Kalaallit Nunaanni Filminstittutimi aqutsisoq

Kalaallit Nunaanni Filminstittutimi aqutsisoq

Kalaallit Nunaanni Filminstittutip pilersinneranut siuttoorusuttumik ineriartortitserusuttumillu, nutaaliortumik ammasumillu aqutsisussarsiorpugut – suliffeqarfik nutaajuvoq namminersortoq pisortanit pigineqartoq filmiliortarnerlu pillugu Inatsisartut inatsisaat nr. 65, 6. december 2024-meersoq naapertorlugu pilersinneqarpoq. Aqutsisoq Kalaallit Nunaanni Filminstittutip siulersuisuinut attaveqassaaq.

Aqutsisunngortussaq inatsimmik ingerlatsisuinnaassanngilaq, kisiannili kulturikkut nukittuffeqassaaq, filmiliornerup isumaa eqqumiitsuliornertut, inuussutissarsiutitut kiisalu inuiaqatigiinnut atatitsisuusutut paasisimassavaa. Taamaammat filmiliortarneq pillugu inatsisip nakkutiginerani aallunneranilu allaffissornikkut suliassaannaanngilaq – siunissamili ataatsimut oqaluttuassatta ilusilersornerisigut suliniutaavoq.

Kalaallit Nunaanni Filminstitutti pillugu

Kalaallit Nunaanni Filminstitutti tassaavoq Kalaallit Nunaanni filmiliornermi kulturikkut ineriartortitsinermi nukittorsaanermilu qitiusumik ingerlatsisuusoq. Instituttip anguniarlugit sulissutigai:

• Nuna tamakkerlugu filmernermi, filmertarfeqarnermi kiisalu filmfestivalertarnermi kulturini siuarsaaneq.

• Ingerlatsisuussalluni nunami tamarmi filmertarnermut kommissionitut, nunani tamalaani filmiinik kiisalu isiginnaagassianik tunisassiornernik Kalaallit Nunaannut kajumilersitsisussatut inissisimasuussalluni.

• Kalaallit aamma nunani allamiut filmiliaasa nunatsinni ilisimaneqarnerat siuarsassallugu.

• Kalaallit filmiliaasa nunani allani tuniniarneqarnerinut ilisimaneqarnerinillu nukittorsaaneq.

• Kikkunnit tamanit takuneqarsinnaasuni filminik tv-ikkullu isiginnaagassianik katersanik annertusaaffiginninnerit allanngutsaaliuinerillu.

• Isiginnartussanut tulluarsakkanik filminik assigiinngitsunik neqeroorneq.

• Qqularnaassallugu ingerlaavartumik filmiliornermik inuussutissarsiortullu oqaloqatigiinneq, tamatumani ilanngullugit atuisut pingaarutillit peqatigiinnissaat.

• Paasissutissiisassalluni ilitsersuillunilu meeqqanut inuusuttunullu filmit naleqquttut pillugit.

• Siuarsassallugit professioneliusumik filmiliortarneq eqqumiitsuliatut aamma piginnaasanik ineriartortitsivittut..

Tamatuma saniatigut instituttip filmip aallaqqaataaniit naammassineqarnissaanut aningaasanik tapiissuteqartarpoq – najoqqutassaliornermiit ineriartortitsinermiillu pilersitsinermut, saqqummiinermut siammarterinermullu – kiisalu nunatsinni filmiliorsinnaanermut akuersissutinut qinnuteqaatinik suliarinninnerit aningaasatigut tapiiffigisassavai.

Filmkommissionitut instituttip sulissutigivai kalaallini filmiliornerup tv-kkullu aallakaatitassiornerup atortulersuuteqarnissaa aammalu nunani allamiunik filmiliortartunut orniginartunik sinaakkusiinissaq.

Akisussaaffiit

Aqutsisutut instituttimi ulluinnarni ingerlatsinikkut pingaarnertut akisussaaffeqassaatit, tassunga ilanngullugit:

• Instituttip ingerlanneqarnerani inatsisitigut kiisalu aningaasaqarnikkut toqqammavigineqartunut maleruaaneq, tak. Inatsisartut inatsisaat nr. 65, 6. december 2024-meersoq § 16, imm. 2.

• Sulisunik atorfinitsitsinerit soraarsitsinerillu, tak. § 16, imm. 3.

• Namminersorlutik Oqartussat ataani atorfeqartunut malittarisassanut atuuttunik maleruaaneq, tak. § 17

• Allaffissornikkut aningaasatigut tapiissutit akuersissutillu eqqortuunissaannik qulakkeerinninneq

• Najukkami, nuna tamakkerlugu kiisalu nunani tamalaani suleqatigiinnermi ataqatigiinnerup ineriartortinnissaa piujuartinnissaalu

• Filminstituttip inuttaatut avammut tusagassiutitigut innuttaasunullu tunngatillugu inissisimanissaq, kiisalu atuutsitsinermi naapertuuttuni institutti sinnerlugu peqataasarnissaq

• Filmiliornermut suliassaqarfiit atuisullu ingerlaavartumik oqaloqatigiittarnissaannut qulakkeerinninneq

• Siulersuisuni allattaaneq, siulersuisullu periusissianik, anguniakkanillu suliaqarnerannut ikiuunneq 

Piginnaaneqarfiit

• Naleqquttumik suliamut tunngatillugu kandidat-itut qaffasissusilimmik ilinniagaqarsimanissat.

• Aqutsinermik misilittagaqarnermik aqutsisinnaassuseqarluarnermillu uppernarsaateqartutit

• Allaffissornermik, aningaasaqarnermik aamma aaqqissuussinermik misilittagaqartutit

• Kalaallit filmiliaannik, kulturiannik inuiaqatigiinnilu pissutsinik ilisimasaqarlutillu soqutiginnittuusutit

• Suleqatigiinnissamut piginnaasaqarluartuusutit aamma sunniuteqarsinnaalluassuseqartutit

• Attaveqatigiinnermi piginnaasaqarluartutit tusagassiutitigullu saaffiginnissutinik suliaqarnermi misilittagaqartutit – allattariarsornikkut oqaluttariarsornikkullu - ajornanngippat kalaallisut, qallunaatut tuluttullu

Naatsorsuutigaarput illit: 

• Misiginneqataasinnaassuseqarlutillu aqutseriaasinni tusarnaarsinnaassuseqartuusutit

• Ajornartorsiutinik suliaqarnissamik aaqqiinissamillu tunuarsimaartuunngitsutit

• Akisussaassuseqartuusutit, sulerusussusilik kiisalu kiffartuussinermut tunniusimasuusutit

• Suliassat tatiginartumik kinguneqartussamillu suliarisassagitit

• Politikikkut aqunneqartumi sulilernissamut piareersimasutit

Akissarsiaqarneq atorfinitsitaanerlu

Akissarsiaqarnermut atorfinitsitaanermullu atugassarititaasut Namminersorlutik Oqartussat ataani isumaqatigiissut atuuttoq naapertorlugu pissaaq ("Pisortanut ataatsimoorussamik isumaqatigiissut" 12. Juni 2025-meersoq).

Atorfik akissaateqarfiit immikkoortuani LR 36-mi massakkut inissisimavoq. Akissarsiat aalajangersimasut LR 36-mi imatut isumaqatigiissutigineqarsimapput 1. april 2025-imiit qaammammut kr 62.812,70 kr. ukiumullu 753.749,04 kr. (soraarnerussutisiassat ilanngullugit).

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemanditut atorfeqareersimaguni nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.

Akissarsianut atorfeqarnermilu atugassarititaasunut, taakkununngalu ilanngullugit atorfininnermut soraarnermullu atatillugu angalanissamut pequtinillu nassiussinissamut akiliunneqarsinnaatitaanermut piffissami atorfiniffiusumi Namminersorlutik Oqartussat aamma kattuffiup isumaqatiginninniarsinnaatitaasup ilaasortaaffigisap akornanni isumaqatigiissut tunngavigineqassaaq.

Atorfik piffissami ukiunut sisamanut killiligaavoq sivitsorneqarnissaanullu periarfissaqarpoq.

Ineqarneq

Atorfimmut atatillugu inissaqartitsisoqanngilaq, kisiannili Namminersorlutik Oqartussat iluanni atorfimmut atasumik ineqareeruit, ini tigummiinnarsinnaavaat.

Qinnuteqarneq attaveqarnerlu

Sukumiinerusumik paasissutissat pissarsiarineqarsinnaapput siulersuisuni siulittaasoq Malik Kleist attavigineratigut, oqarasuaatikkut 58 58 33, e-mail: malik@filmiliortarfik.gl.

Qinnuteqaat nassiuguk