Isumaginninnermut Sulisoqarnermut, Ilaqutariinnermut Nunamullu Namminermut Naalakkersuisoqarfik immikkoortortaqarfimmi pisortassarsiorpoq

Isumaginninnermut immikkoortortaqarfimmi immikkoortortamut pisortaq

Isumaginninnermut, Suliffeqarnermut, Ilaqutariinnut Nunamullu Namminermut Naalakkersuisoqarfiup Isumaginninnermut immikkoortortaqarfia immikkoortortamut pisortassarsiorpoq.
Isumaginninnermut, Suliffeqarnermut, Ilaqutariinnut Nunamullu Namminermut Naalakkersuisoqarfiup Isumaginninnermut immikkoortortaqarfia immikkoortortamut ulloq 1. juli 2026 isumaqatigiissuteqarnikkulluunniit atorfinittussamik  pisortassarsiorpoq.
Atorfik naalakkersuisoqarfimmi atugarissaarnermik suliaqarfinnik pingaartitsisunik akisussaaffeqarfeqarluni qitiusumik inissisimavoq, tassani suliat qaffasissumik pitsaassuseqarnissaat, naalakkersuinermik sulialinnik erseqqissumik kiffartuussinissaq, patajaatsumik ingerlatsineq aamma kommuninik pitsaasumik ataqatigiissaarineq aalajangiisuulluinnartuusarput.

Naalakkersuisoqarfik pillugu
Naalakkersuisut isumaginninnermut, suliffeqarnermut, ilaqutareeqarnermut nunamullu namminermut anguniagai aallaavigalugit Naalakkersuisoqarfiup immikkut ittumik pilersaarusiorneq, allaffissorneq aamma inerisaaneq suliarisarpai.
Naalakkersuisoqarfiup inatsisiliorneq, periusissiorneq, immikkoortortanut maleruagassiorneq, atuutilersitsineq, aningaasaqarneq, naalakkersuinermik sulialinnik kiffartuussineq aamma Namminersorlutik Oqartussat, kommunit suleqatigisartakkallu allat sulinerinik ataqatigiissaarineq suliarisarpai.

Isumaginninnermut immikkoortortaq pillugu
Isumaginninnermut immikkoortortap naalakkersuisoqarfiup isumaginninnermut ilaqutariinnermullu suliassai suliarisarpai, pingaartumik makkua:

• Inersimasut inooqataanermi ajornartorsiortut

• utoqqarnut suliassaqarfik

• inatsisitigut ilaqutariinnermut tunngasut, matumani meeravissiartaarneq, meeqqat inatsisitigut inissisimaffii, katisimalluni aappariinneq, nalunaarsugaasumik inooqatigiinneq, angajoqqaatut akisussaaffik, kingornussisussaatitaaneq aamma  kingornussassanik aalajangersaasarneq ilanngullugit

• naartunermi, meerartaarnermi meeravissiartaanermilu sulinngiffeqarneq, matumani erninersiutit aamma erninermut aningaasaateqarfik ilanngullugit

• Nunani avannarlerni pensionit

• inersimasut pillugit isumaginninnikkut suliaqarfimmi inatsisinik suliaqarneq, siunnersuineq aamma aqqutissiuussineq kiisalu inatsisit naapertorlugit ilaqutariit pillugit suliaqarfimmi suliaqarneq

• immikkoortortap akisussaaffiisa iluini periusissiornerit, aaqqissuusseqqinnerit aamma naalakkersuinermik suliallit suliniutaannik suliaqarnerit

• isumaginninneq pillugu inatsisip maleruagassallu tassunga attuumassuteqartut kommuninik suleqateqarluni atuutilersinneqarneri

Immikkoortortaqarfik naalakkersuinermik suliallit aalajangigaasa inatsisinngortinnissaannut, ilitsersuusiorfiginissaannut, allaffissornikkut periusissiorfiginissaannut aamma innuttaasunut aalajangersimasumik pitsanngorsaaffiginissaannut qitiulluni inissisimavoq.

Atorfik pillugu
Immikkoortortami pisortatut Isumaginninnermut immikkoortortap aqutsisutut ulluinnarni akisussaaffigissavat. Atorfik naalakkersuisoqarfimmi pisortamut toqqaannartumik attuumassuteqarpoq aamma naalakkersuisoqarfiup tamarmiusup pisortaannik aqutsinermut ilaavoq.
Immikkoortortaqarfiup qaffasissumik suliatigut inissisimalluni sulinissaa, ileqqorissaarfiusumik aqutsiviunissaa, erseqqissumik pingaarnersiuisarnissaa piffissarlu eqqorlugu sulianik tunniussisoqartarnissaa illit qulakkeertassavatit. Atorfik aqutsisutut erseqqissuunissamik, inatsisinik allaffissornermillu paasinnittaaseqarnissamik kiisalu  suliani naalakkersuinermik suliallit suliasaanni Naalakkersuisumik kiffartuussisinnaaneq, aningaasaqarnerup inuiaqatigiillu pingaaruteqassusaannik paasinnissimanissamik piumasaqaatitaqarpoq.
Isumaginninnermut immikkoortortaqarfiup suliai siammasissorujussuupput; naalakkersuinermik suliallit isumaginninnermik suliaqarfinnik aaqqissuusseqqinnerinit, utoqqarnik suliaqarfimmit aamma inersimasut inooqataanermik ajornartorsiortut pillugit suliniarnernit, inatsisitigut ilaqutariinnermik suliat paasiuminaatsunut, ikiorsiissutinut attuumassutilinnut aamma inatsisinik suliaqarnermut. Taamaattumik atorfik pisortamik anguniakkanik, pitsaassusilinnik pilersitsisinnaasumik aamma suliaqarfiit assigiinngitsut suliat, inatsisit, aningaasaqarneq aamma naalakkersuinermik suliallit eqqarsaatigalugit siuariartortitsilluni anguniagalimmik piumasaqaateqarpoq.
Makkua ilaatigut akisussaaffigissavatit:

• immikkoortortaqarfiup sulisuinik aqutsineq ineriartortitsinerlu

• inatsisiliornerup, periusissiornerup ikiorsiissutinik suliaqarnerup aamma naalakkersuinermik suliallit suliannik siuariartornerinik qulakkeerinninneq

• isummerfissiat pitsaassusaannik qulakkeerinninneq, allakkiat, akissuteqaatit allanneri, tusarniaassutit akissutaat aamma aalajangiiffissatut tunngaviit pitsaassusaannik qulakkeerinninneq

• immikkoortortaqarfiup akisussaaffiisa iluiniittut pillugit naalakkersuisoqarfimmi pisortamik aamma Naalakkersuisumik siunnersuineq

• isumaginninnermut inatsit, ilaqutariinnermut inatsisit, ernineq/ erninermut atatillugu sulinngiffeqarnermut inatsit maleruagassallu taakkununnga atasut suliarineqarneri aamma pitsaassusaasa qulakkeerneqarneri

• immikkoortortaqarfiit naalakkersuisoqarfiillu allat, kommunit avataani suleqatigisartakkat ataqatigiissaarneqarnerinik qulakkeerinninneq

• kommuninik suleqateqarluni inatsisit aamma naalakkersuinermik suliallit aalajangernerisa atuutilersinneqarnerini tapersersuineq

• immikkoortortaqarfiup sulinerata kingunerisaanik aningaasaqarnermik, inatsisinik allaffissornermillu malinnaaneq

• immikkoortortaqarfiup sulianik suliarinninnerini erseqqissumik suleriaaseqarnermik, pingaarnersiuinermik uppernarsaasersuisinnaanermillu qulakkeerinninneq

Illit ilisarnaatitit
Immikkoortortami pisortassarsiorpugut aqutsinermik, oqartussat paasineqarnerinik aamma naalakkersuinermik suliallit allaffissortullu paasinnissinnaanerinik ataqatigiisitsisinnaasumik.
Attuumassutilimmik ilinniagaqassaatit, soorlu inatsisilerineq, inuiaqatigiinni ilisimatusarneq, pisortat aqutsinerinik, isumaginninnermik allatulluunniit attuumassutilimmik ilinniagaqartuuvutit.
Inatsisinik aqutsinermillu paasinnissimaneq pingaartinneqarumaarput, tassami immikkoortortaqarfik inatsisinik suliaqartartuummat aamma maleruagassat inatsisinik arlalinnik pingaaruteqartunik allaffissornermik aningaasatigullu kinguneqartunik tunngavillit suliarisarisarmagit.
Suliaqarfinni tulliuttuni arlalinni illit misilittagaqarnissat pingaaruteqarpoq:

• sulisunik imaluunniit ilinniagaq aallaavigalugu eqimattaqatigiinnik aqutsineq

• pisortat aqutsinerat aamma naalakkersuinermik sulialimmik kiffartuussineq

• inatsisiliorneq, maleruagassanik atuutilersitsineq aamma inatsisit pitsaassusaannik qulakkeerinninneq

• sulianik aqutsineq, pingaarnersiuineq aamma pitsaassutsimik qulakkeerinninneq

• isumaginninnermik suliaqarfik, utoqqarnik suliaqarfik, inersimasut inooqataanermi ajornartorsiortut imaluunniit ikiorsiissutit pillugit suliaqarfik

• inatsisitigut ilaqutariinneq, ernineq/ erninermut atasumik sulinngiffeqarneq imaluunniit inuiaqatigiit pillugit inatsisitigut suliaqarfii

• kommuninik, naalagaaffimmi oqartussanik imaluunniit pisortat oqartussaqarfiinik allanik suleqateqarneq

• aningaasaqarnermik allaffissornermillu aqutsinerit

• isummerfissatut tunngavissanik suliaqarneq, periusissiorneq, tusarniaanermi akissutinik aamma naalakkersuinermik suliallit suliassaannik suliaqarneq

Suliffeqarfimmi naalakkersuinermik suliallit aqutaanni sulinermik misilittagaqaruit iluaqutaassaaq aamma suliat pillugit siunnersuinerup, naalakkersuinermik suliallit aalajangigaasa piviusumillu atuutilersitsinerup imminnut ataqatigiinnerinik paasisimasaqaruit iluaqutaassalluni.

Aqutsisutut suliassaq
immikkoortortaqarfik sulianik paasiuminaassinnaasunik suliaqarfiusoq aamma qaffasissumik pitsaassuseqarnissamik piumasaqaatitaqarfiusoq eqqissisimasumik, anguniagalimmik siuariartornermillu suliffiusussaq pilersissinnaasariaqassavatit.
Illit makkunannga piginnaasaqarnissat pingaartipparput:

• aqutsininni pingaarnersiuininnilu erseqqissuunerit

• naalakkersuinermik suliallit anguniagaasa allaffissornikkut suleriaatsit piviusorsiortumik atuutilersisinnaassavatit

• suliat paasiuminaalligaangata pitsaassutsip siuariartornerullu attanneqarsinnaanerinik anguniagaqarneq

• suliat aallaavigalugit erseqqissumik siunnersuisinnaaneq, aamma oqaatiginiagaq ajornakuusaluarpat

• suliffeqarfimmi tunniussimalluni suleqateqarsinnaaneq aamma sulisutut sulisinnaaneq

• immikkoortortaqarfimmi aaqqissuussaasumik, akisussaaffeqartumik ataatsimoorullugulu anguniagaqarnermik pilersitsisinnaaneq

• qaffasissusilimmik tutsuiginassuseqarneq aamma inatsisinik, suliamik tunngaveqarnermik uppernarsaasersuinermillu ataqqinninneq

Oqaatsit aamma inuiaqatigiinnik paasinnissinnaassuseqarneq
Kalaallisut danskisullu allassinnaanerit oqalussinnaanerillu iluaqutaassapput, piumasaqaataanngillalli. Kalaallit kulturiannik, inuiaqatigiinni pissutsinik aamma Kalaallit Nunaanni pisortat aqutsinerinik ilisimasaqarneq pingaartinneqarumaarput.
Nunat avannarliit nunallu tamalaat suleqatigisarneri eqqarsaatigalugit tuluttoorsinnaaneq iluaqutaasinnaavoq.

Neqeroorutigaavut
Kalaallit Nunaanni Namminersorlutik Oqartussani pisortatut atorfik qitiusoq atugarissaarnermik suliaqarfiit malunnaatilimmik inerisarnissaanik periarfissalik neqeroorutigaarput.
Naalakkersuisoqarfimmi innuttaasunut, kommuninut aamma isumaginnittoqarfimmut ilaqutariillu pillugit inatsisitigut suliaqarfimmi naalakkersuinermik suliallit inerisaanerinik toqqaannartumik pingaarutilinnik suliaqarfiusumi peqataalissaatit. Atorfik suliat eqqarsaatigalugit siammasissorujussuarnik suliassartalik, aqutsisutut qaffasissumik pingaarutilik naalakkersuisoqarfimmi pisortaq, Naalakkersuisoq naalakkersuisoqarfimmilu pisortat allat qanimut suleqatigalugit atorfigilissavat.

Paasissutissat allat
Atorfik pillugu paasissutissat sukumiinerusut Naalakkersuisoqarfimmi pisortamut Mikael Mansi Rasmussen-imut saaffiginnilluni pissarsiarineqarsinnaapput, oqarasuaammut. 34 69 08 maili: mimr@nanoq.gl

Qinnuteqarnissamut killigititaq: 24. juni 2026.

Akissarsiat atorfeqartitaanermilu atugassarititaasut:
Atorfik akissaateqarfimmi LR 38-mi  maanna inissisimavoq. Akissarsiat aalajangersimasumik agguartorneqarsimapput LR 38 aallaavigalugu 1. april 2026-miit qaammammut Kr. 64.048 ukiumullu Kr. 768.576. 

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.