It-arkitekt søges til Det Grønlandske Sundhedsvæsen

Kalaallit Nunaanni Peqqinnissaqarfimmut qarasaasialerinermi ilusilersuisartutut atorfik inuttassarsiorneqarpoq

Kujataani Kalaallit Peqqissartut Illuannit avannaani Qaanaami Peqqissaavimmut assut ataatsimut isiginnissinnaasumik qarasaasialerinermi ilusilersuisartoq inuttassarsiorparput.

Inissisimaffigisat

Kalaallit Nunaanni tamarmi Danmarkimilu peqqinnissaqarfimmi suleqatit 1.600-it pikkorillutillu ilungersuuteqarlutik sulisuusut ulluni ulappaarfiusuni qarasaasialerinermi aaqqiissutitik pinngitsoorsinnaanngilaat.

Illit inissisimaffiit tassaassaaq:

• Maannakkut siunissamilu qarasaasialerinermi toqqammavissamik eqqortumik peqarnissatsinnik qulakkeerineq
• Aaqqiissutit tamaaneereersut akornanni sunniivigeqatigiinnermik arajutsisaqarani nakkutiginnittuuneq
• Aaqqiissutinik nutaanik eqqussaqarlunilu ilanngussaqarnermi ikiuineq, aamma taakku ilorraap tungaanut ilalersuiunnaarnerini aaqqiissutit pisoqqat atorunnaarsittarneri.

Qarasaasialerinermi ilusilersuisartutut ullut suliffiit assigiinngiiaartorpassuarnik suliassartallit pissarsiarissavatit, aammalu IT & Digitaalinngorsaanermi suleqatinnik oqaloqateqarlutillu ikiuisassaatit, ilanngullugit nakorsiartitsisarfinniittut, medicoteknikkimiittut, teknikkimut immikkoortoqarfimmiittut, suliffiup avataanit teknikerit siunnersuisartullu. Qarasaasiatigut attavinnik serverinillu ingerlatsinerit allanut suliassanngortitaapput, taamaattumillu ingerlatsinermik suleqatigisanik qanimut suleqateqartoqassaaq.

Taamaattumik inissisimaffigisat aamma tassaassaaq oqaloqatiginnittuarnerni, aamma suliniutinut nutaanut atatillugu, imaluunniit aaqqiissutinik tamaaneereersunik allanngortitsinerni attuumassutilittut soqutigisaqaqatigiit (suliffiup iluaniittut avataaniittullu) ilanngussarinerisa qularnaarnissaat.

Aaqqiissutini isumagisassaqarfivit ilamininngui:

• Nakorsiartitsinermi aaqqiissutit: Cambio Cosmic, BCC Lab, Sectra, Apovision, Topcon, Auditbase allarpassuillu.
• Microsoft 365: Officemi katersat, cloudimiittut (F3) aamma sumiiffikkaani kiffartuussat (E3), kiisalu filserverit, SharePoint aamma Teams.
• Qarasaasiatigut attaviit: Cisco’mit atortunik tunngavilittut kabelitaqarlunilu kabelitaqanngitsutut attaveqarfik, kiisalu sumiiffinni ingerlatsivitta ungasissutut inissisimasorpassuaatitta akornanni MPLS.
• Qarasaasianik piareersaallunilu aserfallatsaaliuinerit: EasyInstall aamma WSUS.
• Uppernarsaasarnerit, pilersaarusiornerit ilanngussuinerillu: Confluence, Zendesk, ID Connect aamma Trello.

Aaqqiissutit ilaat tunuliaqutitut servereqarput, allat cloudikkut iluarsiissutinik atuillutik. Aammattaaq isumannaallisaanermut tunngasutut, imaluunniit teknikkimik patsisilittut sumiiffinni kiffartuussanik ingerlatsinernut ilassutitut terminalserverit atorneqartarput.

Suliniutit anginerusut

ID Connectimik ikiorteqarluta atuisartunik aqutsisarneq imminik ingerlasartunngortilerparput, aaqqiissutinullu attuumassuteqartutut atuisartut pisinnaatitaaffigisinnaasaat amerlasuut eqqortumik uppernarsaateqarnerinik illit qulakkeerinneqataassaatit, kiisalu sapinngisamik siamasinnerpaamik tunniussaqarnerit nalunaarsorlugillu imminik ingerlatittalissavatit.

2026-mi qarasaasialerinermik ingerlatsineq neqerooruteqartitsissutaassaaq, pilersuisartumillu nutaamik tassannga suleqatigiinnissamut toqqammavissanik aalajangersaanermi pingaarutilittut inissisimaffeqassaatit, aammalu pilersuisartumit pisoqqamit nutaamut tunniussaqarneq ajoquteqartinnagu pissanera qularnaassavat.

2027/2028-mi serverinut toqqammavigisarput nutarterneqassaaq, illillu pisariaqartitatsinnik pissutilinnik, aammalu immikkut ittutut nunatsinni pissutsinik pissutilinnik iluarsiissutinik pitsaanerpaanik nassaarnissamut pisariaqartitsinerup nalunaarsornissaanut pinngitsuugassaanngitsutut inissisimaffeqassaatit, aammalu nuussineq toqqissisimanarlunilu isumannaatsumik iluseqarnissaa qulakkiissavat.

Nunami sumiiffitsinni 70+-iusut killeqarfigisaat qaangerlugit sapinngisamik annertunerpaamik tamanik takunnissinnaanissaq allanngujuissuserlu qularnaarniarlugit internettikkut attaveqaasersuutitsinnik nutarsaanissami ingerlanneqartuartutut suliassaq aamma inissisimavoq.

Illit tunngavigisat

Ilimanarpoq teknikkip tungaatigut tunngaveqarnissat, misilittagatsialammik ilalikkatut sivikinnerusumik ilinniarnerugaluartoq, imaluunniit nangitsilluni ilinniagaqarsimaneq annikinnerusumik pingaaruteqarpoq. Pingaarnersaq tassaavoq ataatsimut isiginniffimmik attassisinnaanerit, suliassamillu imminut najoqqutassaqartitsillutit isumaginnissinnaanerit.

Nammineq suliassannik suliniutaasuni aqutsisinnaanissat naatsorsuutigaarput, tassami tamakku tamarmik oqinnerusumik nuannernerusumillu, aammalu sukkanerusumik pisarput, tassalu iluarsiissutini pitsaanerpaarpaap inissinniarnerani illit nammineq pilersuisartunik suleqatinillu oqaloqateqarsinnaasassagavit.

Qarasaasianik pilersuisartunik attaveqaqatigiinnerit sianigalugit illit minnerpaatut allattariatigut oqaluttariatigullu danskit tuluillu oqaasii piginnaaneqarfigissavatit. Kalaallit/danskit oqaasiinik marlunnik atuisinnaassaguit assut iluaqutaassaaq, piumasaqaataanngilarli.

Uppernarsarneqarsinnaasutut eqqortunik piginnaasaqartumut qinnuteqartumut isumaqatigiissut atuuttoq najoqqutaralugu immikkut ittumik siunnersortitut atorfinitsitaaneq pisinnaavoq.

Qinnuteqaat

Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.

Sulilerfissaq: Ull.1. januar 2026

Qinnuteqarfissaq kingulleq: Ull.2. november 2025

Qinnuteqartunik oqaloqateqarnerit ataavartumik ingerlanneqassapput 

Attavissaq/at: Atorfik/iit pillugu/it paasissutissat: Qarasaasialeriffiup pisortaatigut André Just Vedgrenikkut pissarsiarineqarsinnaapput, ukunatigut: oq. (+299) 58 54 28 imaluunniit e-mail: ADRE@PEQQIK.GL

Ineqarneq

Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.

Innuttaassuseq

Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.

Akissarsiat atorfininnermilu atugassarititaasut

Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut

pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq

Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.

Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.

Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit. 

Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen

Kalaallit Nunaanni Peqqinnissaqarfik suliffittut pujortarfiunngilaq.

Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.

Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.

Atorfik una qinnuteqarfigiuk