IT Attaveqaasersuinermi teknikeri

Digitalikkut attaveqatigiinnerup ineriartortinnissaanut peqataarusuppit?

Tusassimi IP-netværkip ilusilersornissaanut aserfallatsaaliornissaanullu ilusilersueqataagit!

Immikkoortortaqarfimmi Enterprise Infrastructure Servicemi sulisut arfiniliupput ataatsimillu aqutsisoqarluni, Tusass tamakkerlugu sulisut 350-it missaanniipput, taakkunani amerlanerusut Nuummiipput.

Attaveqaasersuinermik suliaqarfik Tusassimut pingaaruteqarluinnartuuvoq, taannalu ineriartortuaannarpoq Tusassillu sullississutaanut tamanut tunngaviulluni. Taamaammat suleqatitaassarput Tusassip attaveqaataanut suliffeqarfinnullu sullitatsinnut WAN-imut LAN-imullu tunngatillugu ingerlatsinermi ikiuisarnermilu suliassanut ilisimasaqassaaq.

Atorfik Nuummi qullersaqarfimmiittumi inissisimavoq.

Atorfik pillugu

IT-p aamma Attaveqaasersuinerup iluani ingerlatsinermi suliassaniit suliniutinut annertuunut suliarissavatit, soorlu assersuutigalugu:

• Ilusilersuinermiit tunniussinermut suliniutinut peqataaneq, takussutissanik suliarinninneq aaqqiissutinillu atortussanngortitsinerit
• Aaqqitassanik qinaasisinnaaneq, attaveqarfinnik sullissinermilu pitsanngorsaaneq ineriartortitsinerlu
• Attaveqarfinnik nakkutiginninnermi aserfallatsaaliuineq aaqqissuussinerlu
• NGFW-mik immikkoortiterinermi aserfallatsaaliuinermilu attaveqarfinnik qularnaarinninneq
• Systeminik pilersitsinermi systemillu akornanni katiterinermi sakkussanik/kodenik ineriartortitsineq aserfallatsaaliuinerlu.

Illit pillutit

IT-lerinermi attaveqaasersuinermi suliassanik suliaqarneq misilittagaqarfigivat, kiisalu datacenterimi aaqqiissutinik immikkuullarissunik ilusilersuinermik misilittagaqaruit iluaqutaassaaq.

Naatsorsuutigaarput:

• IT-p iluani ilisimasaqarputit, ajornanngippat CCNA, CCNP, MCSA-mi assigisaanilluunniit allagartaqarputit
• Attaveqaasersuinermik suliaqarfimmi misilittagaqarputit aamma IT-mi attaveqaasersuutit isumannaatsuunerlu pillugit ilisimasaqarputit
• Tuluttoorsinnaasutit ajornanngippallu kalaallisoorsinnaasutit aamma/imaluunniit qallunaatoorsinnaasutit.

Illit suleqatissatillu qaffasissumik naatsorsuutigineqarassi IT-mut tunngatillugu attaveqaasersuinermi ilisimasalittut ulaperujussuarfinni sulisinnaassuseqassaatit. Taamaammat suleqatigiinni ingerlatseqatigiiffillu tamakkerlugu suleqatikkuminartuunissat pingaaruteqarluinnassaaq.

Neqeroorutigaavut

Suliffimmi persuarsiorfiunngitsumi sulisutut inuttullu ineriartornissamut periarfissaqarluarputit.

 Atorfimmik ineriartortitsinissamut aalajangeqataanissamullu periarfissarissaartoq. 

Piginnaasat naapertorlugit akissarsiaqartitsisoqassaaq.

Soqutiginnippit?

Linki talerpiata tungaaniittoq toorlugu qinnuteqaat CV-lu nassiutikkit.

Qinnuteqaatinik e-mailikkut tigusaqarneq ajorpugut

Oqaloqatiginninnerit ingerlaavartumik ingerlanneqarumaarput, taamaammat qinnuteqaatit sapinngisamik piaartumik nassiutiguk.

Piukkunnartumik nassaarutta atorfik piaartumik inuttalerneqarumaarpoq.

Tusassip qinnuteqaatit takkuttut tulleriaallugit suliarisassavai oqaloqatiginninnerillu ingerlaavartumik ingerlanneqassapput.

Atorfik pillugu paasisaqarnerorusukkuit Immikkoortortaqarfimmi pisortap Flemming Helmer Petersenip oqarasuaammut +299 38 92 08-mut attaviginissaanut tikilluaqqusaavutit.

Tusarfiginissat qilanaaraarput.