Kalaallit Nunaanni Nuummut innaallagisserisoq

Tassaavit innaallagisserisoq misilittagalik, aamma Kalaallit Nunaanni Nuummi najugalik? Kiffartuussinernik, suliniutinillu suliassartallit ullut atukkat pissanganartut atorusuppigit? Taava immaqa tassaavutit suleqaterput nutaaq.

Ukiormanna februaarip aallaqqaataani Nuummi immikkoortoqarfipput ammarparput, sulilu sanaartorfigaarput. Nuummi innaallagisserisuni aalajangersimasuni siullertut tassaalissaatit immikkoortoqarfimmi pingaarutilinni ilaasoq, tassanilu kiffartuussinerit, suliniutillu iluini suliassat assigiinngiiaartut akisussaaffeqarfigilissavatit.

Nuummi allaffitsinnut atasuussaatit, tassanilu VVS-imik suliniutinut aqutsisoq atorfinitsereerparput, aammalu Innaallagisserinermik suliniutinut aqutsisumik inuttassarsiuivugut.

Ulapaarfinni Kalaallit Nunaanni immikkoortoqarfik Danmarkimi immikkoortoqarfitsinnit innaallagisserisunit, VVS-ilerisunit, silaannalersuutinillu ikkussuisartunit ikiorneqartassaaq. Tamakku sanaitigut tamatigut Danmarkimi innaallagisserisugut sulianut tunngasunik isumasiorfiginissaannut periarfissaqassaatit.

Makku neqeroorutigaagut:

· Pitsaassutsimik atuisartunillu iluarineqarnermik sammisaqarfilimmik atorfik pissanganarlunilu namminersuutigisaqarfigisaq

· Kiffartuussinerit suliniutillu iluini suliassat assigiinngiiaartut

· Atorfik angisuumik akisussaaffittalik, aamma ullut nammineq atukkavit sunniiviginissaannut periarfissalik

· Isumasioqatigiinnermut allanngoriartornermullu periarfissagissaartoq – allaat ungasianiit

· Piginnaasat malillugit aningaasarsiaqarneq

· Akileraartitsinermut malittarisassiat atuuttut malillugit suliffiup biilianik biileqarneq.

Ujarpatsigit suleqat ima ittutit:

· Innaallagisserisutut ilinniarsimasoq

· Innaallagisserisutut ukiuni arlalinni misilittagalik – ajornanngippat suliniutinik kiffartuussinernillu

· Namminersuutigisaminik sulisinnaasoq

· Namminersuutigisaminik pilersaarusiornermik, atuisartunillu attaveqarnermik misilittagalik

· Ajornaasaartoq aamma kiffartuusserusuttoq

· Biilersinnaanermut B-mut allagartalik

· Danskisut oqalussinnaallunilu allassinnaasoq – ajornanngippallu aamma kalaallit oqaasiinik.

Peqatigerusuppitigut?

Ilinnut piukkunnarpasippugut? Taava tusarfiginissat qilanaaraarput!

Sapinngisamik piaarnerpaamik qinnuteqaatit CV-llu uunga nassiutikkit: job@lytzen.dk.

Sammisaqarfittut immersuiffimmut allaguk ”Elektriker til Nuuk, Grønland” (”Kalaallit Nunaanni Nuummut innaallagisserisoq”).

Qinnuteqaatit ingerlatariuarlugit suliaraagut, qinnuteqartunilu eqqortoq nassaarigutsigu atorfinitsissavarput.

Isumaqatigiissut malillugu suliffimmi aallartittoqassaaq.

Atorfimmut apeqqutissaqaruit pisortamut Anders Nielsenimut saaffiginninnissannut tikilluaqqusaavutit, oq. +45 22 68 95 92, imaluunniit teknikkileriffimmi pisortamut Martin Søndergaardimut, oq. +45 22 68 95 70.

Erik Lytzen a/s pillugu:

Erik Lytzen a/s tassaavoq teknikkileriffittut suliffeqarfik nutaaliaq, innaallagissap, vvs-ip, savimernit, silaannarissaasarfiit, nillataartitsisarfiit, imminik ingerlatsiffiit/suliffeqarfissuit aamma CTS-ip iluini ikkussukkani ilutsinik tamanik suliaqartoq. Tassaavugut sulisut 225-t, makkulu immikkoortoqarfiit siammarsimaffigaagut: Skagen, Frederikshavn, Hirtshals, Løkken, Hjørring, Aalborg, Aarhus aamma Kalaallit Nunaanni Nuuk. Teknikkilerinermi piginnaasat tamarmik sulffeqarfimmi kattussuunnerisigut oqaasinnaarput tassaavoq: ”Sunut tamanut attavik ataaseq”.