Katsorsaanermut aqutsisoq

Kommuneqarfik Sermersooq Meeqqanut Ilaqutariinnullu Ingerlatsivik

Nuummi Meeqqanut- Ilaqutariinnullu immikkoortortaqarfik

Siunnersuinermut Ilaqutariinnillu Katsorsaanermut Sullissivimmi katsorsaanermut aqutsisumik pissarsiorpoq

Nuummi meeqqanut, inuusuttunut aamma ilaqutariinnut pinaveersaartitsineq nukittorsaaqataaffigerusuppiuk, taakkununngalu isumatuumik pingaarutilimmillu allanngueqataarusullutit – angerlarsimaffiup avataanut inissiisarnerup pinaveersaartinneqarnissaanut immikkut ukkasseqataallutit? 

Kommuneqarfik Sermersooq Siunnersuinermut Ilaqutariinnullu Katsorsaanermut Sullissivimmut soqutiginnittumik katsorsaanermut aqutsisumik pissarsiorpoq piaartumik isumaqatigiissuteqarnikkulluunniit atorfinissinnaasumik. 

Sullissivimmi ilaqutariit, meeqqat inuusuttullu tamakkiisumik isiginnittaaseqarluni sullinneqarput inooqatigiinnikkut ajornartorsiutinik unammilligassanillu assigiinngitsunik suliarinninnissaminnik kissaateqartut.

Atorfiup imaa:

Katsorsaanermut aqutsisunngortussaq suleqatigiinnut sisamanut aqutsisutut atuutissaaq. Suleqatissat pingaarnerit tassaapput sullissiviup immikkoortortamut aqutsisua aamma suleqatigiinnut sisamanut aqutsisut.

Sullissivik suleqatigiinnut sisamanut avinneqarsimavoq:

1. Suleqatigiit 1 - terapi aamma katsorsaaneq

2. Suleqatigiit 2 - ilaqutariinnut mikisunik meerartalinnut eqimattanut neqeroorut, taassuma iluani katsorsaanermik neqeroorut

3. Suleqatigiit 3 - siunnersuineq ilitsersuinerlu.

4. Suleqatigiit 4 - innuttaasup angerlarsimaffiani suliniutit

Katsorsaanermi aqutsisutut suliassatit tassaassapput:

Innuttaasunik innersuunneqarsimasunik, innuttaasup pisariaqartitai aallaavigalugit ataatsimut isiginnittumik sullissineq. Illit suliniuteqarfimmi sulianut tunngasunut nalinginnaasumik akisussaaffeqassaatit kiisalu innersuussisarneq pillugu suliaqarnissamut akisussaasuullutit. Suliat ingerlaavartumik malitseqartitsivigineqartarnissaat pillugu suliaqassaatit aamma neqeroorutit nutaat ineriartortinneqarnerannut akisussaasuussallutit taamaalillutik saaffiginnissutit tamarmik tiguneqarsinnaalertillugit. Siusinaartumik iliuuseqartarneq aamma angerlassimaffiup avataanut inisinneqarnermik pinnaveersaarneq pingaaruteqartipparput.

Suliassat arlallit ilaatigut tulliuttuni allassimasut isumagisassarissavatit:

·Innersuussutigineqartut sulianut tunngasumik katsorsaaneqarnerannut atatillugu pitsaasunik aaqqissuussanermik suleriaatsinillu ineriartortitsineq, sulianut tunngasumik katsorsaanermut atatillugu.

·Sullitat allattorsimaffiannik ingerlaavartumik suliaqarneq aamma katsorsaasarnermut pilersaarut malillugu isumaqatigiissutinik piviusunngortitsisarneq.

·Suleqatit qanimut peqatigalugit ilisimasat aamma ilisimasat nutaat suleqatigiinnut ingerlateqqinneqarnissaannik isumaginninneq.

·Suleqatit qanimut peqatigalugit sammisat naleqquttut pillugit ullut sammisassaqartitsiviit aaqqissuuttarnissaat.

·Killiffiit pillugit nalunaarusiat aamma naggasiummik nalunaarusiat pitsaassusaannik qulakkeerinnittarneq.

Qinnuteqartunut naatsorsuutigisat:

Naatsorsuutigaarput inulerisutut misilittagaqartutit. Katsorsaasutut imaluunniit inulerinerup silarsuaani ilinniagaqartuusutit, ajornanngippallu ingerlariaqqiffiusumi ilinniagaqarsimanissat.

Aaqqissuussisimanermik, aaqqissuussisarnermik aamma aqutsinermik misilittagaqarsinnaavutit aamma ineriartortitsinermut paasissutissiisarnermullu misilittagaqaruit iluaqutaassaaq.

Tamatuma saniatigut pingaartipparput, qinnuteqartoq:

∙Ineriartortitserusussuseqartoq alapernaatsuusorlu.

∙Namminersorluni suliaqallaqqissoq, taamaattorli pituttorsimanani.

∙Aqutsinermut suleqateqarnermullu pitsaasunik piginnaanilik.

∙Tamakkiisumik isiginnissinnaasoq, aaqqissussaasumik sulisinnaasoq aamma siumut pilersaarusiullaqqissoq.

∙IT-mik programminillu atuuttunik suliaqarnermut pikkorissoq.

∙Oqaloqatiginninnermik ilisimasaqartoq

∙Akuersaartumik peqataatitsiffiusumillu periuseqartoq.

∙Aaqqissugaanerup ineriartortuartup ineriartortinneqarnissaanut peqataanissamut piareersimasuusutit

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Neqeroorutigaagut:

∙Suliffik isumaqarluartoq pingaarutilillu, meeqqat angajoqqaallu pitsaasumik ineriartornerinut sunneeqataasinnaasoq.

∙Suliffimmi suliffigissaartoqarnissaanik qitiutitsisoqarlunilu ukkatarinnittoqartoq, suliffik nuannersuusoq toqqissimasuusorlu.

∙Aqutsisut nukittuut immikkoortortaqarfiit akimorlugit suleqaatigiiffiusoq. Kisimiilluni misigisimaffiunngitsoq, avitseqartigiiffiullunilu suleqatigiilluarfiusoq. 

∙Suliannut tunngasunik aallussilluarnissannut ineriartornissanullu periarfissaqassaatit suliannullu ilusilersueqataanissannut suleqatitit suleqatigalugit aamma periarfissaqassallutit

∙Aaqqissuussaaneq ineriartortortumi, isummatit sulerusussutsillu naleqartinneqassapput.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef Maliina Junge Jørgensen, oqarasuaat +299 36 80 53 imaluunniit e-mail: mjuj@sermersooq.gl imaluunniit Immikkoortortami Aqutsisoq Anna Hansen, oqarasuaat +299 36 71 83 imaluunniit e-mail: ahan@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 738-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: aggustip 6.-at, 2025

Atorfik una qinnuteqarfigiuk