Kalaallit Airportsimi Kommunikationskonsulent/Attaveqaqatigiinniarnermut siunnersorti

Suliffeqarfimmi attaveqaqatigiinnermik soqutigisaqarpit aammalu platformini assigiinngitsuni sullinniakkanut assigiinngitsunut nutaaliortumik ersarissumillu ingerlatitseqqiisarnermik misilittagaqartuuit? Taamaappat una atuaruk!

Greenland Airports Kommunikationsafdelingimi ulloq 1.december aallarnerfigalugu suleqatissamik ujaasivoq.

Suliassatit pingaarnerit:

Suliffeqarfiup platformii ataavartumik nutaaliortumik kajumissutsimillu imaqarlutik nutartertuarnissaat isumannaarneqassaaq. Ilaatigut uku atuupput:

• Facebookkitsinnut, LinkedIn-imut, Instagrammimut nittartagartaatsinnullu immersuineq
• Atorfimmi suliffiup iluani attaveqaqatigiinneq ukkatarineqartarpoq, tassani sulisunut paasissutissanik naleqquttunik pisarnissaat, suliffeqarfiup iluani piorsarsimassutsip inerisarnissaa aammalu nuannersumik ataqatigiinneq isumannaarneqartassaaq
• Eventit assigiinngitsut, soorlu unnuk kultoorisiorfik aammalu ilinniagaqarnermut tunngatillugu aaqqissuussinernik pilersaarusioqataaneq aamma ingerlatseqataaneq

Illit pillutit:

Naatsorsuutigaarput:

• Social media aqqutigalugu suliffeqarfiullu iluani platformini kajumissusilimmik nutaaliortumillu imalinnik pilersitsisinnaanermik misilittagaqassasutit – ilaatigut assinik videonillu pilersitsillunilu aaqqissuussinermi

· Sukkasuumik sulisinnaallunilu suliffeqarfimmi ineriartortumi sulisinnaassasutit

• Ammasuullutillu qungujulaartuunissat
• Oqaatsitigut, sapinngisamik kalaallisut, qallunaatut aamma tuluttut piginnaasaqarluartuunissat

Neqeroorutigaarput:

Greenland Airportsimi suliffeqarfimmi, tassani suleqatigiinneq, ineriartorneq atugarissaarnerlu ukkatarineqartuusuni peqataalissaatit. Ulluinnaat sulisutta ineriartorfigalugillu atugarissaarfigisarnissaat anguniartarpagut. Ilaatigut suliffimmi pissutsit toqqissisimanartuunissaasa siuarsarnerisigut, aammalu suliffeqarfiup ingerlalluaannarnissaanut kikkunnut tamanut periarfissiinermik ilaatitsisuullutalu nutaaliorusuttunut ammaassisuunerput pingaartitaraarput.

Ataasiakkaat atugassarititaat malillugit akissarsiaqartitsisarpugut.

Isumannaallisaanermi akuerineqarneq

Suleqatigilissatilluta isumannaallisaanermut akuersissuteqartoqaqqaaratariaqarpoq. Taamaatumik pinerlussimannginnermut allagartaq kakkiunneqassaaq, taannalu politiini imaluunniit www.sullissivik.gl -kkut pineqarsinnaavoq.

Attaveqaqatigiinnermi aqutsisutut inississaatit.

Qinnuteqarfissaq kingulleq

Ujartugarisarput illiuppat qinnuteqaativit kingusinnerpaamik marlunngorneq septemberip 23-iat tigunissaa qilanaaraarput.

Uunga qinnuteqarit: Vacancy - Greenland Airports

Oqaloqatigiinnerit ingerlaavartumik ingerlanneqassapput, atorfillu inuttalerneqarumaarpoq sulisussaq tulluartoq nassaarineqarnerani – sapinngisamik ulloq killigititaq tikitsinnagu. Taamaattumik soqutiginnittut piaartumik qinnuteqarnissaannut kajumissaarpagut.

Paasisaqarnerugit

Atorfik pillugu paasisaqarnerorusukkuit Kommunikationschef Mikkel Lundip oqarasuaatikkut 231700-mut imaluunniit mbl@airports.gl-mut attaveqartoqarsinnaavoq.

Greenland Airportsip manna Kalaallit Nunaanni mittarfiit 13-it qulimiguullillu mittarfii 46-t ingerlatarai. Sulisut 500 missaanniittut sulisoralugit nunami suliffeqarfiit annersaat ilaanniillutalu sulisutta suliffeqarfiullu inerisartuarnissaat sulissutigiuarpagut.