Fakta
Atorfiup suussusaa: IT-Supportimut ilinniartoq
Suliffeqarfik: Digitaliseringsstyrelsen / Digitalimik Sullissinermut Aqutsisoqarfik
Qinnuteqarfissamut killigititaq: novembarip 10.-at, 2025
Attavissaq: Aputsiaq Gudbrand Petersen +299 34 58 87
Tunniusimasunik IT-Supportimut marlunnik ilinniartussatsinnik ujaasivugut.
IT-Supportimut immikkoortortaqarfitsinnut akuussaatit, periarfissarqarlutillu ilinniakkat assigiinngitsut IT-Supportimut atuisunillu tungasunik suliaqarneq sullissinerlu.
Suliarisassat makku peqataaffigissavatit:
- Supporti tlf.-mut sianertunik ikiuineq
- Ticketsystemimi suliassaneq tigooqqaaneq
- Software hardwarenillu ajornartorsiutinik aaqqiiniarneq
- Software hardwarenillu ikkussuineq
- IT-systemini assigiinngitsuni aaqqissuineq
- Supportinik sulianik nalunaarsuineq
Pisinnaaseqarfissat:
- IT-mut soqutigisaqarnissaq
- Oqaluunnikkut allannikkullu attaveqatigiilluarsinnaanissaq
- Namminersorluni suleqatigiinnilu sulisinnaanissaq
- Tunngaviusumik Windows-operativsystemimut Microsoft Office-mullu nalunngisaqarnissaq
Piumasaqaat:
- Pinerlussimannginnermut allagartaq
Neqeroorutigisinnaasarput :
Atorfik tamatigoortoq, namminersorfiusoq, unamminartoq aammalu suliatigut inuttullu ineriartornissamik periarfissagissaartoq neqeroorutigaarput. Sulisut suleqatigiilluartut, pikkorissut aallussisullu akornanni sulissaatit.
Pingaartittorujussuuarput Digitalimik Sullissinermut Aqutsisoqarfimmi sulisut suliat misilittakkallu tungaatigut suleqatigiilluarnissaat, immikkuullarissutullu pingaartitaraarput aqutsisoqarfiup anguniagarisaanut tunaartarisaanullu maligassiuisuunissat minnerunngitsumillu Digitalimik Sullissinermut Aqutsisoqarfimmi pingaartitanik, tassaasunik: Pitsanngorsaaneq, Suleqatigiinneq, Akisussaassuseq ilisimasanillu avitsineq, ingerlatsinissat.
Uagut pilluta
Digitalinngortitsinermut Aqutsisoqarfimmi Kalaallit Nunaanni inuiaqatigiinni qularnaatsumik digitalimik siunissaqarnissaq suliniutigineqarpoq, assigiissaakkanillu digitalimik aaqqiissutinik ineriartortitsinikkut suliniut sulissutigineqarluni. Digitalinngortitsinermut Aqutsisoqarfimmi Kalaallit Nunaanni digitaliseriineq aammalu Namminersorlutik Oqartussat iluanni qarasaasialerineq suliarineqartarput. Aqutsisoqarfimmi akisussaaffeqarfiit annertupput, Aqutsisoqarfimmullu soqutiginninneq naatsorsuutillu aamma annertullutik. Kalaallit Nunaata digitaliseerernissaannut suliniutinut akisussaasutut ingerlatsinerput tulluusimaarutigeqaarput, suliagullu maniguulluta suliarisarlutigit. Taamaaliorsinnaanissatsinnut ilisimasatigut inuttullu piginnaasatigut piumasaqaateqartoqarpoq – taakkualu tunngavigalugit ulluinnarni ulapaarlutalu allanngorarfiusumi sulisarpugut. Sulisut naammagisimaarinnilluarnissaat anguniarlugu suleqatigiilluarneq – ilisimasatigut inuttullu assigiinngissutsit ataqqivagut aammalu sulianik ukkataqarsinnaaneq tunngavigalugit sulivugut.
Digitalinngortitsinermut Aqutsisoqarfik Naalakkersuisut Siulittaasoqarfiata Naalakkersuisoqarfianut atavoq, sulisullu 35-t sulisorineqarsinnaallutik. Digitalimik.gl iserfigalugu paasisaqarnerusinnaavutit.
Paasissutissat sukumiinerusut
Atorfik pillugu paasissutissat sukumiinerusut immikkoortortaqarfimmi aqutsisumut,
Aputsiaq Gudbrand Petersenimut saaffiginnissutigineqarsinnaapput, uunga:
Mail: apu@nanoq.gl,
Oqarasuaat +299 345887.
Qinnuteqaatit ingerlaavartumik suliarineqassapput, qinnuteqarfissalli naammassinnginnerani tigoriissavagut.
Soqutiginnikkuit qinnuigissavakkit CV aammalu qinnuteqaatit uagutsinnut nassiunnissaanik. Qilanaaraarput tusarnissarnik.
Aaqqissuussaaneq eqqarsaatigalugu Digitalimik Sullissinermut Aqutsisoqarfik Naalakkersuisut Siulittaasuata Naalakkersuisoqarfianit ingerlanneqarpoq. Uani atuarit: Digitalimik.gl
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job
Qinnuteqaat nassiuguk
