Kalaallit Nunaat nunarsuarmut nittarsaakkusuppiuk?

Siuarsimalaartuarneq ileqqoraajuk? Taannaasoq tuttunniarnissamut qaavatigut sutugassanik piareersaasartoq? Pisoqariataarnissaanut sillimajuartoq? Imaluunniit taannaasoq kaffillernissamut isumagisassat kingulliit pillugit isumagisarnerini ilaquttanit ikiortikkumallutik sianerfigineqartartoq? Ikiuukkumatuit? Taava neriuppunga una atuakkat nangeqqikkusussagit.

Taavanimi ullut tamaasa sullitatta angalanissaannut isumaginninnermut ikiuisarpugut. Uagut isumagisarparput sullitatta angalanissaminnut suliassat assigiinngitsut eqqarsaatiginnginnissaat, taamaasillutik Kalaallit Nunaannut suliartornissaminnut imaluunniit inuunerminni misigisassarsiornissaminnut tikinnissartik taamaallaat eqqarsaatiginiassammassuk.

Taamaammat aamma pingaaruteqarpoq siulliulaarluni piareersimajuaannarnissaq, piffissami kingullermi sila pissutigalugu angalanerup allanngorterasaarnissaanut sillimasariaqartarneq pisinnaasarmat. Imaluunniit kikkulluunniit tikeraartut aallannginnerminni nunannguatsinni kusanaqisumi sumiiffinni pinngitsooratik takusariaqavigaannik nalunngisaqarneq.

Suut pisinnaagikka naatsorsuutigaasigit? 

Pisariaqartipparput illit tamakkiisumik isiginnissinnaassuseqartutit, aaqqissugaasumik suleriuseqartutit ilungersunartunillu nalaataqariasaarnermi aaqqiissutissanik ujartuillaqqissuusutit. Tamatuma saniatigut sullitatta pitsaasumik sullinneqarnissaat qulakkeerniarlugu qaavatigut isumaginnilaarsimanissat nuannarigit, nalussanngikkaallu angalanissaanni aqqutaa tamaat isumageqqissaaripput.

Angalanermut suliassaqarfimmit misilittagaqartariaqanngilatit, kisianni iluaqutaassaaq Amadeus ilisimasaqarfigereerukku imaluunniit nassiusinermut systemit (distributionssystemer) allat nunat tamalaani atorneqartut ilisimasaqarerfigereerukkit.

· Sullissilluarnissamik siunertaqartuusutit

· Aaqqissukkamik suleriuseqartutit

· Aaqqiissutissanik ujartuillaqqittutit

· Oqaatsini kalaallisut, tuluttut, danskisut immaqalu oqaatsit sisamaannik piginnaasaqarluartutit

· Tutsuiginartutit akisussaassuseqarlutillu

· Angalatitsivinnit misilittagaqartutit iluaqutaassaaq, kisinni piumasaqaataanngilaq

Uannut suut neqeroorutigaasigit? 

Taavanimi suliffiup pitsaasuunissaanut sinaakkusiinissatsinnut annertuumik suliniuteqarusuttarpugut. Suliffiup sumiiffianut tunngatillugu eqaatsumik suleriuseqarpugut, sullitattalu sumiiffii tunngavigalugit nalunaaquttap nikinganeri pissutigalugit aamma nal. 8.00-imiit 16.00-imut suleqqissaanngikkaluarluni allatigut aamma periarfissaqarpoq. Iluarissavarput Nuummi suleqatitit issiaqatigalugit sulisassasutit, kisianni nunatsinni sumiiffimmi allamiikkuit imaluunniit nunarsuarmi allamiikkuit tamanna akimmiffiinngivippoq. Tamanna ajoriffissaqartinngilarput.

Neqeroorutigaavut:

· Sapaatip akunneri arfinilinni akilikkamik sulinngiffeqarneq

· Ilinniarnissamik pikkorissarnissamillu periarfissaqarneq

· Angerlarsimaffimmi sulisarnissamut periarfissaqarneq

· Suleqatit nuannersut

· Piffissaq suliffiusoq eqaatsoq

· Illoqutigiinnut sulinngiffeqarnermut atatillugu akiliunneqarluni angalaneq

· Piukkunnaat piginnaasallu aallaavigalugit akissarsiat

Qinnuteqartuni eqqortup, uagutsinnik nuannarinnilluni suleqatiginnikkusuttup naninissaata tungaanut ujartuissaagut. Qinnuteqaatit pisortatsinnut Helle Pedersenimut nassiuguk uunga, helle@taavani.gl

Qinnuteqartuni naapertuuttut ingerlaavartumik oqaloqatigisassavagut, qinnuteqartoq eqqortoq imaluunniit qinnuteqartuni naleqqunnerpaaq nanigutsigu atornitsitsissaagut.

Taavani ApS pillugu

Taavani ApS suliffeqarfiuvoq Inuussutissarsiortunut angalatitsiviusoq aammalu Destination Management Company-usoq nunatsinni pilersinneqarsimasoq. Massakkut allaffipput Nuummi ataatsimut allaffeqarfimmiippoq inuppassuit isumassarsiorfissaqqissut akornanniilluni.

Suliffeqarfiit Kalaallit Nunaanniittut angalanissamut pilersaarusiornissamik, angalanissaannik suliaqarnermik kiisalu kinguaattoortoqarnerani taamaatittoqarneranilu malitseqartitsillutalu ikiuisarluta.

Tamatuma saniatigut nunat tamalaani angalatitsisut ikiortarpavut Kalaallit Nunaata ornitassatut tuniniarnissaanut. Kalaallit Nunaanni periarfissat pitsaanerpaat ujartornissaannut ikiortarpavut. Taakku sullinnerini aningaasat amerlanerpaat Kalaallit Nunaata iluaniiginnarnissaat suliniuteqaqataaffigisarpaat, takornariaqarnermut ineriartortitsinissamut atugassanut aammalu sullitatik Kalaallit Nunaanni suut naatsorsuutigineqarnersut ilisimatitsissutigisarpaat, taamaasilluni qulakkeertarparput Kalaallit Nunaanni malittarisassat ileqqullu atuuttut malillugit tikeraarnissaat.

Uagut pilluta sukumiinerusumik uani atuarsinnaavutit https://taavani.gl/

Qinnuteqaativit tigunissaanut qilanaarpugut.