Kategori supporteri

Nioqqutissarsiniartartutut immikkoortoqarfitsinni naleqartitavut pingaarnertut tunngavigalugit, periusissiap kiisalu nioqqutit assigiinngitsut aqunneqarnerisa ineriartortinneqarlutik atuutsinneqarnissaanni ineriartortitsinissamut peqataarusuppit?

KNI A/S kategori supporterimik – pingaarnertut nerisassat imeruersaatillu akisussaaffigalugit - nioqqutissarsiniartarfimmut immikkoortoqarfimmut pissarsiorpoq ulloq 1. marts 2026 aallarnerfigalugu imaluunniit isumaqatigiissuteqarnikkut sulilersussamik.

KNI-p Qitiusumik kiffartuussiviani nioqqutissarsiniartarfittut immikkoortoqarfia pisiniarfinnut 64-inut kiisalu KNI Engros-imut sullissisuuvoq. Nioqqutissarsiniartartutut akisussaaffik nioqqutinut assigiinngitsunut tunngatillugu pisortanut sisamanut agguataagaavoq, taakkulu akisussaaffigaat nerisassat, atisat, atortut kiisalu engros. Taakku saniatigut atorfeqartuupput kategori supporterit, taakkulu nioqqutissanut assigiinngitsunut pisortanut, pisiniarfinnut noqqaasarfinnullu attaveqaataallutik nioqqutissarsiniartarfimmi sulinermi allaffissorluni suliassarpassuarnut akisussaasuusut. Immikkoortoqarfimmi 21-inik sulisoqarpoq.

Kategori supporteritut kategorichef qaninnertut pisortarissavat.

Kategori supporteritut ilaatigut makkuninnga suliaqartassaatit:

• Nioqqutissat paasissutissartaannik nutarteriuarneq

• Nioqqutinik ikkussuineq

• Noqqaassutinik ikkussuineq

• Piffissami killigititap iluani noqqaassutinik nassiussuineq

• Neqeroorutissanik ikkussuineq

• Suliassat assigiinngitsut takkussuuttut

Atorfinittussap makkua piginnaaneqarfigissagai piumasaqaatigaarput:

• Ulluni ulapaarfinni ataatsimut takunnissinnaasoq maluginiagassanillu tappissoq

• Anguniagaqarusussuseqartoq

• Suleqatigiuminartoq / suleqatigiittut sulisartoq

• Eqaatsumik sulisinnaasoq

Qinnuteqartumut eqqortumut neqeroorutigaagut: 

• Piginnaasat naapertorlugit immikkut isumaqatigiissuteqarnikkut akissaateqartitaaneq

• Suliffik soqutiginartoq persuarsiorfiunngitsumik ataqatigiiffiusoq, taamaattorli naleqartitatsinnik pingaartitsiviusoq

• Allaffimmi ammaannartumi sulisut nuannaartut tunniusimasullu peqatigalugit sulilissaatit.

• Atorfimmut atatillugu inissaqartitsisoqanngilaq

Atorfik pillugu paasisaqarnerorusukkuit kategorichef Jan Kristian Olsen attavigineqarsinnaavoq mailikkut: kjr@kni.gl imaluunniit oqarasuaammut: 86 24 85.

Qinnuteqaat

Qinnuteqaat sukumiisoq tunngavilersugaq, ilinniarsimanermut siusinnerusukkullu sulisimanermut nalunaarsukkanik imalik (CV), oqaaseqaatit aammalu sulisitsisorisimasavit attaveqarfiginissaanut paasissutissaq, tigoreersimassavarput kingusinnerpaamik ulloq 11. februar 2026.

Qinnuteqaat uunga nassiunneqassaaq:

KNI A/S

Sulisoqarnermut immikkoortortaqarfik

Postboks 319

3911 Sisimiut

Email: jobs@kni.gl

Kalaallit Nunaanni inuiaqatigiinni sukkasoorujussuarmik ineriartorneqarpoq, aammalumi KNI-mi taamaappoq. Tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna siammasis-sorujussuaq ataatsimoortinneqarpoq.

Kiffartuussivik Sisimiuniippoq, Kalaallit Nunaanni illoqarfiit annersaata tulliani, Qaasuitsup Killeqarfianut qanittumi inissisimasumi. Kalaallillu Nunaat tamakkerlugu 900-it eqqaasiorlugit amerlassusilinnik sulisoqarpugut, ukiumullu 2,5 mia. kr.-it pallillugit kaaviiaartittarlutigit.

Suliffeqarfissuarmik paasisimanninneq aamma tassaavoq Kalaallit Nunaata oqaluttuassartaanik, inuiaqatigiit aaqqissuussaanerannik ineriartornerannillu paasisimasaqarneq. Silarsuarmut akisussaaffilimmut unammilligassanillu qaangerniagassalimmut tikilluarit. KNI-p silarsuaanut tikilluarit.