KOMMUNE KUJALLERMI MALITTARISASSANIK ATUUTITSINERMUT INATSISINULLU IMMIKKOORTORTAQ MARLUNNIK SULEQATISSARSIORPOQ

Piumassuseqarluartuuit? Anguniakkatit anguniarlugit tunniutiinnarusunneq ajortuuit?

IlungersunartutI nukittorsaatigisarpigit?

Uninngaannartillutit susassaaleqisartuuit?

Taamaappat illiusinnaavoq suleqatissarput nutaaq.

Kommune Kujallermi malittarisassanik atuutitsinermut immikkoortortami suleqataalissaatit

Malittarisassanik atuutitsinermut immikkoortortaq immikkoortortaqarfiuvoq nutaaq. Immikkoortortami Kommune Kujalliup inatsisit malittarisassallu malillugit ingerlanneqarnissaa ajunngitsumillu avammut saqqummertarnissaa kiisalu kommunip innuttaanik pitsaanerpaamik sullissisoqarnissaa qulakkeerinninissaq qitiusiumik suliassarineqarput.

Immikkoortortaq marluinnik immikkoortortaqarpoq; malititsinermut inatsiseqarnermullu, kommmunimut atuuttunik immikkoortortami malitisinermut tunngasunik assigiinngitsunik suussusersiineq, naliliineq nalunaarsuinerlu.

Immikkoortortaqarfik kommunip pisortaanerata ataani toqqaannartumik inissisimavoq. Malittarisassanik atuutitsinermut pisortaq qaninnertut pisortarissavat.

Kinaavit?

· Ataqqinnittuuvutit peqqissaartuuvutillu,

· Pisortat suliffeqarfiutaanni politikkip inatsisillu akornanni ataqatigiissitsinissaq soqutigisaraat

· Inatsisilerineq soqutigisaraat

· Angorusutaqarluartuuvutit. Ullormiit ullormut piginnaanngorsarusussuseqarputit,

· Uninngaannarusuttuunngilatit. Taamaattumik ulapaarfiusumi assigiinngitsunillu suliaqarfiusumi suliaqarluarsinnaavutit,

· Inoqatinnut ataqqinnissususeqarlutillu naligalugit naapisimaarsinnaavutit,

· Ersarissumik attaveqarsinnaasuvit,

· Sulateqarumatuusuvutt kisiannili inuttut akisussaaffiit namminersorlutillu suliniutitit tuniulliunnagit,

· Ammasuuvutit, saaffigiuminartuullutit kulturinut assigiinngitsunut ataqqinnittuullutit,

· Suleqatit ikiorneqarnissaminik pisiariaqartitsippat ikiortuarsinnaavutit,

· Illoqarfimmi kusanartumiinissat pingaartippat, sumiiffimmi asip illoqarfillu oqimaaqatigiiffigisaanni,

· Inuiaqatigiinnut kalaallinut oqaasiinullu ilisimasaqaruit iluaqutaassaaq, piumasaqaataanngilarli.

Ilinniakkatigut suut tunuliaqutaraagit?

· Kanditatitut bacheloritulluunniit attuumassutilimmik ilinniarsimasutit, ass. inatsisilerituutut, merkonimitut imaluunniit inuiaqatigiilerinerup tungaatigut ilinniagarsimasutit Ilinniakkannik naammasserlaajusutit imaluunniit ukiualunni misilittagaqartuusutit.

· Ilinniagaq allaanerusoq aamma akuerineqarsinnaassaaq.

Suut ilinnut neqeroorutigisinnaavagut?

• Suliffeqarfik assigiinngitsorpassuarnik suliassaqarfiusoq,
• Killiffiit naapertorlugu pineqassaatit
• Piginnaanereriikkatit qujarunneqassapput ilikkarusunnillu ilinniartinneqassallutit suliassatit piginnaaffigillualerniassagakkit.
• Avatangiisit suleqatigiilluarfiusut aammalu suleqatit nuannersut isumassuisullu.

Kommune Kujalleq Kujataalu

Kammunimi anguniagaraarput kommune piujuartitsiviusoq atugarissaarfiusorlu kiisalu innuttaasunik pitsaanerpaamik sullissiviusoq.

Kommune Kujalleq Nunatsinni kommunit kujallersaraat, alianaatsorsuarnik avatangiisilik, pinngortitaq qaamanerlu alutornaqisoq kiisalu qilak imarlu ataqatigiittarput. Kujataani pinngortitaq inuuffigineqarneq ajorpoq, inooqatigineqartarpoq, sumiikkaluaruit, ukioq qanoq iligaluarpat qanorlu ilioraluaruit apeqqutaanani.

Kalaallit Nunaanni kommunit kujallersaat Kommune Kujalleq pingasunik illoqarfeqarpoq, aqqanilinnik nunaqarfeqarnermi saniatigut sumiiffinni assigiinngitsuni nunalerinermik ingerlatsiviulluni uumasuuteqarfiusoq. Kommune 6200 missaannik inoqarpoq.

Akissarsiatigut atorfeqarnikkullu atukkat Akissarsiatigut atorfeqarnermilu atugassarititaasut, soorlu atorfininnermi soraarnermilu pisattat angallanneqarsinnaanerat ilinniakkat naapertorlugu kattuffiup isumaqatiginniussisinnaasup kiisalu Namminersorlutik Oqartussat isumaqatigiissutaat naapertorlugit pissapput. Fuldmægtigitut atorfunitsinneqassaatit. Kandidatit uppernarsakkamik misilittagallit isumaqatigiissutit atuuttut naapertorlugit immikkut siunnersortitut imaluunniit siunnersortit aqutsisuisut inassutigineqarsinnaapput. Atorfik pillugu isumaqatigiissuteqartut aatsaat akuersereerpata immikkut siunnersortitut imaluunniit siunnersortit aqutsisuattut tapeqartitsisoqalersinnaavoq.

Sapaatip akunneranut akunnerit 40-t suliffiupput. Inissaqartitsineq Atorfimmut atatillugu malittarisassat sukkulluunniit atuutsinneqartut naapertorlugit sulisunut inissiamik pequsersoringaanngitsumik innersuussisoqarsinnaavoq. Malittarisassat sukkulluunniit atuuttut naapertorlugit inimut aamma qularnaveeqqutinut akiliisoqartassaaq. Sulisutut inigisaq atorfeqarnermut atasuuvoq, atorfeqarunnaarnermilu qimanneqartussaassalluni. Inissiap pisoqaassusaa, piginninnermut tunngasut il.il. apeqqutaallutik inissiamut akiliut pitsaassuserlu assigiinngissinnaapput. Aalajangersimasumik najugassaqalernissamut innersuunneqarnissamut utaqqineq sivisusinnaavoq, taamaammallu utaqqiisaasumik inimik tunineqarneq pisinnaalluni. Sulisunut inissiami imaluunniit utaqqiisaasumik inigisami uumasuutit anginerusut, soorlu qimmit qitsuilluunniit, uumasuutigineqaqqusaanngillat. Paasissutissat annertunerusut Atorfik pillugu paasisaqarnerujumaguit, malittarisassanik atortitsinermut pisortaq Mehdi Shams oqarasuaat 299 64 80 99/+299 28 40 41 atorlugu attavigisinnaavat 

imaluunniit uunga allallutit mesh@kujalleq.gl. Nalunaaqquttat assigiinnginnerat malunginiarneqassaaq (GL = DK – akunnerit pingasut). Qinnuteqarneq Suleqatissatsitut isigiguit taava qinnuteqaateqarnissannut nangaaniaqinak. Ingerlaavartumik oqaloqatiginnittoqartassaaq Qinnuteqarfissarli aatsaat naareerpat inaarutaasumik isummertoqarumaarpoq. Qinnuteqarnissamut ulloq killigititaq tassaavoq 05. maaji 2026 nal. 12.00 (Kalaallit Nunaata nalunaaqutaa malillugu) Kingusinnerpaamik sapaatit akunneranni 19-mi atorfinissinnaasunik oqaloqatiginninnerit tamaasa ingerlassimassallugit naatsorsuutigaarput. Ulloq atorfiniffissaq tassaavoq 1. juli 2026. Isumaqatigiissuteqarnikkut ulloq taanna sioqqullugu imaluunniit kingoqqullugu atorfinittoqarsinnaavoq. Qinnuteqaat, CV, ilinniarsimanermut aamma pikkorissarsimanermut uppernarsaatit aamma pappiaqqat attuumassutillit "Qinnuteqaat nassiuguk" toorlugu nassiutikkit. 

E-mail aqqutigalugu qinnuteqaatit nassiussat tiguneq ajorpavut.