IT aammalu Digitalisering-imut konsulent-mik imaluunnit kontorfuldmægtig-mik pissarsiorpoq

Kommuneqarfik Sermersuumi IT-mi immikkoortortamut allaffimmiumik aaqqissuussaasumik sulisinnaasumik sullisserusuttumillu suleqatissarsiorpugut, taanna IT-mut pisortamut tapertatut qitiusumik atuuffeqassaaq aamma immikkoortortamik ineriartortumik pilersitsinermut tapersissaaq, ulloq 01.06.2026 siusinnerusukkulluunniit atorfinilluni.

Atorfik ilinnut akisussaaffeqarluni nalerisimasinnaasumut ulluinnarnilu upalaarfiusuni tamakkiisumik isiginnittaaseqartumut, suliniutinik pilersitsinermi taakkualu naammassineqarnerannik malittarinninnermik taamatullu allaffissornermik sinaakkutissanik pitsaasunik pilersitseqataanissamut kajumissuseqartumut soqutiginaateqarpoq. Sulisoq siunnersortitut imaluunniit AC-fuldmægtigitut atorfinitsinneqarsinnaavoq.

Atorfik ulloq naallugu suliffiuvoq, qarasaasialerinermi pisortap ataaniippoq.

Atorfiup imarai:

Illit ulluinnatit allaffissornermik, ataqatigiissaarinermik aamma IT-mik suliassaqarfiup iluani malitseqartitsinermik akuleriissunik imaqassapput. Suliassat ilaatigut makkuusinnaapput:

·IT-mut pisortamut allaffissornikkut tapertaaneq

·IT-mik suliassaqarfiup iluani isumaqatigiissutit isumaqatigiissusiornerillu ataqatigiissarnerat

·Tunniussanik malitseqartitsineq aamma sullissinerit isumaqatigiissutaasut tiguneqarnerannik qulakkeerineq

·IT-mik atortut isumaqatigiissutit atuuttut naapertorlugit qulaajarnerat suunerannillu ilisimasaqarneq

·Akiligassanik passussineq aningaasaqarnerullu malitseqartinneqarneranut tapersiineq

·Allaffissornermi aaqqissuussanik aserfallatsaaliuineq suliffiullu iluani ilisimatitsineq

·Avataani suleqatigisanik pisiniartarfinnullu attaveqarneq oqaloqateqarnerlu

·Ingerlatsinermut ineriartortitsinermullu suliassanut atasumik allaffimmi suliassat assigiinngitsut

Qinnuteqartunit naatsorsuutigisat:

Illit periaatsitit suleqatiginnissinnaassutsillu ilinniagaqarnikkut tunuliaqutannit annermik pingaartippagut. Saniatigut makku pingaartippavut:

·Aaqqissuussaasumik suleriaaseqarneq immikkuualuttunullu eqqummaarissuuneq

·Torersuunermik tamakkiisumillu isiginnittaaseqarnermik pilersitsinermik nalerisimaffeqarneq

·Sullissiumatuneq aamma suleqatigiinnermik periuseqarneq

·Oqalunnikkut allattariarsornikkullu paasinartumik paatsuugassaanngitsumillu attaveqarsinnaaneq

·Suleqatigiinnermut aamma attaveqaqatigiinnermut pitsaasumik piginnaasaqarneq

·Aaqqiissutissanik nassaarniallaqqissuuneq aamma eqqissisimasinnaaneq tamakkiisumillu isiginnittaaseqarneq - aamma ulapaarfinni

·Suliffeqarfimmit politikkikkut aqunneqartumit imaluunniit pisortat suliffeqarfiutaannit misilittagaqarneq, piumasaqaataanngilarli

Ilanngullugit pingaartipparput, illit:

·Aalajaatsuusutit, pitsaassutsimik ilisimasaqarluartuusutit immikkuualuttunillu maluginiaasinnaasutit

·Ataatsimoortumik takunnissinnaanerit annaanagu arlalinnik ataatsikkut suliaqarsinnaanerit

·Allattariarsornikkut oqaluttariarsornikkullu ersarissumik paatsuugassaanngitsumillu attaveqarsinnaavutit

·Nammineersinnaassuseqarputit, akisussaaffeqarlutit sullisserusussuseqarlutillu sulisinnaavutit

·Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allannguisinnaassuseqartutit

·Ulloq ulapaarfiugaluarpalluunniit ukkatarinnilluarsinnaavutit ataqatigiissitsilluarsinnaallutillu

·Suliassanik naammassinninniarnitsinni ingerlaavartumik ineriartortitsinermut pitsanngorsaanermullu suleqataasinnaavutit

·Arlalissuarnik suleqateqallaqqipputit

·Oqaatsinik arlariinnik atuisinnaavutit. Marluinnik kalaallisut/danskisullu oqaaseqarputit iluaqutaassaqaaq piumasaqaataanngilarli

Neqeroorutigivagut:

Suliffik unammilligassaqarfiusoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartipparput patajaatsumik suliassanut suliffimmullu pulatikkiartortinneqarneq, pimoorupparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartinneqarnerat.

Taakkua saniatigut neqeroorutigaavut:

·Immikkoortortaqarfimmi pilersikkiartuaarneqartumi qitiusumik atuuffeqarneq.

·Allaffissornermik suleriaatsit issusissaannut sunniuteqarsinnaaneq

·IT-mut pisortamik suleqatinillu allanik qanimut suleqateqarneq

·Ulluinnaat assigiinngisitaartut akisussaaffimmik ineriartornissamullu periarfissallit

·Suliffimmi avatangiisit suleqatigiiffiusut tatigeqatigiiffiusullu

·Suliniutinik aqutsinermik, systeminut imaluunniit pikkorissarnerni naleqquttuni allani uppernarsaatitaarnissamut periarfissat

·Sulianut inuttullu inerikkiartornermut periarfissat

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

IT-mi pisortaq Jóhan H. Dam-Davidsen, oqarasuaat +299 52 91 02 imaluunniit e-mail: jdda@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 401-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: maajip 7.-at, 2026