Fakta
Atorfiup suussusaa: Køkkenassistent
Suliffeqarfik: Grønlands Selvstyre
Qinnuteqarfissamut killigititaq: 30. september 2025 12:00
Attavissaq: Marie Louise Siegstad tlf: 349972, e-mail: mals@pi.gl
Atorfik inuttalerneqarnissaa kissaataavoq 1. november 2025.
Peqqissaanermut ilinniarfik ilinniarfiuvoq qitiusumik peqqinnissaqarfimmut tunngassutilinnut. Taamatuttaaq aamma pikkorissaanerit assigiinngitsut ingerlanneqartarlutik.
Peqqissaanermi Ilinniarfik 25 - 28 missaani sulisoqarpoq, inuussutissanullu siunnersuisoqatigiit innersuussaat napertorlugit nerisassiornissaq pingaartittuullugu, namminerlu nerisassanut politik-eqarluni.
Ulluinnarni kantiinami nerisartut nikerarput pikkorissartut atuartullu ingerlasut apeqqutaallutik, agguaqatigiissillugu 100 missaani nerisassiunneqartarput.
Suliffeqarfiup inuttut suliatigullu ineriartornissaq pingaartittuuaa.
Pilerigiviuk:
Kantiinami aqutsisorput suleqatigalugu nerisaqarneq pillugu politikkitut aalajangersagaasoq tunngavigalugu ilinniartut, pikkorissartut, ilinniartitsisut sulisullu allat ulluinnarni nerisasaannik isumaginninneq.
Pikkorissaanerni- ilinniarnermi sulinermilu pitsaasunik avatangiiseqartitseqataaneq
Taamaassappat igaffik kantiinalu nutaanerusut ulluinnarnilu suliat assigiinngiiaartut neqeroorutigaagut.
Piginnaasat:
Inuussutissalerinermut tunngasumik ilinniagaqarneq, ataatsimoorluni sulianik naammassinninnissamut kajumissuseqarneq pimoorussinerlu.
Aalajaatsuuneq, eqaatsumik periuseqarneq akisussaassuseqarnerlu.
Aningaasanik nukinnillu atuinermut ilisimaarinninneq.
Illugiinnik (kalaallisut qallunaatullu) oqaaseqarneq iluaqutaassaaq
Sap. ak. nal. ak. suliffissat: 40
Paasissutissat allat
Atorfimmut tunngasut pillugit paasissutissat sukumiinerusut ilinniarfiup kantiinami aqutsisumut Marie Louise Siegstad oqarasuaatikkut: 349972, imal. e-mailikkut: mals@pi.gl attaveqarnikkut pissarsiarineqarsinnaapput.
Kalaallit Nunaat Namminersorlutillu Oqartussat pillugit annertunerusumik paasisaqarusukkuit nittartakkami www.nanoq.gl -imi atorfiit pillugit immikkoortoq alakkarsinnaavat.
Qinnuteqaat
Qinnuteqarfissaq kingulleq 30. september 2025
Qinnuteqartunik oqaloqateqartarnissaq pisinnaavoq qinnuteqaatinik tigusaqaraangatta kingusinnerpaamilli sap. ak.40-mi pinissaa naatsorsuutigineqarpoq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Qinnuteqaat nassiuguk
