Isumaginninnermut, Suliffeqarnermut Nunamullu Namminermut Naalakkersuisoqarfik, Isumaginninnermut immikkoortortaqarfimmut AC-fuldmægtig-imik sulisussarsiorpoq.

Isumaginninnerup iluani politikki soqutigilluinnarpiuk aamma inersimasut atugarliornerusut atugaat pitsanngorsaavigerusullugit? Politikki soqutigaajuk, aamma politikkikkut aalajangiisarneq qanimut suleqataaffigerusuppiuk?

Akisussaaffimmik tigusinissaq nuannaraajuk, aamma ulluinnaat allanngorartut suliffiginissaat kissaatigaajuk? Taamaappat isumaginninnermut immikkoortortaqarfiup peqataaffigilernissaa periarfissanngorpoq.

Suliffik pillugu

Isumaginninnermut, Suliffeqarnermut Nunamullu Namminermut Naalakkersuisoqarfik, politikkikkut sullissinermik aamma inersimasunut tunngasut aaqqissuussamik ineriartortinnissaat, suliffeqarnermut tunngasut, nakkutilliineq og nunamut namminermut tunngasunut allaffissornikkut akisussaasuuvoq.

Naalakkersuisoqarfik siammasissumik suliassaqarpoq, sapinngisamillu immikkoortortaqarfiit akimorlugit suleqatigiiffiulluni. Naalakkersuisoqarfik suliassaqarfinni taaneqartuni aaqqissuussaasumik inatsisitigut ineriartortitsinissamut akissussaasuuvoq, kiisalu allaffissornikkut pingaarnertut inissisimalluni assersuutigalugu aningaasat tunniunneqartartut.

Allaffiup suliassai

Immikkoortortaqarfitsinnut AC-fuldmægtig-imik sulisussarsiorpugut, Naalakkersuisut inersimasunut isumaginninnikkut politikkia allaffissornikkut isumaginissaanut aamma ineriartortinnissaanut peqataasussamik. Atorfik ilinnut akisussaaffimmik tigusinerussaaq ineriartorfiussallunilu, tassa suliassarpassuaqaratta, ukiuni tulliuttuni amerlasuuni naammassineqartussanik. Suliassat siammasissut soqutiginartullu peqataaffiginissaat uagutsinni periarfissarivat. Immikkoortortaqarfik siammassusinik suliassaqarpoq, periusissianiit allaffissornikkut suliassanut.

Isumaginninnerup iluani inersimasunut tunngasut ulluinnarni allaffissornikkut ataqatigiissaakkamillu politikkikkut saqqummiussassanik ineriartortitsinissamullu akisussaavugut. Taakku saniatigut ulluinnarni aningaasat tunniunneqartartut allaffissornikkut akisussaaffigaagut, taakkununnga ilaallutik kommunini isumaginninnerup inatsisai pillugit pikkorissaasarnerit.

Atorfik pillugu

Isumaginninnermut immikkoortortaqarfimmi AC-fuldmægtig-itut immikkoortortaqarfiup sulinerani suliniutinillu siuariartortitsinermi pingaarutilimmik inissisimassaatit. Suleqatissarsiorpugut ineriartorusuttumik suliassallu suliarinissaanut akisussaarusuttumik. Atorfik misilittakkat annertusiartortillugit akisussaaffeqarnerulernissamik periarfissiivoq. Ilanngullugu mentorordning aqqutigalugu ineriartornissamut periarfissiivoq, taamaalillutit suliniutini suliassanilu kisimiissannginnavit

Suleqatigiit peqatigalugit Naalakkersuisoq sullitissavat, aamma suliniutit siammasissut suleqataaffigalugit. Taammaattumik ulluinnaat allanngorartut assigiinngitsunillu suliassallit peqataaffigilissavatit. Sillimaffigissavat piffissaq sivikitsoq atorlugu naammassisassanik suliassaqartassammat, aamma suliassat allanngoriartaartarsinnaaneri naatsorsuutigineqassaluni.

Immikkoortortaqarfik mikisunnguuvugut ataatsimoorluta kivitseqatigiittarluta aamma suliamut pikkorissuseq pingaartipparput kiisalu nuannersumik allanngorsinnaasumillu isiginnittaaseqarnissaq pingaartillutigu. Assigiinngitsunik ilinniagalimmik siammasissumillu suliassanik suliarinnissinnaasumik sulisussarsiorpugut, piumasarineqarsinnaalluni attaveqatiginnillaqqissumik, suliniutinik aqutserusuttumik imaluunniit misilittagalimmik aamma misissueqqissaarnissamut piginnaanilimmik.

Maannakkut inuiaqatigiinni utoqqaat suliniutigineqarfigineri initupput soorluttaaq angerlarsimaffeqanngitsunut suliniutit taamaattut.

Immikkoortortaqarfimmi pisortaq isumaqatigalugu suliassatit aaqqissorneqassapput. Maannakkut siunissamilu qaninnermi immikkoortortaqarfiup makku suliassaqarfigai:

• Isumaginninnermut, Suliffeqarnermut, Nunamut Namminermut Avatangiisinullu

Naalakkersuisoq politikkikkut sullinneqarnera.

• Utoqqaat pillugit periusissiap atortuulersinneqarnissaa

• Angerlarsimaffeqanngitsut pillugit periusissiami suliniutit atortuulersinnneqarnissaat

• Inatsisartut ataatsimiinnerini akissutinik oqaaseqaatinillu suliaqarneq

• Inatsisartunut kommunimilu qinersinernut piareersarneq suleqataanerlu

• Isumaginninnerup iluani inatsisit pillugit pikkorissaaneq atortuulersitsinerlu

• Isumaginninnikkut inatsisit nutaat pillugit kommuninut paasissutissanik suliaqarneq

• Allaffissornikkut suliassanik suliarinnittarneq

• Suliffimmi avataanilu attuumassuteqartunut ataqatigiissaarineq suleqateqarnerlu

• Suliassanik aalajangersimasunik suliaqarneq

Piginnaasassat:

• Attuumassuteqartumik ingerlariaqqiffiusumik ilinniagaqarneq

• Politikkikkut aqunneqartumik misillittagaqarneq iluaqutaassaaq, kisianni naammasserlaat 

piumassuseqartut qinnuteqarnissaannik aamma kaammattorpagut

• Suleqateqarluarsinnaasoq aamma akisussaaffimmik tiguserusuttoq

• Aaqqissuussamik suleriaasilik, pingaarnersiusinnaasoq aamma ulapaarfimmi ataatsimut isiginnissinnaasoq

• Suliassat suliarinissaanut allanngorarsinnaasoq pissutsinullu nutaanut piareersimasoq

• Allannermi oqaluttariarsornermilu pitsaasumik piginnaasalik

• Ilisimasaqarfiit assigiinngitsut ataqatigiissinnissaanut piginnaanilik

• Isumaginninnikkut susassaqarfinnilu allanngueqataanissamut piumassusilik

Neqeroorutigaarput:

• Politikkikkut aalajangiinissamut qanimut suleqataanissamut periarfissatsialak

• Suliffik ilumoorsaarfiunngitsoq attaveqarnissamut aqqut naatsoq suleqatillu piumassusillit

• Suliassat pissangartut allanngorartullu ulluinnarni unamminarsinnaasut

• Inuttut piginnaasatigullu ineriartornissamut periarfissalik

Qinnuteqaativit tigunissaa qilanaaraarput aamma Naalakkersuisuni Nunamullu Namminermut Immikkoortortaqarfimmi suliassat, suliffeqarfitsialammilu sulineq pillugu paasisaqarnerorusukkuit piareersimavugut.

Atorfik soqutigaajuk aamma atorfik pillugu paasisaqarnerorusullutit, taava immikkoortortaqarfimmi pisortaq Karen Kiær Jakobsen mail: kakj@nanoq.gl imaluunniit +299 345688 sianerlutit attavigisinnaavat.

Qinnuteqaatit ingerlaavartumik suliarineqassapput, kisianni kingusinnerpaamik Naalakkersuisoqarfimmiissaaq ulloq 18. juni 2025.

Atorfininnissaq ulloq 1.august imaluunniit isumaqatigiissuteqarnikkut

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk