Isumaginninnermut Aqutsisoqarfimmi Ulloq unnuarlu inissitsiterinermullu immikkoortortaqarfik perorsaanermut siunnersortimik pissarsiorpoq

Kalaallit Nunaanni ulloq unnuarlu paaqqinniffiit neqeroorutillu perorsaanermi suliaqarneranni ineriartortitseqataallutillu nukittorsaarusuppit?

Isumaginninnermut Aqutsisoqarfik perorsaanermut siunnersortimik pissarsiorpoq, ulloq unnuarlu paaqqinniffinni neqeroorutinilu perorsaanermi iliuusissanik pilersaarutini, suliap qaffasissuunissaanik, ineriartortitsinissamik aammalu atuutilertitsinissamik qulakkeerinnissinnaasoq.

Isumaginninnermut Aqutsisoqarfik pillugu

Isumaginninnermut Aqutsisoqarfik Meeqqanut Inuusuttunut Ilaqutariinnullu Naalakkersuisoqarfimmi aqutsisoqarfiuvoq, tallimanik qanimut suleqatigiittunik immikkoortortalik. Namminersorlutik Oqartussanit pigineqartut ulloq unnuarlu neqeroorutit arfineq-marluk aamma ulloq unnuarlu paaqqinniffiit aqqanillit ingerlanneqarnerat ineriartortinneqarnerallu Ulloq Unnuarlu Inissitsiterinermullu immikkoortortaqarfiup isumagisarai. Saniatigut aamma immikkoortortaqarfiup ulloq unnuarlu paaqqinniffiit neqeroorutillu siunnersorlugillu ilitsersortarpai, perorsaanermilu qaffasissumik suleriuseqarnissaq qulakkeertarlugu.

Atorfik pillugu

Persorsaanermut siunnersortitut uku suliassarissavatit:

• Perorsaanikkut iliuusissanik anguniakkanillu ineriartortitsineq atuutsitsilernerlu

• Ulloq unnuarlu paaqqinniffinni neqeroorutinilu ulluinnarni perorsaanikkut sulinerup pitsaassusaanikqulakkeerinninnissaq

• Ulloq unnuarlu paaqqinniffiit akuerineqarnissaannut suliassat

• Ulloq unnuarlu paaqqinniffinni neqeroorutinilu perorsaanermik suliallit qanimu suleqatigalugit suliamullu tunngatillugu ineriartornissaannut ikorfartorlugit

• Ukiumoortumik pisortat ataatsimeersuarnissaannut pilersaarusiorneq ingerlatsinerlu

• Ingerlatsinermut atatillugu suliassat, saaffiginnissutit nalunaarusianillu suliarinninneq

• Pisortat suleqatigalugit projektinik nutaanik inaarsaarnissaanik qulakkeerinnineq.

Piginnaasatit:

Suleqammik pimoorussisumik ineriartortitserusuttumillu pissarsiorpugut, naatsorsuutigaarpullu:

• Perorsaasutut sammivilimmik ilinniarsimassaatit, ilinniakkamillu qaffasinnerusumik ilinniaqqissimanissat kissaatiginarpoq, piumasaqaataananili

• Allakkatigut ingerlatitseqqittarnermut piginnaasaqarluassuutit

• Suliaqarfiit akimorlugit suleqateqarnissat piginnaasaqarfigissavat, kiisalu kulturikkut oqaatsitigullu assigiinngisitaartuni suliaqarsinnaassallutit

• Aaqqiissutissanik ujartuisuussuutit, ineriartortitserusuttuussuutit aallarnisaanissannullu tunuarsimaartuussanngilatit

• Akisussaassutsimik tigusisinnaassuutit, suliallu ingerlanerani qaffasissumik pitsaassuseqarnissaanik qulakkeerinnissinnaassuutit

• Kalaallit Nunaanni ulloq unnuarlu suliassaqarfik pillugu aammattaaq kalaallit isumaginninnermut inatsisaanik ilisimasaqassuutit

• Qiimasuussuutit pitsaasumillu isummertariaaseqassallutit

Neqeroorutigaarput

• Suliffeqarfik eqeersimaartoq suliamullu tunngatillugu ineriartornissamut periarfissiisoq

• Kalaallit Nunaanni perorsaanermi suliaqarneq pillugu sunneeqataanissamut ineriartortitsinissamullu periarfissiineq

• Immikkoortortaqarfimmi suleqatit aammalu ulloq unnuarlu paaqqinniffiit neqeroorutillu pimoorussisut suleqatigilluarnissaat

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Isumaginninnermut aqutsisoqarfik uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Isumaginninnermut aqutsisoqarfik uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Ulloq atorfiniffissaq:

1. juni 2025 isumaqatigiissuteqarnikkulluunniit

Paasissutissat amerlanerusut:

Atorfik paasisaqarfiginerusukkukku allaffimmi pisortaq Sorlannguaq Mørch attaveqarfigisinnaavat – mail: somo@nanoq.gl. Oqa. : +299 34 64 30

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.