Kommune Kujalleq Isumaginninnermi pisortassarsiorpoq

Kalaallit Nunaanni kommunimi isumaginnittoqarfiup imartoqisup pingaaruteqaqisullu siumut aallarteqqinniarneqarnerani ineriartortinneqarneranilu siuttoorusuppit?

Kommune Kujalleq Isumaginninnermi Pisortassarsiorpoq kommunip inuit atugaannik sullissiviani pingaarnerpaami akisussaaffimmik tigusisinnaasumik - ulluni suliap pitsaassusianik, aningaasaqarnermik aqutsinermik aaqqissugaanerullu iluarsaanneqarneranik isiginnileruttorfimmi.

Atorfik isumaginninnermi aqutsinermut misilittagaqarluartumut taavalu ilisimasanik tunngaveqarnermik, aqutsisutut sunniuteqarsinnaassusermik suliffimmilu politikkikkut aqutaasumi allorarfissanik isigisaqarnermik ataatsikkoorussisinnaasumut naleqquttuuvoq.

Atorfik pillugu

Isumaginninnermi pisortatut Kommune Kujallermi isumaginnittoqarfiup ingerlanneqarneranut, ineriartortinneqarneranut kiisalu aningaasaqarneranut ataatsimut akisussaassaatit. Kommunip pisortaanera qullersarissavat kommunimilu pisortaqatigiinnut ilaassallutit.

Isumaginnittoqarfik annertoqisunik suliassaqarpoq, soorlu:

• Ilisimasanik tunngaveqarluni suleriaatsinik pilersitseqqinneq nukittorsaanerlu.
• Aningaasaqarnermik aqutsineq pitsaanerusoq paasiuminarnerusorlu.
• Aqutsinikkut aaqqissugaanikkullu kulturi nukitooq ineriartortissallugu.
• Suliassaqarfik akisussaaffigiunnaarallagaq pillugu oqartussanik avataaneersunik suleqateqarneq.

Atorfik Qaqortumi inissisimavoq kommunilu tamarmi suliffiussammat pisariaqarnera malillugu angalasoqartassalluni.

Akisussaaffiit qitiusut

Isumaginninnermi pisortatut illit makku tamakkiisumik akisussaaffigivatit:

• Isumaginnittoqarfimmi allorarfissat isigalugit piginnaasanillu tunngaveqarluni aqutsineq.
• Immikkoortortami aqutsisuik sulisunillu siulersuineq.
• Missingersuutinut akisussaaffik kiisalu aningaasaliissutit iluanni aningaasaqarnermik aqutsineq.
• Suliassat isumagineqarneranni suliniuteqarnermilu ilisimasanik tunngaveqarnissaq inatsisinillu malinnilluarnissaq qularnaassallugu.
• Periusissianik, politikkinik iliuusissatullu pilersaarutinik ineriartortitsineq atuutsitsilernerlu.
• Pisortaanernut qinikkanullu siunnersuisarneq.
• Ingerlatsivinnik allanik avataanilu suleqatinik suleqateqarneq.

Isumaginnittoqarfimmi namminermi kiisalu qinikkat peqatigalugit patajaassusermik, siunnerfeqarnermik tatiginninnermillu pilerseqqinniarnermi qitiusumik inissisimassaatit.

Kommune immikkut inissisimasoq

Isumaginnittoqarfiup ilaa iperarneqarallarsimavoq, kiisalu suliassat ilaat Naalakkersuisunit akisussaaffigineqalersimagallarlutik. Taamaammat Isumaginninnermi pisortatut makkunani pingaarutilimmik inissisimassaatit:

• Suliassaqarfiit iperarneqarallarsimasut pillugit Naalakkersuisunik suleqateqarneq.
• Aqulluakkamik suliassanik tiguseqqinnerup piareersarneqarnera piviusunngortinneqarneralu.
• Isumaginnittoqarfiup, sulinermi ilisimasanik aallaaveqarnerup aqutsilluarnerullu ineriartorteqqinneqarneri.
• Innuttaasut, sulisut suleqatillu toqqissisimanissaanik qularnaarineq.

Tamanna suliassarujussuuvoq - aammali Kalaallit Nunaanni isumaginninnerup ineriartorneranut sunniuteqarnissamut qaqutigoortumik periarfissaavoq.

Isumaginninnermi pisortassarsiorpugut imaattunik piginnaasalimmik:

• Isumaginninnermi aqutsinermut misilittagaqarluartoq, ajornanngippat suliffeqarfimmi politikkikkut aqutaasumi.
• Aningaasaqarnikkut aqutsinermut missingersuutinillu malitseqartitsinermut misilittagaqarneq.
• Suliassaqarfimmi aalajangiinerit, aningaasaqarnerup suliffiullu aaqqissugaanerata ataqatigiinnerinik paasisimasaqarluarneq.
• Allorarfissat isigalugit sulisinnaasoq saniatigullu ingerlatsinerup patajaatsuunissaa qularnaarlugu.
• Aqutseriaatsinni erseqqissuusutit, tatiginnilersitsisarlutit aalajangiisinnaassuseqarluarlutillu.
• Attuumassuteqartorpassuit akornanni sulisinnaasutit suleqatigiinnermillu pilersitsillutit.
• Inuiaqatigiit kalaallit kulturilu ilisimasaqarfigigitit - imaluunniit paasinissaannut assut kajumissuseqartutit.

Naleqqutumik ingerlaqqiffiusumik ilinniagaqarsimanissaq piumasaqaataavoq; saniatigut aqutsinermut ilinniagaqarsimanissaq iluaqutaassaaq.

Neqeroorutigaavut 

• Qitiusumik pisortatut suliffik innuttaasunut inuiaqatigiinnullu assut pingaarutilik.
• Ineriartornermut, aaqqissugaanermut suliallu pitsaassusiisigut sunniuteqassallu piviusumik periarfissaq.
• Aqutsisunik politikkikkullu siuttunik qanimut suleqateqarneq.
• Pisortatut atorfik kajungernartoq namminersorsinnaaffiulluartoq akisussaaffeqarfiusorlu.
• Kujataani immikkuullarissunik pinngortitalimmi inuiaqatigiittullu atugassaqarfiusumi sulineq.

Atorfik pisortanut isumaqatigiissut nutaaq 12. juni 2025-meersoq naapertorlugu akissarsiaqartitsisoqassaaq, akissaateqarfiillu 38-annut inissinneqarsimalluni. Inissaqartitsisoqassaaq, taavalu atorfininnermi soraarnermilu angalanermut akiliussisoqassaaq kiisalu pisattat angallanneqarnerannut akiliussisoqassalluni malittarisassat atuuttut naapertorlugit.

Atorfinissagaani meeqqanik pinerliisimannginnermut uppernarsaammik pissarsisimasariaqarpoq.

Qinnuteqarneq sulisussarsiornerullu ingerlanissaa

Sulisussarsiorneq Thomsen Consultingimit isumagineqassaaq. Kingusinnerpaamik qinnuteqarfissaq tallimanngorneq ulloq 30. januari 2026 nal. 12.00. Kommunimi pisortaanertaassap isumaqatigiissusiornerup kingorna piaarnerpaamik atorfininnissaa Kommune Kujallermit kissaatigineqarpoq.

Sulisussarsiornermut tunngatillugu apeqqutit Niels Thomsenimut oqarasuaammut angallattakkamut +299 586636 / +45 5432 8408-mut saaffiginnissutigineqassapput mailerutigalugilluunniit uunga niels@thomsen.gl.

Apeqqutit atorfimmut tunngasorpiaat Kommune Kujallermi kommunip pisortaaneranut imaluunniit aningaasaqarnermut pisortanut saaffiginnissutigineqarsinnaapput.