataatsimut isiginnilluni aaqqiissuteqarnissamut suleqataaffianni sulinermik kajungerisaqarnissat,

• Ataatsikkut arlalinnik pimoorussilluni piginnaaneqarlunilu suliaqarsinnaanermut annertuumik sapiissuseqarnissat,

• Iliuuseqarsinnaassuseqarlutit, ilumoortuullutit akisussaassuseqarlutillu sulianik naammassinnissinnaassuseqarnissat.

• Kalaallisut qallunaatullu oqalussinnaavutit, tuluillu oqaasiinik ulluinnarsiutaanerusut piginnaasaqarfigalugit. 

Ilinnut uku tunniussinnaavagut:

• Ilinniagaqassutsikkut avatangiisini nukittuuni pitsaaneruleriartuinnarnissamut ikioqatigiiffiusumi peqataasaatit,

• Ilinniagaqassutsinnik tatiginnittumik ineriartornissannillu pingaartitsisumik aqutsisoqassaatit,

• Ulapaarfimmissaaq pitsaasumik ataatsimoornissamik pingaartitsisunik pitsaasunik suleqateqassaatit,

• Persuarsiunngitsumik ataatsimooriaaseqarnermi peqataassaatit namminerlu sulinermi toqqammavissanut sunniuteqassallutit,

• Sulianut atuuffinnullu tunngatillugu naapertuuttumik piginnaasatigut inerisarneqassaatit.

Akissarsiat atorfininnermilu atugassarititaasut

Atorfik tassaavoq AC-Fuldmægtigitut atuuffiusussaq. Eqqortunik piginnaasalimmut naammattumillu misilittagalimmut Immikkut siunnersortitut atorfinitsitsisoqarsinnaassaaq.

Atorfininnerup nalaani Kalaallit Nunaanni Namminersorlutik Oqartussat kattuffiullu isumaqaatigiinniarsinnaatitaasup isumaqatigiissutaat atuuttoq naapertorlugu, atorfininnermi suliunnaarnermilu angalanermut pisattanillu angallassinermut atatillugu akiliunneqarnissamut pisinnaatitaaffeqarneq ilanngullugu, akissarsianut - atorfininnermullu atatillugu atugassarititaasut aalajangersagaapput.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Isumaginninnermik Aqqqutisoqarfik uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Isumaginninnermik aqutsisoqarfiup uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Isumaginninnermik Aqqqutisoqarfimmiit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Isumaginninnermik Aqqqutisoqarfik uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Isumaginninnermik aqutsisoqarfiup uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Isumaginninnermik Aqqqutisoqarfimmiit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Atorfiniffissaq

1. oktobari 2025 immikkulluunniit isumaqatigiissuteqarnikkut.

Qinnuteqaat

Qinnuteqarfissaq kingulleq tassaavoq 2. septembari 2025

Qinnuteqartunik oqaloqateqarneq tamatuma kinguininngua pisussatut naatsorsuutigineqarpoq.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Atorfik pillugu itinerusumik paasisaqarnerorusukkuit Aqutsisoqarfimmi pisortaagallartoq Helena Lynge Møller helm@nanoq.gl attavigisinnaavat.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk