Kalaallit Nunaanni Aalisarnermut Piniarnermullu Nakkutilliisoqarfik (KANUAPNA) Nunap immikkoortuata allaffeqarfiani, Ilulissaniittumi aqutsisussarsiorpoq.

Nunap immikkoortuani allaffimmi Ilulissaniittumi, suliassarpassuarnut unamminartunik suliaqartussamik, piginnaasaqarluartumik sullisserusuttumillu allaffimmi aqutsisussarsiorpugut.

Allaffeqarfik immikkoortortaqarfimmi arfinilinnik sulisoqarpoq.

Suliassat pingaarnerit tassaapput allaffiup Kalaallit Nunaanni aalisarnermik

piniarnermillu KANUAPNA-mi pisortat qanimut suleqatigalugit allaffiup

misissuisarneranik, nakkutiginninneranik nakkutilliineranillu ataqatigiissaarineq.

Piginnaasat:

• Aalisarnermik piniarnermillu nakkutilliisutut ilinniarsimagaanni iluaqutaassaaq

• Aalisarnermik piniarnermillu misilittagaqarneq

• Aqutsinermik naleqquttumik ilinniarsimaneq iluaqutaassaaq

• Aalisarneq, piniarneq aallaaniarnerlu pillugu inatsisinik nalunaarutinillu ilisimasaqarluarneq iluaqutaassaaq

• Pissutsini ulapiffiusuni namminersorlutit aaliangiisinnaassuseqarlutillu sulisinnaassaatit

• Aalajaatsuuneq pissutsinillu tamakkiisumik takunnissinnaaneq

• Suleqatiginnilluarsinnaassuseqarneq

• Inerisimasuuneq, tamatigoortuuneq aammalu ulapiffimmi sulisinnaassuseqarneq

• Kalaallisut qallunaatullu oqaaseqartuuvutit allassinnaallutillu, tuluttut oqaatsinik atuisinnaalluarneq iluaqutaassaaq

Suliassat:

• Nunap immikkoortuani Ilulissani allaffeqarfiusumi Aqutsisutut sulineq, tassanilu ulluinnarni nakkutilliinermi suliassanik pilersaarusiorneq

• Nakkutilliineq pillugu paasititsiniaanissanut KANUAPNA-mi pisortat suleqatigalugit pilersaarusiortarneq

• Allaffissornermi suliassat, tassunga ilanngullugit atortunik aserfallatsaaliuinermik iluarsaanernillu akisussaaneq

• Sulisut naligalugit ulluinnarni piareersimasuusarneq

• KANUAPNA-p nakkutilliineq ajutoorfiusinnaasunillu misissueqqissaarnermi suleqatigiissitaliaanni assigiinngitsuni peqataasarneq

• Malittarisassannik inatsisinillu nutaanik tusarniaaffigineqartarneq

• Najukkami kommunimi oqartussanut aamma aalisartut piniartullu kattuffiinut attaveqartarneq

Piffissaq suliffik assigiinngiiaartuussaaq, piareersimasuunermullu pilersaarutit qaammatikkaarlugu siumut suliarineqartartut malillugit sulisoqartarpoq. Ulloq unnuarlu, sapaatillu akunnerata ulluini tamani sulisarnissaq piareersimaffigissavat.

Illit pillutit

Aamma sullisserusussuseqarneq, ikiuukkusussuseqarneq ulluinnarnilu nuannaartuuneq pingaartippagut. Aaqqissuussamik sulisassaatit, suliassanillu pitsaassuseqarluartunik piffissarlu eqqorlugu suliaqarsinnaassaatit nammassinnissinnaallutillu.

Pisariaqaraangallu immikkut sulinerusinnaasarnissat pingaartipparput.

Kalaallit Nunaanni Aalisarnermut Piniarnermullu Nakkutilliisoqarfiup soqutiginnittut tamaasa inuttut tunuliaqutit apeqqutaatinnagit atorfimmut qinnuteqarnissaannik kaammattorpai.

Atorfinitsitsiniarnermi oqaloqatiginninnerit ingerlaavartumik ingerlanneqassapput.

Qinnuteqarnissamut piffissaliussaq:

Februarip 5.-t 2026

Qinnuteqaatit, CV-t, ilinniarsimanermut uppernarsaatitit, pappilissallu pingaarutillit Namminersornerullutik Oqartussat quppersagaani link-i tuugassaq aqqutigalugu qinnuteqassaatit.

(qinnuteqaatit mail-ikkut nassiussat tiguneq ajorpagut)

Sukumiinerusumik atorfik inuttassarsiugaq pillugu paasisaqarnerorusukkuvit, tikilluaqquatsigit saaffiginninnissat Kontrolchef-iugallartumut Jannik Holm, mail: jaho@nanoq.gl telefon: 345384

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk