Fakta
Atorfik suussusaa: Ittoqqortoormiit Katersugaasivimmi akisussaasumik pissarsiorpoq
Suliffeqarfik: Ittoqqortoormiit Katersugaasivimmi
Qinnuteqarfissamut killigititaq: 1. december
Attavissaq: Ingeborg Pike, tlf. +299 36 78 67 imaluunniit e-mail: igpe@sermersooq.gl
Kommuneqarfik Sermersooq Ittoqqortoormiit Katersugaasivimmi akisussaasumik pissarsiorpoq. Ulluinnarni ingerlatsineq atorfiup ilarivaa.
Ittoqqortoormiit Katersugaasivia katersugaasiviarannguuvoq inissiaq nutartigaq, Katersugaasivik innuttaasunut inuiaqatigiinnut pingaarutilerujussuartut inisseqqavoq. Katersugaasivik aaliangersimasunik saqqummersitaqartarpoq, soorlu oqaluttuarisaanermi sakkunik qangarnitsanik, taavalu Nunatta Katersugaasivia suleqatigalugu saqqummersitsinerit allanngorartut suliarineqartarlutik.
Katersugaasivimmi akisussaasutut katersugaasiviuk ulluinnarni ingerlanera taavalu ukioq kaajallallugu ammasarnera akisussaaffigissavat.
Katersugaasivimmi akisussaasoq ujartorparput:
·Eqeersimaartoq
·Kulturikkut ujartuinissamut soqutigisalik
·Inuiaqatigiiarannguanut eqeersimaartuuneq
·Takornariaqarfiup nalaani ulapaarfimmi suliassarpassuanik tigooraasinnaasoq
·Illoqarfimmi kulturimut
·Kalaallisut, qallunaatut tuluttullu oqalussinnaallutillu allassinnaanissat pitsaaqutaassaaq, piumasaqaataanngilarli
Neqeruurutigisinnaavagut:
·Suliffik nikerartunik suliassaqartoq
·Suliffik akisussaaffeqarnartoq
·Suliffiit nikerartut
·Suliffik periarfissaqarluarlunilu namminersortumik ineriartorfiussoq
·Nammineq sinnattumik piviusunngortitsinissamik periarfissalik
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami Aqutsisoq Ingeborg Pike, oqarasuaat +299 36 78 67 imaluunniit e-mail: igpe@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1157-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: decembarip 1.-at, 2025
Atorfik una qinnuteqarfigiuk
