Fakta
Atorfik suussusaa: Kommune Kujalleq Meeqqeriveqarnermut, Atuarfinnut, Sunngiffimmut Kulturimullu Ingerlatsivimmi pisortassarsiorpoq
Suliffeqarfik: Kommune Kujalleq
Qinnuteqarfissamut killigititaq: januaari 30-at
Attavissaq: Niels Thomsenimut oqarasuaammut angallattakkamut +299 586636 / +45 5432 8408-mut saaffiginnissutigineqassapput mailerutigalugilluunniit uunga niels@thomsen.gl.
Kommunip inuiaqatigiinnut tunngasunik ingerlatsiviisa pingaarnersaat siuttuuffigerusuppiuk?
Kommune Kujalleq misilittagartuumik iliuuseqarsinnaassuseqartumillu Meeqqeriveqarnermut, Atuarfinnut, Sunngiffimmut Kulturimullu Ingerlatsivimmi pisortassarsiorpoq, pisortaq piginnaasanik annertuunik aallaaveqarluni, erseqqissumik siulersuilluni kiisalu suliassaqarfinnik meeqqanut, inuusuttuaqqanut najukkamilu inuiaqatigiit ineriartornerannik tamatigoortumik aqutsisinnaalluni ingerlatsisuussaaq.
Atorfik kommunip allaffissornikkut aqutsisuini qullerpaanut ilaavoq koommunimilu angisuumi, immikkuullarissunik atugaqarfiusumi pingaarutilimmik ingerlatsinermullu qanittumik akisussaaffeqarfiulluni - ineriartornissamullu annertuumik periarfissaqarluni.
Kommune akisussaaffilik periarfissalillu
Kommune Kujalleq Nunatsinni kommunini kujallerpaajuvoq, taavalu illoqarfittaqarpoq nunaqarfittaqarlunilu annertuumik ataatsimoornermik misigiffiusunik, najukkami immikkuullarissuteqartunik assullu assigiinngissitaartunik atugassaqarfiusunik. Innuttaasunut qanilluni inuit atugaannut tunngasunik suliaqarfiusuni - pingaartumik meeqqanut, inuusuttuaqqanut, ilinniagaqarnermut kulturimullu tunngasunik pitsanngorsaanissaq, ataqatigiisitsinissaq nammanneqarsinnaasumillu ingerlanissaq kommunimit sulissutigineqarpoq.
Ingerlatsivimmi pisortatut suliami tassani pingaaruteqarlutit inissisimalissaatit.
Atorfik - akisussaaffiit suliassallu
Ingerlatsivimmi pisortatut makkunani allaffissornermi periusissatigut, suliatigut allaffissornikkullu aqutsinermi pingaarnertigut akisussaavutit:
- Meeqqeriveqarneq
- Atuarfeqarneq
- Sunngiffimmi kulturimullu tunngasut
Kommunip pisortaanera qullersarissavat kommunillu allaffissornikkut aqutsisuinut ilaassallutit.
Suliassatit pingaarnerit ilaatigut tassaassapput:
- Suliassaqarfimmi pingaarnertigut aqutsineq ineriartortitsinerlu pitsaassuseq, ataqatigiissitsineq sunniuteqarnerlu qitiutillugit.
- Aqutsisunik siulersuineq, soorlu inunnik sullissivinni atuarfinnilu aqutsisunik.
- Missingersuutinut akisussaaneq, aningaasaqarnermik aqutsineq kiisalu ingerlatsivimmut atugassiissutaasuni tamarmiusuni pingaarnersiuineq.
- Suliat piginnaasaqarluni assigiissaartumilu ingerlanneqarnissaat qularnaassallugu, kiisalu suliniutit ingerlatsinerullu inatsisit naapertorlugit ingerlanneqarnissaat qularnaassallugu.
- Aalajangiinissamut tunngavissiorneq kiisalu qinikkanik sullissineq.
- Politikkikkut anguniakkanik periusissianillu timitaliineq.
- Kommunimi suliassaqarfiit akimorlugit siulersuinermut ineriartortitsinermullu peqataassalluni.
- Avataaneersunik attuumassuteqartunik suleqateqarneq, soorlu Namminersorlutik Oqartussanik kiisalu suleqatinik allanik.
Qanoq ittuunerit - misilittakkat piginnaasallu
Assorujussuaq pingaartipparput suliassap kivinnissaanut suliatigut aqutsinikkullu eqqortunik piginnaasaqarnissat. Tunuliaquttat qanoq ittorpiaanersoq allanngorarsinnaavoq.
Naatsorsuutigaarput illit:
- Aqutsinermut misilittagaqarluartutit - ajornanngippat aqutsisunik aqutsinermut.
- Meeqqeriveqarnermut, atuarfeqarnermut, sunngiffimmut imaluunniit kulturimut tunngasut arlaannik ataatsimik arlalinnilluunniit misilittagaqarfeqartutit.
- Pisortat suliffeqarfianni aningaasaqarnermik aqutsinermut pingaarnersiuinermullu uppernarsakkamik misilittagaqartutit.
- Suliffeqarfimmik politikikkut aqunneqartumik misilittagaqarlutillu paasisimasaqartutit.
- Allorarfissatit isigalugit sulisinnaasutit, tamatumali peqatigisaanik ingerlatsineq, pitsaassuseq siumukarnerlu qularnaarsinnaagitit.
- Aqutseriaatsinni erseqqissuusutit, tatiginnilersitsisarlutit aalajangiisinnaassuseqarluarlutillu.
- Qinikkanik, aqutsisunik, sulisunik, avataanilu soqutiginnittunik pitsaasumik suleqateqarsinnaasutit.
Naleqqutumik ingerlaqqiffiusumik ilinniagaqarsimanissaq piumasaqaataavoq; saniatigut aqutsinermut ilinniagaqarsimanissaq iluaqutaassaaq.
Neqeroorutigaavut
- Qitiusumik pisortatut suliffik innuttaasunut inuiaqatigiinnullu assut pingaarutilik.
- Ineriartornermut, aaqqissugaanermut suliallu pitsaassusiisigut sunniuteqassallu piviusumik periarfissaq.
- Aqutsisunik politikkikkullu siuttunik qanimut suleqateqarneq.
- Pisortatut atorfik kajungernartoq namminersorsinnaaffiulluartoq akisussaaffeqarfiusorlu.
- Kujataani immikkuullarissunik pinngortitalimmi inuiaqatigiittullu atugassaqarfiusumi sulineq.
Atorfik pisortanut isumaqatigiissut nutaaq 12. juni 2025-imeersoq naapertorlugu akissarsiaqartitsisoqassaaq, akissaateqarfiillu 38-iannut inissinneqarsimalluni. Inissaqartitsisoqassaaq, taavalu atorfininnermi soraarnermilu angalanermut akiliussisoqassaaq kiisalu pisattat angallanneqarnerannut akiliussisoqassalluni malittarisassat atuuttut naapertorlugit.
Atorfinissagaani meeqqanik pinerliisimannginnermut uppernarsaammik pissarsisimasariaqarpoq.
Qinnuteqarneq sulisussarsiornerullu ingerlanissaa
Sulisussarsiorneq Thomsen Consultingimit isumagineqassaaq. Kingusinnerpaamik qinnuteqarfissaq tallimanngorneq ulloq 30. januari 2026 nal. 12.00. Kommunimi pisortaanertaassap isumaqatigiissusiornerup kingorna piaarnerpaamik atorfininnissaa Kommune Kujallermit kissaatigineqarpoq.
Sulisussarsiornermut tunngatillugu apeqqutit Niels Thomsenimut oqarasuaammut angallattakkamut +299 586636 / +45 5432 8408-mut saaffiginnissutigineqassapput mailerutigalugilluunniit uunga niels@thomsen.gl.
Apeqqutit atorfimmut tunngasorpiaat Kommune Kujallermi kommunip pisortaaneranut imaluunniit aningaasaqarnermut pisortanut saaffiginnissutigineqarsinnaapput.
