IT-mut Digitaliseringimullu pisortaq

Kommuneqarfik Sermersooq IT-mut Digitaliseringimullu pisortassarsiorpoq, ineriartortitsinermut sammiviliinissamut peqataasussamik. Atorfik kommunip IT-p ingerlanneqarnerata patajaatsuunissaanut, pilersuisunik aqutsinerup nukittorsarnissaanut kiisalu digitaliseringip aaqqissuussaanerusumik kommunimi tamarmi ingerlanneqarnissaanut qitiusumik inissisimavoq.

Pisortatut kommunip IT-mut digitaliseringimullu immikkoortuata ineriartortinneqarnera sunniuteqarfingalugulu ilusilersueqataaffigissavat. Immikkoortumi sulisut, suliassaqarfiit, innuttaasut suliffeqarfiillu eqqarsaatigalugit pingaaruteqartumi ersarissunik sinaakkusiisoqassaaq, ataqatigiinneq nukittorsarneqassaaq ataatsimoorussamillu sammiviliisoqassalluni.

IT digitaliseringilu ataatsimut aqutsinermi akisussaaffigissavatit, tassunga ilanngullugit supportimut digitaliseringimullu immikkoortortaqarfinni aqutsisut aqutsiviginissaat kiisalu immikkoortumut ca. 70 mio. kr.-inik missingersuutinut akisussaaneq. Suliassaq tassaavoq sammiviliinissaq, ataqatigiissumik takussutissanik pilersitsinissaq kiisalu aaqqissuussaanermik ersarissumik qulakkeerinninnissaq. Peqatigitillugu aqutsinermi kulturi ineriartortissavat, tassani tatigeqatigiinneq, akisussaassuseqarneq, naatsorsuutigineqartut ersarissut aamma aaqqissuussamik malitseqartitsineq qitiutillugit.

Kommuni ukiumi nutaami 1st level supportimik nammineq ingerlatsilissaaq, ingerlatsinerli, infrastrukturi, systemit aamma immikkut ilisimasalinnit sullississutit ilarpassui suli avataaniit pilersuisunit isumagineqassallutik. 1st level supportip nammineq tingunissaanut suliassaavoq pingaaruteqarpoq. Supportimut immikkoortortaqarfimmi aqutsisoq peqatigalugu suleriaatsit pitsaasut, allakkatigut takussutissat, sullissinermi kulturi kiisalu atuisunut qanittumik ataatsimoortumik supportfunktioni ineriartortinneqassapput.

Digitaliseringimut immikkoortoq akisussaaffinnik suleriaatsinillu ersarissunik ineriartortinneqassaaq. Aqutsinermi aaqqissuussineq, ataatsimoorussamik tunngaviit, pingaarnersiuinermi periaatsit malittarisassallu pilersinneranni qitiusumik inissisimassaatit, digitalisering suliassaqarfinnut tunngaveqarluni systeminik piginnittut, sulisut avataaniillu pilersuisut peqatigalugit aaqqissuussamik ingerlanneqarsinnaaqqullugu.

Suliassatit pingaarnerit tassaassapput:

∙IT-p ingerlanneqarneranut, supportimut, pilersuisunik aqutsinermut digitaliseringimullu strategiskimik sammiviliinissaq

∙Immikkoortortaqarfinni aqutsisut aqutsiviginissaat tapersersornissaallu, immikkoortoq ataqatigiissumik ersarissunillu pingaarnersiortinnissaa

∙Pilersuisunik aqutsineq, isumaqatigiissutinik malitseqartitsineq, akiligassiissutinik nakkutilliineq aningaasaqarnermullu aqutsineq nukittorsassallugit

∙Digitaliseringimut suliniutinik aaqqissuussineq, siuariartorneq malitseqartitsinerlu qulakkiissallugit, suliassaqarfiit, sulisut avataaniillu pilersuisut peqatigalugit

∙Paasissutissanik isumannaallisaanermi, aarlerinaatinik aqutsinermi upalungaarsimanermilu suliassat nukittorsassallugit, suliassanik agguataarineq, akisussaaffiit allakkatigullu takussutissat ersarissut qulakkeernerisigut

Pisortamik ujaasivugut, taanna:

∙Ersarissumik ataqqinnittumillu aqutsisuussaaq, immikkoortumi ineriartortinneqartumi sammiviliisinnaasoq, tatiginninnermik akisussaassuseqarnermillu pilersitsisinnaasoq

∙Aqutsisut allat aqqutigalugit aqutsisinnaasoq taakkulu sulinerannut ersarissunik sinaakkusiisinnaasoq

∙Aqutsinermut, projektledelsemut malitseqartitsinermullu nukittuunik piginnaasaqartoq

∙IT-p ingerlanneqarneranik, digitaliseringimik, pilersuisunik aqutsinermik aningaasaqarnermillu paasinnittoq

∙IT-mut isumaqatigiissutinik, licensmodelinik, akiligassiissutinik teknikkikkullu tunniussanik kritiskimik professionelimillu naliliisinnaasoq

∙IT, digitalisering, aningaasaqarneq aarlerinaatillu pillugit ersarissumik attaveqarsinnaasoq, aqutsisut, sulisut pilersuisullu paasisinnaasaannik

∙Kalaallit Nunaanni pissutsinik ilisimasaqarnissaq iluaqutaassaaq, imaluunniit suliffeqarfimmi kalaallisut qallunaatullu oqaatsit, kulturi kiisalu kommunal/politisk betjening ulluinnarnut ilaaffigisaanni sulinissamut kajumissuseqassaaq

Aaqqissuussaanikkut inissisimaffik:

IT & Digitaliseringimi pisortatut vicekommunaldirektørimut referenceqassaatit, Intern Service-imi pisortaqatigiinnut ilaallutit. Intern Service-imi sulisut ca. 80-it suleqatigalugit kommunip ingerlatsivii sullippaat, taakku innuttaasunut suliffeqarfinnullu pitsaanerpaamik sullissisinnaaqqullugit.

Suliffeqarfimmut Kiffartuussivik IT & Digitaliseringip saniatigut makkuninnga imaqarpoq: Aningaasaqarneq, HR & Løn, Indkøb, Facility, Inuussutissarsiorneq, Attaveqatigiinneq aamma suliffeqarfimmik ineriartortitsineq. Taamaalillutit pisortat suleqatigiivinut ilaalissaatit, suliassaqarfiit akimorlugit suleqatitit peqatigalugit kommunip ingerlatsinerata, ineriartortitsinerata sullissineratalu ataqatigiinneranik nukittorsaaqataassallutit.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissarsiat atorfinitsitaanermilu atugassarititaasut:

Atorfik fagchefniveau 1-imut inissinneqassaaq. 1. april 2026 aallarnerfigalugu qaammammut ataatsimut 74.387,13 kr., tassunga ilanngullugit 10 % sulisitsisup soraarnerussutisianut akiliutai. Pensionimut tunngaviusumik akissarsiat qaammammut 67.624,66 kr.-iupput.

Tamatuma saniatigut Naalakkersuisut aamma ASG-p akornanni 1. september 2015-imi isumaqatigiissut naapertorlugu, Namminersorlutik Oqartussani kommuninilu åremålsansættelse-mi akissarsiat atorfinitsitaanermilu atugassarititaasut pillugit, åremålstillæg-imut periarfissaqarpoq. Assersuutigalugu ukiut pingasut åremålsansættelse uden tilbagegangsret qaammammut 12.835,44 kr.-inik åremålstillæg-eqarpoq.

Chefaftale naapertorlugu atorfininnermi ullut 30-it feriarineqarsinnaapput. Ukiut 2-it atorfeqareernermi ukiut allortarlugit ferierejsefond aqqutigalugu feriefrirejse-mut imaluunniit ukiut allortarlugit 16.500 kr.-inik ferierejsebidragimik tunniussinermut periarfissaqarpoq.

Tamatuma saniatigut malittarisassat atuuttut naapertorlugit hjemmeinternetimik akiliunneqarnermut tjenestemobilimullu periarfissaqarpoq.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Vicekommunaldirektør Marie Fleischer, oqarasuaat +299 58 54 80 imaluunniit e-mail: ks79mafl@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 638-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juulip 28.-at, 2026

Atorfik una qinnuteqarfigiuk