KNI A/S allaffimmi fuldmægtigimik pissarsiorpoq

Kiffartuussilluarumaneq suliassanillu amerlasuunik ataatsikkut suliaqarsinnaaneq nuannarilluinnarpigit? Taava soqutiginarluinnartumik suliffissaqartippatsigit.

KNI A/S ikummatissaqarnermik immikkoortortaqarfia Sisimiuni allaffimmi fuldmægtigimik pikkorissumik pissarsiorpoq piaartumik immluunniit isumaqatigiissuteqarnikkut sulilersussamik.

Allaffimmi fuldmægtiginngortussap allaffissornermi aqutsisoq qaninnertut aqutsisorissavaa.

Suliassat pingaarnerit:

• Akiligassanik aqutsineq, ilanngullugit nalunaarsuineq, naatsorsuutit nikingassutaannik misissuisarneq qaammammullu naatsorsuutit suliarineqarneri.

• Tunisanut ingerlatsinermullu akiligassaliorneq

• Gassit puiaasartaannik attartortitsineq, naatsorsuineq, akiligassaliorneq, pisisartunik paasissutissanik nutarterineq, tekniske gassinut puiaasanut tunngasunik malitseqartitsineq.

• Avatangiisinut akitsuut, nukissiuuteqarnermi nioqqutit allat, perrassaatinik assigiinngitsunik noqqaanerit allanillu nakkutilliinerit.

• Uninngasuutinik aqutsineq, nioqqutissanik nalunaarsuineq kiisalu nioqqutissat akiinik naatsorsuisarneq

• Pisisartunut ulluinnarni attaveqartarneq kiisalu saaffiginnissutinik suliarinninneq

• Suleriaatsinik pitsanngorsaanermut peqataaneq kiisalu immikkoortortanut allanut ikiuunneq 

Atorfik imaattumik inuttalerusupparput:

• Allaffimmi imaluunniit aningaasaqarnermut naleqquttumik ilinniagaqarsimanissaq.

• Naatsorsuuserineq, naatsorsuutit suliarineqarneri kiisalu akiligassaliorneq pillugit misilittagaqartutit.

• Uninngasuutinik aqutsineq nioqqutissallu ingerlaarnerat pillugit ilisimasaqartutit, ilanngullugit eqqussorneqartunik nioqqutissanik nalunaarsuineq.

• IT-mik piginnaasaqartutit kiisalu ERP- aamma aningaasaqarnermut systeminik misilittagaqartutit.

• Microsoft Dynamics 365 aamma AX kiisalu Microsoft Office-pakkemik pingaartumillu Excelimik atuisinnaaguit iluaqutaassaaq.

• Uninngasuutinik aqutsineq, nioqqutissanik nalunaarsuineq kiisalu nioqqutissat akiinik naatsorsuisarneq pillugit ilisimasaqartutit.

• Aaqqissuussamik, aaqqissuulluakkamik suleriaaseqartutit, pitsaassutsimut sukumiisuunermullu pingaartitsisutit.

• Sullissilluarusuttoq, naleqqussarsinnaasoq aalajaatsorlu.

• Pisuni ulapaarfiusuni eqqissisimasumik sulisinnaasoq.

• Nammineerluinnarluni sulisinnaasoq aammalu suleqatinik suleqateqarluarsinnaasoq.

• Kalaallisut, qallunaatut ajornanngippallu tuluttut oqaatsinik atuilluarsinnaasoq. 

Neqeroorutigaagut:

• Akissarsiat piginnaasat naapertorlugit immikkut isumaqatigiissuteqarnikkut.

• Inuiaqatigiinnut pingaarutilimmik sullissiviusumi atorfik assigiinngiiaartunik imaqartoq, namminersorluni akisussaaffeqarnermik.

• Suleqatit tunniusimasut kiisalu sulinermut tunngasumik ineriartornissamut periarfissat pitsaasut.

• Suliffeqarfiup iluani immikkoortortaqarfiit assigiinngitsut akornanni qanittumik suleqatigiinneq kiisalu pilersuisunik avataaneersunillu sullitanik ingerlaavartumik attaveqarneq.

• Atorfinitsinneqartumut Sisimiut avataaneersumut inissaqartitsisoqarsinnaavoq, tassungalu qularnaveeqqut, ineqarnermut akiliut, atuineq il.il. akilerneqartassapput inatsisit malillugit.

• Nuunnermi angalanermi kiisalu pequtit angallannerannut akiliunneqarneq. 

Atorfimmut soqutiginnillutit paasisaqarnerorusukkuit naatsorsuusiornermi ikiorti Hanne Kreutzmann oqarasuaatitigut sianerfigisinnaavat: +299 86 23 67 mailerfigaluguluunniit uunga hkv@kni.gl.

Qinnuteqaat:

Qinnuteqaat sukumiisumik tunngavilersugaq, ilinniarsimanermut siusinnerusukkullu sulisimanermut allattukkanik imalik(CV), oqaaseqaatit aammalu sulisitsisorisimasappit attaveqarfiginissaanut paasissutissaq, tigoreersimassavarput kingusinnerpaamik ulloq 29. juli 2026.

Qinnuteqaat uunga nassiunneqassaaq:

KNI A/S

Sulisoqarnermut immikkoortortaqarfik

Postboks 319

3911 Sisimiut

E-mail: jobs@kni.gl