FAKTA
Atorfiup suussusaa: Ilinniarnermut siunnersorti KIVITSISA-mut
Suliffeqarfik: KIVITSISA
Qinnuteqarfissamut killigititaq: juuni 12.
Attavissaq: Rune Nydam Bundgaard, oqarasuaat (+299) 594455 imaluunniit email rune@kivitsisa.gl
Taamaappat Kivitsisami atuartitsinermut siunnersortissarsiorneq aqqutigalugu tamanna periarfissarilerpat. Tassani nuna tamakkerlugu atuarfiit allanngoriartortinneranni ikorfartueqataasinnaavutit. Atuarfinni aqutsisut, ikiortit ilinniartitsisullu avitseqatigisarlugillu ikorfartussavatit. Naatsumik oqaatigalugu Kivitsisap ingerlatseqataaffigissavat! Pingaarnertut suliassatit tassaassapput alisissumit atuartitsineq alisissumillu ilinniartitsisartut ikiortarnissaat ikorfartortarnissaallu.
Nunatsinni kommunit tallimaallutik Kivitsisa suleqataaffigaat - Ilinniarfissuaq aamma Ilinniartitaanermut Aqutsisoqarfik allarpassuillu qanimut suleqatigalugit - meeqqat atuarfiisa ataatsimut siunnerfilernissaat pillugu.
Kivitsisami atuartut uninngaannaratik misissuinissaannut, pilersitsinissaannut saqqummiinissaannillu ilinniariaatsit pilersinnissaat tunngaviupput. Ingerlatsinernut taakkununnga iPad’it sakkussallu digitaliusut isumalimmik atortarpagut - inimi atuartitsiviusumi, taassuma avataani, alisissumit atuartitsinermi ilinniartitsisullu sungiusarnissaannut suleqatiginissaannullu.
Ukiuni arfiniliusuni angusagut annertupput, maannali ingerlaqqittussanngorpugut. Aningaasaateqarfimmit taperneqarnitsigut ukiuni pingasuni kisarsimanissamut pilersaarummi sammisassat soqutiginartorpassuit qulakkeerneqarput. Taakkunani pingaarutilimmik inissisimassaatit. Qanimut suleqatigut peqatigalugit ineriartornermut suliniutit ingerlatseqataaffigissallugillu atuarfiit qanimut suleqatigissavatit siunnersuisassaatit ilisimasanillu siammarterisassallutit.
Ukiuni pingasuni kingullerni meeqqat atuarfiini alisissumit atuartitsineq ingerlapparput. Atuartitsinermut siunnersortitut alisissumit atuartitsitsisut immikkut akisussaaffigissavatit, piginnaanertusarnerup naleqquttup ingerlanneqarnissaa isumagissallugu alisissumillu atuartitsinermi sumiiffinni atuartitseriaatsimi alloriarnissat tullinnguuttut aammalu alisissumit atuartitsinerup sumiiffinni ataasiakkaani nunalu tamakkerlugu piujuartuunissaanut aaqqissuussinissaq siuttuuffigissavatit.
Nuna tamakkerlugu atuarfiit suliffigisassavatit. Angalallattaartassaatit, taamaakkaluartorli Kivitsisami tunngaviusoq tassaavoq periarfissat digitaliusut pitsaanerpaamik qanoq atorneqarsinnaanerinik misissuineq - taamaammat ulloq suliffiusoq angalanngikkuit nittartakkakkut ataatsimiinnissamik, pikkorissaanermik katersuutsitsinernillu imaqarluartoq piareersimaffigissavat. Suliassartaraa taakku tamarmik isumaqalersinnissaat.
Kivitsisap allattoqarfiani pisortap ataani inissisimallutit kommunit ataatsimoorlutik ingerlataanni virtueliusumiilissaatit.
Neqeroorutigaagut:
- Suliffik ataatsimoorluni misileraaffigalutigulu ilikkariartorfigisarput.
- Suliffik nammineerlutit misileraanissannut inissaqartitsilluartoq, suleqatiginissalli ikiornissallu piareersimaffigiuassavarput
- Suliffik nalimmassarsinnaasoq, nammineerlutit ulloq suliffigisassavit pilersaarusiortarnissaa
- Nutaanik piginnaaneqalernissannut periarfissat pitsaasut
Pissarsiariniarparput makkuninnga tunniussaqarsinnaasoq:
- Kivitsisap, atuartunik suliaqartitsisunik ilinniartitsinissamut periarfissallu digitaliusut meeqqat atuarfiinik suli pitsaanerulersitsinissanut pimoorussilluarnermik upperinnilluarnermilli.
- Atuarfiit ingerlatsiviillu ataasiakkaat siunnersorsinnaanerinut suleqatiginissaannullu pitsaasunik sakkussalik
- Atuartitseriaatsimik nukittulluartumik eqqarsarneq Kivitsisalu ilinniartitseriaasianik misilittagaqarluarneq
- Alisissumik atuartitsinermut soqutiginnilluarneq alisissumillu atuartitsinerup tunngavianik pitsaanerulersitsinissamut siuttoorusussuseqarneq
- Allanngoriartortitsisimanermik misilittagaqarneq
- Suliamik suleqataasorpaaluit peqatigalugit ineriartortitsilluni suliniutinik aqutsinermik misilittagaqarneq
- Marlunnik oqaaseqartuuneq kalaallisut/danskisut
- Attaveqaqateqallaqqissuuneq
- Ullormik sulinissamut nammineq aqutsisinnaassuseqarlunilu aqutserusussuseqarneq
Atuartitsinermut siunnersortip suliassai
- Atuarfiit kommunillu ataasiakkaat siunnersornissaat, avitseqateqarnissaat suleqatiginissaallu
- Kivitsisami alisissumit atuartsitsinermi siuttuuneq, alisissumit atuartitsisut ikorfartornissaat nunalu tamakkerlugu suleqatigiinnerup ataqatigiissaarnissaa, piginnaanertusaaneq assigisaallu
- Kivitsisap suleqatigisartagaannik suliniutinik suleqateqalerneq immaqalu taakkuninnga aqutsisuuneq
- Ikiortinut, alisissumit atuartitsisunut ilinniartitsisunullu piginnaanertusartitsinissap aaqqissuunnissaat
- Kivitsisap ilinniartitseriaasia pillugu workshopertitsinissamut, atortussiassanut assigisaannillu ineriartortitsineq
- Allattoqarfik attaveqaqateqarnermik, nalunaarusiornernik allaffissornikkullu allanik suliassaqarnermi suleqatiginissaa.
Tunuliaqutit soqutigisatillu naapertorlugit suliassat assigiinngitsut annerusumik minnerusumiluunniit suliarisinnaavatit.
Akissarsiat atorfeqarnermilu atugassarititaasut
Atorfininnissaq sioqqullugu atorfiup inissisimanissaa isumaqatigiissutigineqassaaq. Atorfininnissaq 1. august imaluuoniit isumaqatigiissutaasoq naapertorlugu. Atorfiup sivisussusaa ukiunik pingasunik sivisussuseqarpoq, sivitsorneqarsinnaassaarl.
Ineqarnissaq neqeroorutigineqarsinnaanngilaq.
Akissarsiaqarnermut atorfeqarnermilu atugassarititaasut Naalakkersuisut aaqqissuussallu isumaqatiginninniarsinnaatitaasut tunngavigalugit inissitaapput.
Atorfik pillugu erseqqinnerusumik paasissutissat Kivitsisap allattoqarfiani pisortamut, Rune Nydam Bundgaard, oqarasuaat (+299) 594455 imaluunniit mail rune@kivitsisa.gl aqqutigalugit pissarsiarineqarsinnaapput.
Qinnuteqaammi allagartat naleqquttut, oqaaseqaatit, CV, pinerlussimannginnermut uppernarsaat ilanngullugit nassiunneqassapput via "Ansøg"
Ansøg
