Kalaallit Nunaanni Namminersorlutik Oqartussat Kalaallit Nunaata Aalisarnermut Piniarnermullu Nakkutilliisoqarfianut IT-mut nunanilu tamalaani suleqatigiinnermut pisortassarsiorput

Kalaallit Nunaanni Aalisarnermut Piniarnermullu Nakkutilliisoqarfik (KANUAPNA) IT-mut Nunallu Tamalaat Akornanni Suleqatigiinnermut Pisortassarsiorpoq, sullissilluarusuttumik allannguinissamullu aqutsinissamut sapiissusilimmik.

Suliassat:

• Kalaallit Nunaanni aalisarnermi paasissutissanik katersuisarnermi ineriartortinneqarneranut ataavartuunissaanullu akisussaaffeqassaatit, eqqumaffigiuassallugulu paasissutissat katersornerani uppernarsaasersuinermi kinguneranilu malinnaaffiginissai tutsuiginartumik ingerlanneqarnissaat. Aammalu elektroniskiusumik umiarsuup allattaaviinik immersuisalernissap tamakkiisumik atuutsilernissaanik akisussaaffeqarneq, qarasaasianillu systeminik atukkanik ineriartortitteqataanissaq.

• Immikkoortortaqarfimmi sulisut, suliassat akisussaaffigissavatit, Naalakkersuisoqarfillu suleqatigalugu.

• Nunat tamalaat akornanni suleqateqarneq ilaatigut Northwest Atlantic Fisheries Organization (NAFO) aamma North East Atlantic Fisheries Commission (NEAFC) suleqatiginerannut akisussaaffeqassaatit, aammalu nunat illugiit isumaqatigiissutaat nakkutilliinermilu suleqatigiinnermi.

• Peqataaffigissavatit suleqataaffigalugillu siunnersuusiornerit aalisarnermut nakkutilliinermi maleruagassanik inatsisinillu allannguinerni, nunat tamalaat akornanni suliniutit pisussaaffigineqartut suleqataaffiginissai aammalu nunani allani aalisarnermi nalimmassaanerit taakkulu ineriartortinneqarneri malinnaaffigissallugit.

• Nunat tamalaat akornanni ataatsimeersuarnerit isumaqatiginninniarnerillu peqataaffigisassavatit.

IT-mut Nunallu Tamalaat Akornanni Suleqatigiinnermut Pisortaq ulluinnarni KANUAPNA-mi pisortaqatigiinnut akuulluni ilaassaaq, pisortaqatinilu Aalisarnermut Piniarnermullu pisortaq taartaaffigisassallugu.

Pisinnaasat

Pissarsiorpugut Pisortassamik suliassanut attuumassuteqartumik ilinniagaqarsimasumik:

• Takussutissalimmik uppernarsaatilimmillu aqutsinermut misilittagaqartoq.

• Kalaallit Nunaanni Namminersorlutik Oqartussani aqutsisutut misilittagaqarsimagaanni iluaqutaalluassaaq.

• Paasissutissanik/nalunaarsuiffinnik suliaqarnermi sakkunik ilisimasaqarluarnissaq, pingaarnertut Excel, kisiannilu aamma paasissutissanik/nalunaarsuiffinnik suliaqarnermi (database) misilittagaqarfiginissaat ukuusut, SQL, aamma GIS iluaqutaalluassaaq.

• Microsoft Office-mi atortut ilisimasaqarfigilluarnissai, aammalu ataqatigiimmik aaqqissuussanik allattukkanik toqqorsiviit misilittagaqarfigilluarnissai.

• Takussutissalimmik uppernarsaatilimmillu nunat tamalaat akornanni suleqateqarsimaneq, imaluunniit nunat tamalaat akornanni suliniaqatigiiffinni peqataasarnermut misilittagarneq.

• Nunat tamalaat akornanni aalisarnermut nakkutilliineq ilisimasaqarfigilluarnissaa iluaqutaassaaq.

• Nalinginnaasumik ajornaatsumillu aalisarneq pillugu, atortunillu atuisinnaanermut ilisimasaqarnissaq.

• Aaqqissuussinermut, misissueqqissaarnermi eqqarsarluarsinnaanermut pilersaarusiorsinnaanermullu piginnaasaqarneq.

• Oqaluttariarsornermi allattariarsornermilu oqaaseqatigiiliorneq qallunaatut tuluttullu pikkoriffiginissai pingaaruteqarpoq, kalaallisut oqalussinnaaneq allassinnaanerlu iluaqutaassapput.

Naatsorsuutigineqarpoq suleqatiginnilluarsinnaassuseqarnissaq, imaakkami suliassat aalisarnerup silarsuaani ingerlanneqarnerini, suliffiup iluani, avataani nunallu tamalaat akornanni suleqateqarluni piusussaammata.

Naatsorsuutigivarput, illit:

• Aqutseriaatsinni misigittartuujussasutit tusarnaallaqqittuullutillu.

• Akulerunnissamut aaqqiagiinngitsoqartillugulu aaqqiissuteqarnissamut sapiissuseqassaatit.

• Akisussaaffitit eqqumaffigalugit, sullerittuullutit sullissilluarnissamillu pingaartitsisuusutit.

• Suliassanik tunniusimasuunissat, aallussilluarlutit kinguneqarluartumillu naammassinninnissat pingaartikkitit

• Politikkikkut aqunneqartumi ilusilikkamilu sulinissat piareersimaffigilluarit.

Takorusupparput aamma illit:

• Inuiaqatigiit Kalaallit inooriaasiannik atugarisaanillu paasinnissinnaassasutit ilisimasaqarluassasutillu.

• Persuarsiorpalaanngitsumi, pimoorussisumili sulerusuttutit.

KANUAPNA pillugu

Kalaallit Nunaanni Aalisarnermut Piniarnermullu Nakkutilliisoqarfik (KANUAPNA) Kalaallit Nunaanni aalisarnermik, piniarnermik aallaaniarnermillu paasissutissanik katersuisarpoq, nakkutiginnippoq nakkutilliillunilu. Namminersorlutik Oqartussat aalisarnermik piniarnermillu inatsisit eqqortinneqarnissaasa qulakkeernissaa qulakkeerneqarnissaat KANUAPNA-p pingaarnertut anguniagaraa, tassunga aamma ilanngullugit malittarisassat aalisarneq pillugu nunat marluk isumaqatigiissutaat imaluunniit Kalaallit Nunaata nunat tamat akornanni suleqatigiiffinni peqataaffigisaanni imaluunniit aalisarnermik ingerlatsineq pillugu nunat tamat isumaqatigiissutaannik akuersineq naapertorlugit atuutilersinneqartut. Sulineq Aalisarnermut Piniarnermullu, Nunalerinermut Imminullu Pilersornermut Naalakkersuisoqarfik qanimut suleqatigalugu ingerlanneqartarpoq.

KANUAPNA Nuummi qullersaqarfeqarpoq aammalu Sisimiuni, Ilulissani Nuummilu nunap immikkoortuini allaffeqarluni. Qullersaqarfimmi Nuummiittumi, immikkoortortaqarfiit sisamaapput, taakkunanilu akornanniilluni IT-mut aamma nunat tamalaat akornanni suleqatigiinnermut immikkoortortaqarfik. Immikkoortortaqarfiit sinneri tassaallutik Nakkutilliisoqarneq, Aningaasaqarneq/Allaffissorneq aammalu HR.

IT-mut aamma nunat tamalaat akornanni suleqatigiinnermut immikkoortortaqarfimmi pisortaq, maannakkorpiaq inunnik tallimanik sulisoqarpoq.

Atorfimmi atugassarititaasut

Atorfik akissaateqarfimmi LR 36-mi maanna inissisimavoq.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Qinnuteqarfissaq

Qinnuteqarfissaq ulloq kingulleq 10. september 2025

Akissarsiat atorfeqartitaanermilu atugassarititaasut:

Atorfik akissaateqarfimmi LR 36-mi maanna inissisimavoq. 1. april 2024 LR 36-mi tunngaviusumik akissarsiaq tapiillu aalajangersimasut soraarnerusutissianullu illuartittagaq ilanngullu antterussuseqarput qaamammut Kr. 53.646 ukiumullu Kr. 643.752. Saniatigut sulisitsisoq 10%-mik utoqqalinersianut ilisisassooq.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk