Ittoqqortoormiini SPO Arsarnerini aqutsisussarsiorneq

Arsarner 1.-3. klassinut atuartunut atuareernerup kingorna ornittagaavoq.

Aqutsineq aamma meeqqat inuunerissut pingaartippigit? Tamakkiisumik isiginnittariaaseqarpit aamma nammineq allalluunniit "suliai arlallit" tigummisinnaavigit sulilu qungujulallutit - taava immaqa ILLIT tassaavutit, Ittoqqortoormiini atuareernerup kingorna ornittakkami aqutsisussatut pissarsiarerusutarput.

Atuareernerup kingorna ornittagaq meeqqanut atualerlaanut (1. – 3. klassinut) perorsaanikkut inerikkiartuutaasumik ulluunerani neqeroorutaavoq. Neqeroorut meeqqat nalinginnaasumik inooqataanikkut, eqqarsarsinnaassutsikkut avatinik aqutsisinnaassutsikkut piginnaasaannik perorsaanermut tunngasunik sammisassaqartitsinikkut inerisaanissamik siunertaqarpoq, perorsaanikkut ukiumut pilersaarut aallaavigalugu. Atuareernerup kingorna ornittakkami sulineq atuarfimmik qanimut suleqateqarluni ingerlanneqartarpoq, ilaatigut perorsaanikkut inerikkiartuutaasumik tunngasunik malinnaaffiginninnikkut ilaatigullu meeqqanut ataqatigiissitsisumik ulluinnaqartitsinissaq qulakkeerniarlugu.

Atuareernerup kingorna ornittagaq ulluinnarni tamatigut nal.7.30 – 16.30 ammasarpoq, aamma atuanngiffeqarnerup nalaani. 

Meeqqat inuunerissuunissaat assut pingaartitaraarput, meeqqat ulluinnarni pitsaanerpaamik misigisaqarnissaat ineriartortinneqarnissaallu pillugu pitsaasumik sulineq, isumassuineq qanilaarnermik pissuseqarneq pingaarnerutillugit.

Tasiilami pissutsinik inuuniarnermut tunngasunik ilisimasaqarnissat paasinnissinnaanerillu pingaartipparput, tamannalu tunngavigalugu perorsaanermi sulinerit tunaartalersorsinnaassagit. Taamaattumik tarnikkut tatituujunissat naatsorsuutigivarput, nukissaqarpasillutillu oqarsinnaasutut pissuseqarsinnaassasutit, aamma pisuni artornarsinnaasuni. Taamatullu illit nalunaartussaatitaaneq annertusisaq pisussaaffigalugu ilisimallugulu nalunngikkit naatsorsuutigivarput.

Aqutsisumit nutaamit naatsorsuutigaarput/kissaatigaarput

∙Aqutsisuunermit, sapinngisamik meeqqeriveqarfimmi, misilittagaqarneq

∙Perorsaanermut tunngasunik aqutsisuunissamut soqutiginninneq

∙Paasiuminartuuneq aamma ersarissuuneq, saniatigullu suleqatigiinnermik suliatigullu ineriartornermik pingaartitsineq

∙Perorsaanikkut suleriaatsinik nutaanik ilisarititsineq aammalu sulisunut angajoqqaanullu ingerlatitseqqiineq

∙Siuttuuneq isumassarsisitsinerlu, suliatigut perorsaanikkut suleriaatsinik nutaanik sulisunut ilisaritsitsineq

∙Tusarnaarsinnaaneq akuersaartuunerlu

∙Suleqatiginnilluarsinnaaneq tamakkiisumillu isiginnittuarsinnaaneq

∙Meeqqanut, angajoqqaanut sulisunullu illersorneqarsinnaasumik toqqissisimanartumillu ulluinnaqarnissamik qulakkeerinninneq

∙Aqutsisutut ersarittuuneq pisunullu peqataasarneq

∙Meeqqerivinni allani aqutsisunik perorsaanikkut siunersiuisinnaaneq kiisalu suleqateqarsinnaaneq

∙IT/qarasaasiamut piginnaasaqarneq

∙Allaffissornikkut aningaasaqarnikkullu aqutsisutut suliaqarsinnaasoq

Neqeroorutigaavut

∙Atorfik soqutiginartoq, akisussaaffeqarnissamik allannguutinullu piareersimanissamik piumasaqaatitalik

∙Perorsaanikkut sulisunik aqutsinissamut periarfissaq saniatigullu peqatigitillugulu inini ataasiakkaani toqqaannartumik meeqqanik suliaqarneq

∙Suliffimmi avatangiisit pitsaasut, quianarsinnaasunut illarnermullu inissaqartitsisut

Ulluunerani neqeroorutinut aqutsisooqatigiinnullu naleqquttunik ingerlaavartumik pikkorissarnissamut paaqqinnittarfinnut immikkoortortamit neqerooruteqartoqartarpoq.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Atuarfiup Pisortaa Petrus Brønlund, oqarasuaat +299 36 78 61 imaluunniit e-mail: peld@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1265-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: decembarip 23.-at, 2025

Atorfik una qinnuteqarfigiuk