Kalaallit Nunaanni Aalisarnermut Piniarnermullu Nakkutilliisoqarfik Kontorfuldmægtig-imik sulisussarsiorpoq.

Nunaanni Aalisarnermut Piniarnermullu Nakkutilliisoqarfiup (KANUAPNA-p) aalisarnermik, piniarnermik aallaaniarnermillu nakkutilliineq alapernaarsuinerlu ingerlatarai. KANUAPNA´p pingaarnertut anguniagaraa Kalaallit Nunaanni Namminersorlutik Oqartussat aalisarnermik inatsisaat, tamatumani ilanngullugit nunanik allanik isumaqatigiissutini malittarisassat atuutilersinneqartut imaluunniit nunat tamat akornanni kattuffinnut Kalaallit Nunaata peqataaffigisai, imaluunniit aalisarnermik ingerlataqarneq pillugu nunat tamat akornanni isumaqatigiissutinik atuutsitsilerneq eqqortinneqarnissaat qularnaassallugu.

Atorfik pillugu

Kontorfuldmægtig-itut atorfimmi ullut ilaanni ulapinneq ullullu ilaanni suliassat ikinnerusut misigisassavatit.

Kontorfuldmægtig-itut atorfik aqutsinermut pilersaarusiornermullu tunngassutilinnik kiisalu attaveqaqatigiinnissamut piginnaasaqarluarnissamik piumasaqaateqarpoq.

Atorfik pingaarnertut suliassanik makkunannga imaqarpoq

Aalisarnermut Pinarnermullu nakkutilliisut allaffissornikkut aqunneqarneri.

Aalisarnermut Piniarnermullu nakkutilliisut qaammatikkaartumik sulisimanerminnik nalunaarutaasa aqunneqarneri.

Nakkutilliisut Alapernaarsuisullu nalunaarusiaanik immersuineq toqqortuinerlu. Angalanissanik inniminniinnernut pilersaarusiornermullu aqutseqataaneq.

Aningaasanik atuinermi naatsorsuutinik suleqataasarnissaq.

Allaffissornermut tunngasunik nalinginnaasunik suliaqarneq. 

Piginnaasat

Atorfimmut inuttassarsiukkamut ilinniagaq naleqquttumik ilinniarsimanissaq, ilinniagarluunniit alla naleqqiunneqarsinnaasoq imal. aamma allaffissornermik suliffimmik misilittagaqarnissaq.

Tamanik takunnissinnaassaatit, aamma pisut sukkagaangata ajornakusooraangatalu.

Kalaallisut danskisullu oqalussinnaassaatit aammalu allaganngorlugu oqaluinnarluni ersarissumik oqalussinnaassallutit.

Naatsorsuutigaarput illit:

• Kisitsisinik paasisimasaqarluartuusutit

• Naqiterinissamut peqqissaartuusutit

• Misissueqqissaarsinnaasutit aaqqissuussillaqqissutillu

• IT atorlugu sulerususseqarsinnaassutit paasissutissanut katersuivinnut (database) atuisinnaasuseqartuusutit

• Attaveqaqatigiinnermut suleqatigiinnermullu piginnaasaqarluartutit

• Kalaallisut danskisullu erseqqissuliullaqqissuusutit

• Pisortaqarfimmi allaffissornermik misilittagaqartutit.

Neqeroorutigisinnaavagut:

• Suliffik ulapaarfiusoq ineriartorfiusorlu

• Suleqatit pimoorussisut kajumissusillillu

• Suliffeqarfik aqutsisut sulisullu akornanni aqqaveqaqatigiilluarfiusoq

• Allaffeqarfik nuannersoq.

Illit pillutit

Sullissisinnaanissat, ikiuussinnaanissat ulluinnarnilu nuannaartuunissat aamma pingaartippagut. Aaqqissuussamik sulisinnaassuseqassaatit suliassanillu pitsaasunik piffissaritinneqartullu iluani tunniussisinnaassaatit naammassinnissinnaallutillu. Aamma pisariaqartillugu immikkut suliaqarususseqarnissat pingaartipparput.

Aamma Kalaallit Nunaanni inuiaqatigiinnik ilisimasaqarnissat inuiaqatigiinnilu pissutsinik paasinnissinnaanissat kissaatigaarput.

KANUAPNA pillugu

KANUAPNA Nuummi qullersaqarfeqarpoq nunallu immikkoortuini pingasuni Sisimiuni, Ilulissani Nuummilu allaffeqarpoq. Qullersaqarfimmi sulisut 16-iupput tamanna allaffissornermi immikkoortunnik aaqqissugaasumik, It-mut nunat tamanut suleqatigiinnissamut immikkoortoq aamma nakkutilliinermut immikkoortoq aalisarnermik alapernaarsuisunik sulisunik aamma nunap immikkoortuini allaffiit aalisarnermik piniarnermillu nakkutilliisunik aqqanilinnik piniarnermillu nakkutilliisunik sulisullit.

Atorfininnissaq

Sapinngisamik piaartumik inuttaleerusuppugut imaluunniit isumaqatigiissuteqarneq tunngavigalugu.

Ulloq kingulleq qinnuteqarfissaq

02. Januaari 2026

Saqqummiussaq pillugu paasissutissanik annertunerunik pissarsisoqarsinnaavoq Aningaasaqarnikkut allaffeqarnermullu Pisortaq Lars Geraae, oqarasuaat +299 34 53 79-mut, e-mail: lagae@nanoq.gl saaffigalugu.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk