Fakta
Atorfiup suussusaa: Kalaallit Nunaanni Uumasunut Nakorsaqarnermut Inuussutissalerinermullu Oqartussaaffik inuussutissalerinermut tunngasunik sullissinermik misilittagalimmik suleqatissarsiorpoq
Suliffeqarfik: Aalisarnermut, Piniarnermut Nunalerinermullu Naalakkersuisoqarfik
Qinnuteqarfissamut killigititaq: 20. apriili
Attavissaq: Anna Jespersen oqarasuaatikkut +299 34 53 53 / +299 56 62 31 imaluunniit allaffigalugu uumasut@nanoq.gl
Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
Kalaallit Nunaanni Uumasunut Nakorsaqarnermut Inuussutissalerinermullu Oqartussaaffik
Kalaallit Nunaanni Uumasunut Nakorsaqarnermut Inuussutissalerinermullu Oqartussaaffik inuussutissalerinermut tunngasunik sullissinermik misilittagalimmik suleqatissarsiorpoq
Inuussutissalerinermut tunngasunik misilittagaqarpit suliffinnullu tunngatillugu nutaanik unammilligassarsiorpit? Taamaappat Kalaallit Nunaanni Uumasunut Nakorsaqarnermut Inuussutissalerinermullu Oqartussaaffimmi (UNIO) atorfimmik pissanganartumik neqeroorfigisinnaavatsigit. Maani assersuutigalugu inuussutissalerinermut tunngasunik ineriartortitsinissamik eqqarsaateqarlutit suliatigut piginnaasatit atorsinnaavatit.
Atorfik pillugu:
Kalaallit Nunaanni Uumasunut Nakorsaqarfik Inuussutissalerinermullu Oqartussaaaffik (UNIO) Kalaallit Nunaat tamakkerlugu uumasunut nakorsaqarnermut inuussutissalerinermullu tunngasut suliassat pingaarnertut akisussaaffigai. Inuussutissalerineq pillugu inatsisip ineriartorteqqinneqarnera ilutigalugu pissanganaqisunik UNIO suliassaqarpoq.
Taamaammat suleqatissatsinnik suliassamut pikkorissusilimmik pimoorussisumillu ujaasivugut. Suleqatissarput inuussutissalerinermut tunngasuni misissuisarnerni nakkutilliisarnernilu tunngavilimmik ilisimasanik misilittakkanillu ikorfartuisinnaanissaanik aammalu sammisami siuariartortitseqataasinnaanissaanik peqataarusussusilik takorloorparput.
Atorfik Nuummiippoq ulluinnarnilu sullissinernik nakkutilliinernillu suliaqartassaatit ingerlatseqataallutillu kiisalu killeqarfinnik nakkutilliinermi (BCP) nunat isumaqatigiissutip avataaniittut aalisariutaannik nakkutilliinermi suleqataassallutit.
Pingaarnertut akisussaaffigisassat:
Kalaallit Nunaanni uumasut nakorsaattut sulinermut tunngatillugu inatsisinik malittarisassanillu suliaqaqataaneq, aammalu inuussutissalerineq pillugu inatsimmik nutaamik nutarterinermillu suliaqarnermi.
Inuussutissalerinermi tunngasuni nakkutilliineq, ilitsersuineq suliassanillu suliarinninneq, matumani suliffeqarfinni inuussutissaleriffiusunik nakkutilliineq aammalu ajornanngippat nersutinik tunisassiarineqartunik toqoraanermi misissueqataaneq.
Suliat killeqarfinni uumasut nakorsaannit nakkutigineqartunut tunngasut (EU Border Control Posts) Nuummi Sisimiunilu.
Innutaasunik sullissineq tassunga assersuutigalugit inuussutissanik, uumasunik uumasunillu eqqussisarnermut annissisarnermullu tunngatillugit siunnersuisarneq il.il..
Ilinnut tunngasut:
Uumasut nakorsaattut ilinniagaqarputit (cand.med.vet.) imaluunniit inuussutissanut tunngasunik immikkut ilinniagaqqortuujuvutit assingusumilluunniit qaffasissumik ilinniagaqarlutit.
Qinnuteqartunit nalilersuinermi illit pillutit naatsorsuutigisagut uku pingaartippagut:
inuussutissanut tunngassuteqartut soqutigisaqarfigissagitit pisortallu aqutsiveqarfiani misilittagaqarnissat,
IT-nut tunngasunik ilisimasaqarluarnissat,
allattariarsornikkut oqaatsitigullu paasiuminarsaallaqqissuussaatit,
arlalinnik oqaaseqartuunissat. Ulluinnarni allafimmi sulinermi kalaallisut danskisullu oqaatsit annertunerusumik atorneqarput, annikitsumillu tuluit oqaasii atorneqartarlutik. Kalaallisullu allassinnaaguit oqalussinnaallutillu iluaqutaassaqaaq.
Sulinermi suleqatinik, innuttaasunik oqartussaasunillu allanik qaffasissumik suleqateqarsinnaalluarnermik naatsorsuutaavoq. Taamaammat pingaaruteqarpoq illit inuttut:
tusarnaarluarsinnaasutit suleqateqarluarsinnaallutillu,
namminersorlutit sulineq nuannarissagit aammalu piffissaliussanillu malinnilluarsinnaassasutit,
ataatsikkut arlalinnik suliaqarsinnaanerit pikkoriffigissagit,
ikiorneqarnissamik amigaateqalissagaluaruit aperisinnaanissamut sapiissuseqassasutit.
Immikkoortortaqarfimmi inussiarnersumik pitsaasumillu imminnut oqaluuttarfiusumi isumagissaarneq pingaartinneqarpoq.
Akissarsiat atorfinitsitaanermilu atugassarititaasut:
Akissarsiat atorfinitsitaanermullu tunngasut, taakkununnga ilaallutik atorfinikkiartorluni soraarnermilu angalanissanut pequtinillu nuussinermut tunngasut atorfininnerup nalaani Namminersorlutik Oqartussat kattuffiullu ilaasortaaffigisap isumaqatiginninniarsinnaatitaasup akornanni isumaqatigiissutit malillugit aalajangerneqassapput.
Qinnuteqartunut tjenestemanditut atorfeqareersunut tjenestemanditut atorfinitsitsisoqarsinnaassaaq. Kalaallit Nunaanni Namminersornerullutik Oqartussani kommuninilu tjenestemandit pillugit Inatsisartut inatsisaat nr. 21, 18. december 2003-meersooq naapertorlugu tjenestemanditut atorfinitsitsisoqassaaq.
Sapaatip akunneranut 40 tiimit suliffiussapput.
Paasissutissat allat
Atorfik pillugu paasisaqarnerorusukkuit Uumasunut Nakorsaanermut Anna Jespersen-imut attaveqarnissannut tikilluaqquneqarputit uunga oqarasuaammut +299 34 53 53 / +299 56 62 31 imaluunniit uunga allagaqarlutit uumasut@nanoq.gl. Eqqaamajuk Nunatta Danmarkillu akornanni akunnernik pingasunik nikingassuteqarmat.
Kalaallit Nunaanni pinngortitarsuaq alutornarluinnartuuvoq silamilu nammineerluni sammisassarsiornissamut periarfissaqarluarluni. Nuuk 20.000-it missannik innuttaassuseqarluni Kalaallit Nunaanni illoqarfiit pingaarnersaraat annersaralugulu. Illoqarfik kulturikkut illoqarfittullu pisoorsuuvoq kiisalu meeqqanut, inuusuttunut inersimasunullu sunngiffimmi susassaqartitsisarluni. Pinngortitami qaqqarsuit kangerluillu kusanaqisut illoqarfiup qeqqaniit qanittuaraapput sunngiffimmilu silaannarmiinnissamut periarfissarissaartitsisarlutik.
Kalaallit Nunaat Namminersorlutillu Oqartussat pillugit annertunerusumik paasisaqarusukkuit, ugguuna atuarsinnaavatit:
Kalaallit Nunaanni kalaallit oqaasii pingaarnersaapput. Kissaatigigukku, piffissap suliffiusup nalaani kalaallit oqaasiinik ilinniartinneqarnissaq neqeroorutigineqarsinnaavoq.
Qinnuteqaat
Qinnuteqaat kingusinnerpaamik ulloq 20. april 2026-imi Aalisarnermut, Piniarnermullu Naalakkersuisoqarfimmit tiguneqareersimassaaq.
Atorfinitsitsiniarluni oqaloqatiginninnerit ingerlaavartumik pissapput elektroniskimillu attaveqaatitigut ingerlanneqarsinnaallutik.
Ulloq atorfiniffissaq tassaavoq 1. maj 2026 isumaqatigiissuteqarnikkulluunniit piaartumik kingorna atorfinitsitsisoqassaaq.
Qinnuteqaammut ilinniakkanut uppernarsaatit attuumassuteqartut nuutinneri ilanngullugit kiisalu siusinnerusukkut suliffigisimasanit oqaaseqaatit qinnutigineqassapput ataani iserfigisassakkut nassiunneqassapput.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
