Isumaginninnermut Aqutsisoqarfik Ulloq unnuarlu inissitsiterinermullu immikkoortortaqarfimmut allaffimmi pisortamik pissarsiorpoq

Isumaginninnermut Aqutsisoqarfik Meeqqanut, Inuusuttunut Ilaqutariinnullu Naalakkersuisoqarfiup ataani aqutsisoqarfiuvoq tallimanik makkuninnga immikkoortortalik: Pitsaaliuinermut immikkoortortaqarfik Paarisa, Ulloq Unnuarlu inissitsiterinermullu immikkoortortaqarfik, Sullissisunut Siunnersuisarfik, Aningaasaqarnermut immikkoortortaqarfik kiisalu Allattoqarfik. Immikkoortortat qanimut suleqatigiittarput aamma suliffeqarfiuvoq suliatigut unammillernartorpassuaqartartoq.

Ulloq unnuarlu inissitsiterinermullu immikkoortortaqarfik, meeqqanut inuusuttunullu paaqqinniffiit aqqanillit kiisalu innuttaasunut innarluutilinnut ulloq unnuarlu neqeroorutit arfineq-marluk ingerlatsiviginerinut akisussaasuuvoq. Ulloq unnuarlu inissitsiterinermullu immikkoortortaqarfiup suleqatigiinneq nukittorsartarpaa, forstanderit kommunillu ingerlaavartumik pisariaqartitanik qulaajaaneri misissueqqissaarnerilu tunngavigalugit ilinniartitseqqiinerit suliniutillu ataqatigiissaarineri pilersaarusiortarlugit.

Immikkoortortap Namminersorlutik Oqartussat ulloq unnuarlu paaqqinniffiutaanik aamma ulloq unnuarlu neqerooruteqarfiutaanik ingerlatsineq aamma pingaarnertut aqutsineq isumagisarai. Immikkoortortap Qitiusumik Innersuussisarnermik aaqqissuussaq ingerlataraa, aaqqissuussaq atorlugu ulloq unnuarlu paaqqinniffinnut aamma ulloq unnuarlu neqeroorutinut imminnut pigisunut, kommunit pigisaannut aamma Namminersorlutik Oqartussat pigisaannut innersuussisarlutik.Aamma immikkoortortaqarfiup ulloq unnuarlu paaqqinniffiit imminnut pigisut, Namminersorlutik Oqartussanit pigineqartut aamma kommuninit pigineqartut akuerineqartarnerat akisussaaffigai.

Immikkoortortamut ulloq unnuarlu suliassaqarfimmi suliniuteqarnerup inerisarneranut piginnaasatigullu qaffassaanermut siuttuusussamik allaffimmut pisortamik pissarsiorpugut. Allaffimmi pisortap immikkoortortap ingerlanneranut suliniutaanullu akisussaasuussaaq, immikkoortortamilu pisortaq qanimut suleqatigalugu immikkoortortamik aqutsissalluni. Allaffimmi pisortaq immikkoortortami sulisunut toqqaannartumik aqutsinikkut akisussaasuussaaq.

Naatsorsuutigaarput:

• Sulianut attuumassutilimmik ingerlaqqiffiusumillu ilinniarsimasuusutit, ajornanngippat perorsaasutut imaluunniit inunnik isumaginninnermut siunnersortitut ilinniaqqinnermik ilaqartumik

• Aqutsinermik misilittagaqartutit

• Isumaginninnermi suliassaqarfik aamma ulloq unnuarlu suliassaqarfik ilisimasaqarfigilluaritit, kiisalu inuiaqatigiinni isumaginninnermi suliatigut tamakkiisumik ilisimasaqarluartutit.

• Isumaginninnermut inatsisinik ilisimasaqartutit

• Inuttut eqeersimaartuusutit, tunniussimasuusutit ineriartortitsinermillu soqutigisaqartutit.

• Immikkoortortamut suliassaqarfiullu ingerlanneqarneranut kiisalu periusissiat akuerineqarsimasut atuuttunngortinnissaannut tapersersuinissamut ataavartumik aallussisussaavutit

• Inuiaqatigiit kalaallit kulturiallu ilisimasaqarluarfigaatit

Uagut neqeroorutigaavut:

• Ulloq unnuarlu paaqqutarinninnermik suliassaqarfimmi suliassat pissanganartut

• Immikkoortortami perorsaanikkut inunnillu isumaginninnermi suliassatigut sunniinissamut periarfissat

• Immikkoortortaqarfik ineriartoqisoq suleqataaffigilissavat

• Suleqatigiit tunniusimasut suliaminnut pikkorilluartut isumasioqatigisinnaasatillu suleqatigilissavatit

• Suliffeqarfik kiffaanngissuseqarfiusoq sulisullu iluarusullutik sulinissaannik pingaartitsisoq suliffigilissavat

• Atorfik suliatigut inuttullu ineriartornissamut periarfissagissaartitsisoq

Akissarsiat atorfeqartitaanermilu atugassarititaasut:

Atorfik akissaateqarfimmi LR 36-mi maanna inissisimavoq.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat annertunerusut

Atorfik pillugu paasisaqarnerujumaguit, aqutsiveqarfimmi pisortamut Tina Evaldsen-imut attaveqarnissamut tikilluaqqusaavutit, uunga tiev@nanoq.gl imaluunniit oqarasuaammut nr. 565509.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.