Kalaallit Nunaanni Peqqinnissaqarfimmi piginnaanngorsaanermik sammisaqartutut siunnersorti

Imminut najoqqutassaqartitsivit, eqeersimaartuuit, aamma suliat kultureqassutsillu killeqarfii qaangerlugit piginnaanngorsaanermik soqutiginnittuuit? Kalaallit Nunaanni Peqqinnissaqarfimmi tamarmi atugarissaarnermik, sullivinnik isumannaatsuutitsinernik aamma nangitsilluni ilinniagaqarnernik anguniagaqarlutik suliaqartutut suleqatigiit akornanniilerusuppit?

HR-imi Suleqatigiit Atugarissaarneq Attassinerlu’mut siunnersortinik marlunnik inuttassarsiuivugut:

• Siunnersorti ataaseq atorfimmi aalajangersimasumi
• Siunnersorti ataaseq qaammatini arfinilinni taartaaffimmi

Atorfiit tamarmik piginnaanngorsaanermik nangitsillunilu ilinniarnernik sammisaqarfiupput, suliassallu assut siamasissutut assigiittutut issapput. Piviusutut suut suliassarisaaneranni atorfinitsitaanerup ilusaa, illillu piginnaasatit malillugit naleqqussaasoqarsinnaavoq.

Atorfiit pillugit

Kalaallit Nunaanni Peqqinnissaqarfimmi pikkorissartitsinernik nangitsillunilu ilinniagaqarnermi suliarisanik pilersaarusiornermi ataqatigiissaarinermilu siunnersortitut qitiusumik inissisimaffeqassaatit.

Suliassatit ilaatigut makkuninnga imaqassapput:

• Pikkorissartitsinermut ullorsiutinik, ukiumullu pisussanut najoqqutassaqarfimmik pilersaarusiorneq, ataqatigiissaarineq, ingerlattuakkamillu nutaanik ilalersuineq
• Pikkorissartitsinernik, ataatsimeersuarnernik ataatsimiinnernillu aaqqissuussinerit, ilanngullugit pikkorissartitsinernik nassuiaasiornerit, missingersuutit, peqataasussanik ilanngussuinerit, pisoqarfissatut inissanik inniminniinerit
• Pikkorissartitsinermut qinnuteqaatinik, aamma suliffimmi sungiusarfeqarniarluni qinnutiginninnernik sulianik isumaginninnerit
• Dronning Ingridip Napparsimmavissuani ilinniartut nakorsartitsivimmiinnerannut attuumassutilittut inuk attaviuneq
• Piginnaanngorsaanerup iluani suleqatigiikkuutaani aqutsisoqatigiikkuutaanilu ataqatigissaarinnittarlunilu ataqatigiissaarinermik sulianik isumaginnittoq
• Imaqarniliuinernik suliaqartarnerit
• Suliffiup iluani D4-mik aaqqiissutaasumi ilitsersuutinik najoqqutassanillu suliaqarlunilu nutaanik ilalersuisarnerit
• Suleqatit pisortaasullu suleqatigalugit piginnaanngorsaanermik suliassaqarfiup allanngoriartortitaaneranut ingerlattuakkatut ilalersuuteqarnerit.

Makku neqeroorutigaagut

• Atorfik tamatigoortoq, peqqinnissaqarfimmi piginnaanngorsaanerup allanngoriartortitaaneranut assut pingaarutilik
• Ullut atukkat sulianut tunngasunik unammillerfissallit, aammalu imarisanik sananeqaammillu sunniinissamut periarfissaqartut
• Assut qaffasissutut sulianut tunngasutut inissisimaffeqarlutillu suleqatigiinnermik atugarissaarnermillu sammisaqartutut suleqatigiit pimoorussisut
• Suliffeqarfik assigiinngisitaarnermik malunnaatilik, aammalu oqaatsit kultureqassutsillu killeqarfii qaangerlugit suleqatigiiffiusoq.

Ima ittutit ujarpatsigit

• Nangitatut attuumassutilimmik ilinniagalik
• Pikkorissartitsinerit, ataatsimeersuartitsinerit, nangitsillunilu ilinniagaqartitsinerit pilersaarusiornerannik soqutiginnittoq, imaluuniit misilittagaqartoq
• Imminut najoqqutassalerluni, piareersimaffeqarluni, aammalu tamarmiusumut immikkuualuttortanullu arajutsiffeqarani sulisartoq
• Suleqatigiiffippassualimmi ataqatigiissaarisutut inissisimaffigisamik iluarinnittoq.

Uagut pilluta

Tassaalissaatit HR-ip immikkoortoqarfiani tunngaveqartumi Suleqatigiit Atugarissaarneq Attassinerlu’mi ilaalersussaq. HR-ip ilaatigut sullivinnik isumannaatsuutitsinerup, inuttassarsiuinerup, sulilluni aallartitaqarnerup (onboardingip), inissaqartitsinerup, piginnaanngorsaanerup il.il. iluini suliassat isumagisarai.

Tassani sulianut tunngasutigut inooqatigiiffimmilu nukittuumik ataatsimoorfeqarpugut, sammisaralutigit akisussaaffeqarfiit, ilisimasanik paarlaateqatigiittarnerit, aamma isumagissaartuuneq.

Qinnuteqaat

Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.

Sulilerfissaq: Ull. 1. marts 2026 imaluunniit isumaqatigiissutigisaq malillugu

Qinnuteqarfissaq kingulleq: Ull. 27. februar 2026

Qinnuteqartunik oqaloqateqarnerit ataavartumik ingerlanneqassapput 

Attavissaq/at: Atorfik/iit pillugu/it paasissutissat: Aningaasaqarnermut pisortami, Pierre Vassardimi pissarsiarineqarsinnaapput, ukunatigut: oq. (+299) 55 43 43, mail: PIVA@PEQQIK.GL imaluunniit Siunnersortinut pisortami Jeanette Bjørnestadimi, oq. (+299) 55 31 01, mail: JELB@PEQQIK.GL

Ineqarneq

Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.

Innuttaassuseq

Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.

Akissarsiat atorfininnermilu atugassarititaasut

Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut

pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq

Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.

Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.

Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit. 

Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen

Kalaallit Nunaanni Peqqinnissaqarfik suliffittut pujortarfiunngilaq.

Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.

Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.

Atorfik una qinnuteqarfigiuk