KNI A/S-imut pisortaaneq

Kalaallit Nunaanni suliffeqarfiit pingaarnerit ilaanni siuttuusinnaasumik kiisalu niuernikkut anguniakkat inuiaqatigiinnullu akisussaaffik oqimaaqatigiissillugit suliffeqarfiup ingerlaavartumik ineriartortinneqarnissaanik qulakkeerinnissinnaasumik KNI pisortaanissarsiorpoq.

Atorfik KNI-p suliffeqarfissuanik ingerlatsinermut, aningaasaqarnikkut ineriartorneranut, aaqqissuussaanikkut aqutsinermut kiisalu siulersuisut suleqatigalugit periusissatigut sammivissaanut tamakkiisumik akisussaaffeqarnermik imaqarpoq.

Pisortaanerup siulersuisut, piginnittut (Kalaallit Nunaanni Namminersorlutik Oqartussat), pisisartut, sulisut, suleqatit, oqartussaasut innuttaasullu akornanni soqutigisaqartut assigiinngitsorpassuit akornanni ingerlatsinissaminut piginnaasaqarnissaa pisariaqarpoq. Taakkualu saniatigut nunarput tamakkerlugu ulluinnarni ingerlatsinerup pitsaasuunissaanik ingerlaavartuunissaanillu qulakkeerinnissalluni.

Pisortaaneq KNI-p siulersuisuinut toqqaannartumik nalunaaruteqartassaaq suliffeqarfissuullu tamarmiusup aqunneqarneranut akisussaasuussalluni.

Pisortaanerup nutaap pingaarnertut akisussaaffigissavai:

·      Kalaallit Nunaanni tamarmi pilersuinerup tatiginartumik pitsaasumillu ingerlanissaa qulakkiissallugu

·      KNI-p periusissiaa piviusunngortissallugu suliffeqarfiullu anguniagaasa anguneqarnissaat qulakkeerlugu

·      Aningaasaqarnerup pitsaasuunissaa, sinneqartooruteqarnissaq aamma sivisuumik piujuartitsisumik ineriartornissaq qulakkiissallugit

·      Suliffeqarfimmi aaqqissuussaanermik ineriartortitsissalluni aqutsinermilu kulturi nukittorsassallugu

·      Digitaliseeriineq, nutaaliorneq suleriaatsillu pitsaasut siuarsassallugit

·      Suliffeqarfiup aqutsinikkut malittarisassatigut piumasaqaataasa, inatsisit malinneqarnerisa aammalu aarlerinaatinik aqutsinerup qulakkiissallugit

·      Piginnittoq aammalu soqutigisaqartut pingaarutillit allat suleqatigalugit suleqatigiinnerup ineriartortinneqarnera nangittumillu nukittorsassallugit

·      KNI-p suliffeqarfittut nutaaliaasutut kalaallisut tunngavilittut pitsaasumik tusaamaneqarnerata inissisimaneratalu nukittorsarnissaa

·      Sulisunik aqutsisunillu ineriartortitsinermut tapersiissalluni

·      KNI-p inuiaqatigiinni suliassaminik pisussaaffiliunneqartunik akisussaaqataallunilu pitsaassuseqartumik ingerlatsisarnissaa ataavartissallugu

Qinnuteqartup piginnaasai misilittagaalu:

Qinnuteqartoq piukkunnartoq pisortaanertut misilittagaqarluassaaq aammalu suliffeqarfinni angisuuni pisariusunilu aqutsinikkut uppernarsarneqarsinnaasunik angusaqarluarsimasuussalluni. Aammattaaq makku pingaartinneqarput:

·      Aqutsisunik aqutsinermik suliffeqarfinnillu angisuunik aqutsinermik misilittagaqarneq

·      Periusissianik atuutilersitsinermik ineriartortitsinermillu misilittagaqarneq

·      Allannguinernik aqutsinermik suliffeqarfimmillu nutarternermik misilittagaqarneq

·      Aningaasaqarnermik aqutsinerup inuussutissarsiornermillu ineriartortitsinerup iluani uppernarsaasersorneqarsinnaasunik angusaqarsimanissaq

·      Digitaliseeriinermut nutaaliaasumut suliffeqarfimmillu ineriartortitsinermut misilittagaqarneq

·      Soqutigisaqartut assigiinngitsut qaffasissumik suleqatiginissaannik misilittagaqarneq

·      Politikkikkut oqartussaasunillu suleqatiginninnermik misilittagaqarneq

·      Inuussutissarsiornermik ineriartortitsinermik misilittagaqarneq kiisalu inuiaqatigiinnut niuernermullu tunngasunik pitsaasumik paasinninneq

·      Assartuinermut, siammarterinermut pilersuinermullu tunngasunik misilittagaqarneq

·      Kalaallit Nunaannut, kalaallit kulturiannut aammalu nunap attaveqaasersugaaneranut ilisimasaqarnermik imaluunniit attuumassuteqarnermik misilittagaqarneq. Kalaallit oqaasiinik atuisinnaaneq iluaqutaassaaq

Qinnuteqartup inuttut piginnaasai:

·      Tunniusimasoq, anguniagaqartoq aammalu tatiginninnermik pilersitsisinnaasoq

·      Attaveqaqatigiinnermi piginnaaneqarluartoq, suliassanut suleqateqarnernullu tunniusimalluni pitsaasumillu isiginnittaaseqartoq

·      Suleqatiginnillaqqissoq, sulisunik suleqatinillu isumassarsisitsisinnaasoq, kajumissaarisinnaasoq ineriartortitsisinnaasorlu

·      Inunnik paasinnilluartoq aammalu tatiginartoq, naammagittartoq oqimaaqatigiissumillu suleriuseqartoq, peqatigitillugulu inunnik kulturinillu paasinnissinnaasoq

·      Sullisserusussuseqartoq aaqqiissuteqarusuttorlu, teknologit nutaat pioreersullu niuernermullu attuumassuteqartut akornanni ataqatigiissutsinik paasinnissinnaasoq

·      Aqutsisutut misilittagalik, misissueqqissaarnermik tamakkiisumillu isiginnissinnaanermik piginnaasaqarluartoq kiisalu ineriartortitsinermik pingaartitsisoq

·      Tatiginninneq tunngavigalugu aqutsisoq aammalu sulisut ineriartortinnerat kajumilersinnerallu pingaartillugit aqutsinermut periuseqarluartoq

Qinnuteqarneq

KNI A/S-ip assigiinngissitaassuseq nukittuffittut isigaa, taamaattumillu soqutiginnittut piukkunnartullu tamarmik, ukiui, suiaassusaat, nagguiit, upperisaat kiisalu nagguimmit tunuliaqutaat apeqqutaatinnagit, atorfimmut qinnuteqarnissaannik kaammattorpai.

Atorfik pillugu paasissutissat annertunerusut Odgers-imi partner Flemming Riber oqarasuaatikkut +45 24 88 87 12 imaluunniit partner Sigrid Johansen oqarasuaatikkut +45 26 31 16 17 attavigalugit pissarsiarineqarsinnaapput.

Atorfik soqutiginartikkukku CV aammalu qinnuteqaat tunngavilersugaq uunga nassiunneqassapput: infodk@odgers.com kingusinnerpaamik ulloq 4. septemberi 2026.

KNI pillugu

Kalaallit Nunaanni niuernermik suliffeqarfiit annersaat ilaat, KNI, 800-t missaaniittunik sulisoqarpoq nunarpullu tamakkerlugu illoqarfinni nunaqarfinnilu 68-iusuni agguataarsimallutik. Suliffeqarfissuaq suliffinnik immikkoortortaqarfinnut tallimanut avitaavoq, ukiumoortumillu katillugit 2,5 mia. koruuninik kaaviiaartitaqartarluni.

KNI suliffeqarfiuvoq nutaaliaasunik inuussutissarsiornermut tunngaviusunik ingerlatsisoq, Kalaallit Nunaanni inuiaqatigiinni inuussutissarsiornermilu unammilligassat annertuut ingerlaavartumik naleqqussarfigalugit.